ပြန်လည်ရှင်သန်ပီးနောက်သူဌေးကြီးရဲ့ချစ်ဇနီးလေးဖြစ်လာခဲ့တယ် [BL]

54 [I really like him]

ရှောင်ရှုဟော်က ပြုံးပြီးနှုတ်ဆက်တယ်

"မင်းတို့ အချင်းချင်း သိလိမ့်မယ်လို့ ငါ မထင်ထားဘူး၊ ဒါက မင်းရဲ့ ကလေးလား"

စစ်ရယ် ချန်ရှုရဲ့ခါးကိုဆွဲ‌ပွေ့လိုက်ပြီး

"ဒါက ငါ့ချစ်သူ"

လို့ မိတ်ဆက်ပေးလိုက်တယ်။

ထိုအဖြေကြားလိုက်တော့ ရှောင်ရှုဟော်မျက်တောင်တွေ လှုပ်ခါသွားတယ်။အချိန်ခနကြာမှ သူ့မျက်နှာပေါ်က တောင့်တင်းတဲ့အမူအရာပျောက်သွားပြီး အကြည့်‌တွေပြန်ကြည်လင်လာကာ

"မင်းလက်ထပ်ပြီးသွားပြီလား? တောင်းပန်ပါတယ် ငါခနလောက် အရမ်းအံ့သြသွားလို့"

"ဟုတ်တယ်၊ အမျိုးသားနေ့ကပဲ လက်ထပ်လိုက်တာ၊ မင်းရုပ်ရှင်ရိုက်ဖို့ ရှုတင်မှာအလုပ်ရှုပ်နေတယ်လို့ မော့ဟန်ပြောတာနဲ့ မင်းကို မဖိတ်လိုက်တာ"

စစ်ရယ်နဲ့ ရှုဟော် စကားပြောနေတဲ့အချိန်မှာ မျက်လုံးတ၀က်မှိတ်နေတဲ့ ချန်ရှုကို နူးနူးညံ့ညံ့ အာရုံစိုက်ထားတယ်။

"ဟုတ်တယ် အဲဒီအချိန်က အဖွဲ့သားတွေနဲ့ ရိုက်ကူးရေးလုပ်ရင်း အလုပ်များနေတာ"

ရှောင်ရှုဟော်က ပြုံးပြရင်း ချန်ရှုကို

"မထင်မှတ်ပဲ မင်းကစစ်ရယ်ရဲ့ချစ်သူ ဖြစ်နေတာပဲ၊ ဘယ်လောက်တောင် တိုက်ဆိုင်လိုက်လဲ၊ ထပ်မိတ်ဆက်ရအောင်၊ ငါက ရှောင်ရှုဟော်ပါ၊ စစ်ရယ်ရဲ့ အတန်းဖော်ဟောင်း"

သူ့မျက်ခုံးတွေက တွန့်ကွေးသွားပြီး အကြည့်တွေက နှစ်ဆနူးညံ့လာကာ

"ကျောင်းတုန်းက စစ်ရယ်ကအရမ်းနာမည်ကြီးတာ၊အတန်းကပ်ရပ်က ကောင်မလေးတွေဆို ကျောင်းပြီးတာနဲ့ သူ့ဆီပြေးလာကြရောပဲ"

ချန်ရှုက မျက်တောင်ခတ်ပြီး အပြစ်ကင်းသလိုအမူရာနဲ့ စစ်ရယ်ကို လှည့်ကြည့်ကာ

"တကယ်ပဲလား?"

စစ်ရယ်က သူ့ရဲ့ဆံပင်အနက်ရောင်တွေကို ပွတ်သပ်ပေးရင်း

"အဲ့ဒီလောက် ပုံကြီးချဲ့စရာ မလိုဘူး"

လို့ ပြောလိုက်တယ်။