Fall Into Her season Three (last season) Complete

chapter 172 "Harang"

Ashi Vhon's Pov.

Pasado alas-dos na ng madaling araw at kakatapos lang ng party. Medyo lasing na ang mga kasamahan namin.

Nandito na kami sa labas ng resto bar habang nagpapa-alam sa isat-isa.

"Hey! Sabay na tayong lahat na umalis!" sigaw pa ni Lyle.

"Geh! Pasok na kayo sa kotse niyo." sabi ni Clark.

Inalalayan ng mga boys na pumasok ang mga babaeng medyo lasing na rin.

"Ingat kayo pauwi," bilin ko sa kanila.

Tumango na lang sila. Sila Lyle ang maghatid kela Bella.

Kanina ko pa rin nararamdaman na may nakamasid sa amin.

Psh!

Pinagbuksan ako ni Bisugo kaya pumasok na ako sa loob. Umikot ito at naupo sa drivers seat.

Napatingin pa ako sa labas ng may makita akong tao sa 'di kalayuan. Nakatago ito sa likod ng puno.

Tsk!

Mukhang iyon din ang taong nakita ko kanina noong mag-usap kami ni Debbien dito sa labas.

"Love? Are you alright?" tanong pa ni Bisugo.

Tumango na lang ako.

Naramdaman ko ring hindi lang ito mag-isa.

"Tara na!" rinig ko pang sigaw ni Keart.

Pinaandar na lang ni Bisugo ang kotse at magkasunod lang kaming lahat patungo sa main road.

Naka motor sila Xandra at Kyla. Hindi naman sila lasing. Mataas ang tolerance nila sa alak gaya ko.

Napatingin ako sa side view mirror. Kunot-noong napatingin ako sa tatlong naka motor.

Mukhang tama ang kutob ko kanina na may nagmamasid sa amin sa resto.

Kinuha ko ang cellphone ko at nagtext kay Xandra at Kyla.

Nasa unahan sila Lyka at Clark habang kami ni Bisugo ang nasa huli.

Mukhang hindi napansin ng iba pa naming kasamahan ang tatlong motor na nakasunod.

Lintik!

Napatingin ako kay Bisugo ng mapansin kong panay ang tingin niya sa side view mirror.

Napansin niya rin ba ang mga taong sumusunod sa amin?

"Love, may sumusunod sa atin." sabi nito.

Napabuntong-hininga na lang ako.

"Alam ko," kalmadong sagot ko.

Napatingin pa siya sa akin bago ibinalik sa daan ang tingin nito.

"Kanina mo pa napapansin?" takang tanong niya.

"Mmm. Mukhang sila ang nakita ko kanina sa labas ng resto ng mag-usap kami ni Deb." Saad ko.

Hindi siya nagsalita at panay lang ang tingin niya sa side view mirror.

"Wag ka na lang magpahalatang napapansin natin sila." dagdag ko pa.

Tumango lang ito ngunit bigla siyang napreno nang biglang huminto sila Keith sa unahan.

"Shit!?" mura pa ni Bisugo ng muntik ng tumama sa kotse ni Keith ang kotse niya.