ပြန်လည်ရှင်သန်ပီးနောက်သူဌေးကြီးရဲ့ချစ်ဇနီးလေးဖြစ်လာခဲ့တယ် [BL]

34.1 [You must called him Papa]

စစ်ရယ် အသံရပ်သွားတာနှင့် အခန်းထဲရှိလူတွေ ရုတ်တရက် တိတ်ဆိတ်သွားသည်။

"စစ်ရယ်၊ ဒါက စည်းကမ်းနဲ့မညီဘူး"

စစ်ဝမ်ဖင်း သည် စစ်ရယ်ရဲ့အဓိပ္ပါယ်မဲ့တဲ့အပြုအမူကို ရပ်တန့်ရန် ဦးဆောင်လိုက်သည်။

"ဒီနေရာမှာ စည်းကမ်းနဲ့လွဲတာ တစ်ခုမှမရှိဘူး "

စစ်ရယ်တခြားသောစကားသံတွေကို လျစ်လျူရှုကာ သူ့အကြည့်က ချန်ရှုကိုပဲ တည့်တည့်စိုက်ကြည့်နေသည်။

ချန်ရှုလည်း ရုတ်တရက် အခန်းထဲကလူတွေရဲ့ အာရုံစိုက်မှုကို ခံလိုက်ရတယ်။ဒီကောင်လေးမှာ ထိုင်ရဲတဲ့ သတ္တိမရှိဘူးလို့ လူတိုင်းက ယုံကြည်ထားကြသည်။ သို့သော် သူတို့ မှန်းဆချက် မှားသွားခဲ့တယ်။ ချန်ရှုကတည်ငြိမ်စွာနဲ့ မတ်တပ်ထရပ်ပြီး စစ်ရယ်ဆီသို့ လျှောက်သွားကာ စစ်ရယ်ဘေးနားတွင်ထိုင်ရန် ကုလားထိုင်ကို ယူလိုက်သည်။

စစ်ရိချန်က မယုံနိုင်ဖြစ်သွားပြီး မတ်တပ်ထရပ်

"အဖေ၊ သူအဲ့ဒီမှာ ထိုင်ခွင့်မရှိဘူး"

စစ်ရယ်ဘေးတွင်ထိုင်ခွင့်ရခြင်းရဲ့အဓိပ္ပါယ်သည် ထိုလူမှာ မြင့်မားတဲ့အဆင့်တန်းရှိပြီး အရည်အချင်းပြည့်ကာ စစ်မိသားစုတွင်လုံလောက်သည့် လုပ်ပိုင်ခွင့်ရှိသည်ဟု ဆိုလိုသည်။

ချန်ရှုက ပြင်ပမျိူရိုးကသခင်လေး ဖြစ်တာကြောင့် လုံလောက်တဲ့ အဆင့်တန်းမရှိပေ။စစ်ရယ်က ချန်ရှုကို စစ်မိသားစုရဲ့နောက်ထပ်ခေါင်းဆောင်အဖြစ်ဆုံးဖြတ်ထားတာ ဒါမှမဟုတ် သူ့ကိုလက်ထပ်ပြီး စစ်မိသားစုရဲ့သခင်ဖြစ်စေခြင်းမပြုပါက ထိုနေရာတွင်ထိုင်ခွင့်မရှိပေ။

စစ်ရိချန်ရဲ့စိတ်ထဲမှာတော့ နောက်ဆုံးတစ်ခုက မဖြစ်နိုင်ဘူးဆိုတာ သေချာနေတဲ့အတွက် သူ့အတွက်အဖြေက အရင်အတိုင်းပဲ၊ သူ့နေရာ ကို ချန်ရှု သိမ်းပိုက်သွားပြီ။

စစ်ရယ် က စစ်ရိချန်ကို ဂရုမစိုက်စွာစိုက်ကြည့်ပြီး

"ဘာလဲ?ဒီနေရာမှာလာထိုင်ပြီး မင်းပြောတာငါနားထောင်ကြည့်ရအောင်"