No more Sunrise (Sequel #3)

Chapter 27

Traitor

Naramdaman ko ang panghihina because of what he told me pero kung inaakala niya na madadala kaagad ako ng mga salita niya ay nagkakamali siya.

Humalukipkip pa ako sa harapan niya to make it more dramatic and convincing how strong I am as a person. I stand firm sa mga decisions ko sa life at iyon ay ang umalis na dito.

"Uuwi na ako," madiing sabi ko.

Nanatiling naka-tingin si Julio sa akin at pagod na napahawak sa kanyang batok.

"Kung iyan ang gusto mo," sabi niya sa akin kaya naman kaagad na lumaki ang mata ko.

Hindi man lang siya mag-e-effort na suyuin ako? Like iyon na yon!?

"What!?" asik ko sa kanya.

Tumaas ang kilay niya. "Nirerespeto ko ang desisyon mo kung gusto mo ng umuwi," sabi pa niya sa akin.

"I'm pagod nga eh! At inaantok ako..." giit ko. Gusto kong magmaktol sa harapan niya.

I want to tell him na konting pilit lang ay papayag naman ako! This snoopy is so damn nakaka-irita!.

Napabuntong hininga si Julio at tamad na tumingin sa akin.

"Sige na Vera, matulog ka na sa kwarto ko," marahang sabi niya sa akin. Looks like Julio understood the assignment.

Ganyan nga, Snoopy. Pilitin mo ako!.

Humaba ang nguso ko at nag-iwas pa ng tingin.

"Dito ka na magpahinga..." sabi pa niya. He sounds mahinahon pero ramdam ko pa ding napipilitan na gawin iyon.

"I'll stay para bantayan ang rights ni Brunie. As a concern beautiful human being ay ayokong maka-saksi si Brunie ng mga sex activities ng Daddy niya sa kusina na dapat ay sa bedroom ginagawa," mahabang lintanya ko sa kanya.

Nakita ko ang bahagyang pagtaas ng isang sulok ng labi ni Julio bago ko siya inirapan at nagmartsa ako pabalik sa loob ng house nila. Ramdam kong nakasunod siya sa akin, sa laki ng mga hakbang niya ay hindi na ako nagtataka.

"Pwede iyong gawin kahit saan..." sabi niya at halatang nang-aasar pa.

"Like eww naman, Julio!" laban ko sa kanya.

Bago pa man ako makapasok sa backdoor ay nakita ko ng nakatayo si Crystal like she is looking for the manghihilot na si Julio. Nagtaas ako ng kilay ng bumaba ang tingin ko sa paa niya. Nakakatayo na siya and looks like she's fine na kaya naman pwede na siyang umalis.

"Crystal, si Vera..." pagpapakilala ni Julio.

Tipid na ngumiti si Crystal kahit naman I know na fake ang smile niyang iyon. Parang yung pangalan niya...Crystal pangalan mo pero mukha kang pwet ng baso. I know how rude it is para I-judge ko ang appearance niya pero masyado pa akong galit ngayon para pigilan ang pagiging judgemental ko.

And ang mahalaga naman I keep it to my self lang kaya hindi siya masasaktan.

"Kilala ko siya...pinsan ni Gertrude Montero," sabi niya.

Hinihintay kong may idugtong pa siya like something about me being the not kinikilalang apo ni Madam Cressida ay baka masampal ko na siya.

"Umakyat ka na, Vera." sabi ni Julio sa akin.

I saw kung paano puminta ang gulat sa mukha ni Crystal.

"Matutulog na ako sa room mo, Julio." sabi ko. I emphasize is pa para naman hindi na isipin pa ni Crystal kung anong gagawin ko doon.