ပြန်လည်ရှင်သန်ပီးနောက်သူဌေးကြီးရဲ့ချစ်ဇနီးလေးဖြစ်လာခဲ့တယ် [BL]

37 [Find me the first time]

ညနေဖျော်ဖြေပွဲချိန်တွင် ချန်ရှုအတော်လေး တိတ်ဆိတ်နေခဲ့သည်။လုဟိုင်လည်း လူသစ်ဘယ်မှာမှရှာမရတဲ့အတွက် သီချင်းဆိုတတ်ပြီး စင်အတွေ့အကြုံနည်းတဲ့ ကောင်မလေးတစ်ယောက်သာ ရလာခဲ့သည်။ စင်ပေါ်ရောက်သည်နှင့်သူမခြေထောက်တွေ တုန်နေကာ အသံကလဲ ရှရှောင်ထင်းကဲ့သို့ ဆွဲဆောင်မှုမရှိဘဲ အနည်းငယ်တောင့်တင်းနေတယ်။ရှရှောင်ထင်းလို ပရိတ်သတ်အပေါ်ပါးနပ်မှုမရှိပေ။

ရှရှောင်ထင်းက အကျင့်မကောင်းပေမဲ့ ရော့ခ် ဒါမှမဟုတ် သီချင်းစာသားတွေအပေါ်  အသံကောင်းကောင်းနဲ့ ထိန်းချုပ်နိုင်ပြီး သူ့ရဲ့အမြင့်သံနဲ့ ခန်းမတစ်ခုလုံးရဲ့ လေထုကို ချက်ချင်း မြင့်တင်နိုင်တယ်။အချစ်သီချင်းတွေဆိုတဲ့အချိန်မှာလည်း ချိုသာတဲ့အသံကိုလက်နက်တစ်ခုလို အသုံးချနိုင်တယ်။တီးဝိုင်းတစ်ခုလုံးမှာ သူ့ပရိသတ်အများဆုံးရှိနေတာ အံ့သြစရာမရှိဘူး။သူ့မှာ မကောင်းတဲ့အကျင့်တွေရှိပေမဲ့ မိန်းကလေးတွေကို ဆွဲဆောင်တဲ့နေရာမှာတော့ ကံကောင်းမှုတွေရှိနေဆဲပဲ။

ခေါင်းဆောင်အဆိုတော် နေရာပြောင်းလိုက်တဲ့အတွက်ကြောင့် ချန်ရှုက သူ့မျက်နှာကို ပြစရာမလိုဘဲ ဖျော်ဖြေမှုတစ်ခုလုံးပြုလုပ်ခဲ့ပြီး ဆယ်နှစ်နာရီထိုးခါနီးတွင် အေးစက်နေတဲ့မျက်နှာဖြင့် စင်ပေါ်ကနေဆင်းသွားသည်။ထိုအချိန် မျက်လုံးကျဉ်းကျဉ်းနဲ့ လူတစ်ယောက်က သူ့ကိုတင်းတင်းကြပ်ကြပ်ကိုင်ထားပြီး ဝိုင်ဖန်ခွက်နဲ့သူ့မျက်နှာကိုကပ်ကာ သောက်ခိုင်းတယ်။သူ့နောက်မှာတော့ အော်ဟစ်ဆူပူနေတဲ့ ဆန်ကုန်မြေလေးကောင်တွေလည်းရှိနေသည်။

ထိုယောက်ျားအပေါ်ကအရက်နံ့ ကြောင့်ချန်ရှု ရှရှောင်ထင်းကို အမှတ်ရသွားတယ်။ထိုလူက ချန်ရှုမလှုပ်လာတာကို မြင်တော့ ကြောက်နေတယ်လို့ ထင်လိုက်သည်။ ချန်ရှုပခုံးပေါ်ချိတ်ဖို့ သူ့လက်ကို ပြောင်ပြောင်တင်းတင်းပင်မြှောက်လိုက်တယ်။ချန်ရှုစကားတစ်ခွန်းမှ မပြောဘဲ ထိုလူ့ဆီက ဝိုင်ခွက်ကို ယူလိုက်ကာ မျက်နှာကို တိုက်ရိုက် ပက်လိုက်သည်။

ဆူညံနေတဲ့ဘားက ရုတ်တရက် တိတ်ဆိတ်သွားတယ်။ထိုလူက သူ့မျက်နှာပေါ်ကအရက်ကို လက်နဲ့သုတ်လိုက်ပြီး အံကြိတ်ကာ