اعتادت قول "لو انك تمضي عبر الجحيم استمر في المضي"
لكنها رضخت بنهاية إلى حال الدنيا و القدر ، و خضعت لمراحل الحزن الخمسة ( الإنكار ، الغضب ، المساومة ، الاكتئاب و القبول ) لكنها أرادت ان تضيف مرحلة أخرى... الإنتقام!
تقلبت بها دروب الدنيا و اقدرها...
#البارت_الواحد_والعشرين #ألواح_القدر #حور_ساري كان يجلس أدهم مع فريقه يعملون على قضيه أدهم بتعب : وصلتوا لحاجه؟ نديم ب انشغال : انا خلاص وصلت لكل المعلومات اللي محتاجها ليردف نديم وهو موجه نظره إلى صديق معه في الفريق : علاء انت وصلت ل ايه عندك علاء و هو ممسك بجهاز إلكتروني : انا هكرت الجهاز عندهم خلاص و كل حاجه فتحت عندي هنا نديم : تمام ابعتلي كل المعلومات نظر أدهم إلى نديم و قال له : كده أقدر أقول ان نديم الجبالي رجع ابتسم نديم إلى أدهم ابتسامه حزينه و اكمل عمله ، كان أدهم يتحدث الي نديم لتراوده مكالمه لينظر إلى الهاتف ليتفاجئ ان مدرسه جومانا تهاتفه قلق أدهم و اجاب عليهم أدهم : الوو؟..... ايوا انا ليردف أدهم بصدمه : اييه!! كمين ايه اللى اضربت فيه؟؟ ايه اللي وداها اسكندرية اصلا؟؟..... تمام تمام انا جاي حالا غلق أدهم الهاتف و نظر إلى نديم الذي كان ينظر له بتعجب من محادثته الغريبه ، قال أدهم لنديم بهدوء : انا و انت هنسافر اسكندرية دلوقتي نديم بترقب لحديث أدهم و قال : حصل ايه أدهم : في كمين حصل فيه ضرب نار في مينا اسكندرية و في عسكري مات نديم : و ايه تاني؟ أدهم بحذر : جومانا كانت في الكمين و اتضرب عليها نار و هما حالياً فى طريقهم للمستشفي نظر نديم بصدمه إلى أدهم يحاول استيعاب ما يقوله ، ليقول له أدهم : مفيش وقت للصدمه يلا بينا عشان نلحق نروحلها الطريق هياخد ساعتين و.. لم يكمل أدهم حديثه بسبب نديم الذي اندفع تاركاً ادهم و خرج يركض إلى سيارته ؛ بدء نديم في القياده ليري ان أدهم لحق به و جلس بجانبه ليقود نديم دون أن يقول شيئا. كان نديم يقود بتهور و كان كل ما يفكر به هو ان جومانا تضيع من بين يديه ، قال له أدهم : نديم اتكلم و قول اي حاجه نديم ب خوفاً على جومانا : اتكلم اقول ايه ؟؟ اقول انها ممكن تموت دلوقتي و هي شايفه انى راجل خاين ؟؟ اقول ايه رد عليا؟؟ اقول انها لو حصل ليها حاجه انا ممكن اموت بعدها؟؟ رد عليا المفروض اقول ايه ؟؟ أدهم : مش هيحصل ليها حاجه تفائل خير نديم : كانت بتعمل ايه هناك اصلا؟؟ و انت عرفت ازاى أدهم : اخر مرة كنت عندها في المدرسه قولتلهم لو حصل ليها اي حاجه يكلموني قبل أهلها و هي كانت هناك بسبب التطوعات إلى عملوها جديد للطلبه عشان يتعلموا من الظباط في اللجان نديم بغضب : و هي ايه اللى يخليها تروح معاهم الغبيه دي أدهم : كنت تتوقع ايه منها؟ نظر نديم إلى أدهم و لم يجيب عليه و اكمل قياده بسرعه ليقول له أدهم : ممكن تخليني انا اسوق؟ نديم : لا انا كده هوصل بسرعه أدهم : لا انت كده هتعمل بينا حادثه بسرعه ، اقف عشان اسوق انا نديم : معلش يا فندم مش هقدر أوقف العربيه ________________________________________________________________ أضواء و أصوات متداخله بعقلها و هي ترى نفسها عندما كانت طفله صغيره مع امها و هي تمسد لها شعرها و تصنع الجديله التى تحبها ثم ترى جدها و هو يهنئها بأول سيارة اصلحتها لتتحول رؤيها إلى شخص يجلس على قدميه و يعلن لها عنه حبه أمام الجميع لتتداخل ذكرياتها سوياً و ترى شخص أمامها يقول "انتى فينوس القرن الواحد و العشرين" لترى ذكرى أخرى لاحد يصافحها و يقول " نديم ، نديم الجبالي.. تشرفت بمعرفتك يا جومانا" فتحت أعينها لترى ضوء قوي جعلها تغمض عينيها مرة أخرى ، لتسمع صوت احد يقول : دكتور التخدير بسرعه يا جماعه فتحت أعينها لترى احد جالس بجنبها يقول : انتى سمعاني جومانا بصوت ضعيف : نديم : انا مسمعتكيش بس انا دكتور التخدير و عايزك تعدي من واحد لعشرة لما اقولك تبدأي تمام؟ نظرت له جومانا بتعب لترى الطبيب يضع قناع التنفس علي وجهها و ازاله مجددا عندما تنفست جومانا قدر كافي من المخدر ليقول لها الطبيب : أبدئي عد بدأت جومانا العد لكنها وقفت عن العد عندما أستمعت إلى الطبيب يقول : انتوا سايبين السلسله اللي فرقبتها دي ليه حد يجي يشلها قبل م نبدء العمليه بسرعه مسكت جومانا يد الطبيب و قالت بضعف من مفعول المخدر عليها : سيب السلسله الطبيب بتشتيت لجومانا : حاضر وعايزة ايه تاني جومانا بصوت متقطع : محدش يشيل السلســ.. غابت جومانا عن الوعي لتقترب منها ممرضه و خلعت القلادة من عنقها و بدأت العمليه. بعد مرور ساعتين كان قد وصل نديم و أدهم إلى المشفي المتواجد به جومانا ليذهب نديم إلى الاستقبال و يقول بحديث متقطع : في.. في بنت جت المستشفى هنا.. عشان ال.. اا وضع أدهم يده على كتف نديم ليقلل من توتره و قال له : اهدى و خد نفسك ثم نظر إلى موظف الاستقبال وقال : البنت بتاعه حادثه مينا الإسكندرية فين موظف الإستقبال : لسه في غرفه العمليات نديم بتوتر : هي بقالها قد ايه جوا ؟ موظف الاستقبال : هي وصلت من ساعتين أدهم : طب هي في الدور الكام و حالتها ايه موظف الاستقبال : في الدور التالت و تقدر تسأل الممرضين عن الحاله اومئ له أدهم و لحق بنديم الذى صعد إلى الطابق الثالث حيث تقبع جومانا ، مر قرب الساعه ونصف و مزالت جومانا بحجرة العمليات ، كان الأطباء يجتمعون حول جومانا ليستمعوا إلى صفير جهاز النبض ليقول الطبيب : نبضها بيقل هاتوا جهاز الإنعاش بسرعه ناوله احد الممرضين جهاز انعاش القلب ، أخذه الطبيب و قال : اشحنه علي 100 فولت و شيل الشاش اللي عليها ده نفذوا م قاله الطبيب ليصعق الطبيب جومانا و هو موجه نظره الي جهاز النبض الذى مزال مشير الي تهاوى النبض لدى جومانا ليقول الطبيب : علوه على 200 فولت ليصعق الطبيب جومانا مرة أخرى ليجد ان قلبها توقف عن النبض نهائياً ، ليقول احد الأطباء و هو ينظر إلى ساعته : أعلن زمن الوفاة؟ ليقول طبيب اخر : لاء لسه حد يجيب ادرينالين بسرعه لتخرج ممرضه خارج غرفه العمليات سريعا لتجلب لطبيب الادرينالين ، رأها نديم ليوقفها قائلا : هي حالتها ايه الممرضه و هي تتركه و تركض : ادعيلها النبض وقف و بنحاول نلحقها رجع نديم خطوتين إلى الوراء بصدمه و استند على الحائط من خلفه و شريط ذكرياتهم سويا يمر من أمامه ، أيعقل انها سوف ترحل و تتركه؟؟ لا لقد وعدته انها ستصبح بجانبه دائما؟؟ ماذا سيفعل بدونها ان رحلت؟ آفاق نديم و اتجه إلى غرفه العمليات يريد الدخول ليمنعه أدهم و اوقفه قائلا : اهدي و ادعيلها الشوشرة اللى هتعملها ممكن تخسرك جومانا ف اهدي نظر له نديم بآلم وقال : انا مش هينفع اخسرها. على الجهه الأخرى كانت الممرضه جائت ب الادرينالين سريعاً ليحقنها به الطبيب و قال : على 300 ڤولت ثم صعقها مرتين و نظر إلى جهاز النبض ليري ان النبض عاد لكنه بطيئ ليقول الطبيب : زودوا ادرينالين طبيب اخر : بس كده يا دكتور ممكن نفقد النبض تاني الطبيب : او يحفزها و يرجع النبض طبيعي ليحقنها الطبيب ب الادرينالين و يرسلها إلى العنايه المركزه خرج الطبيب من غرفه العمليات ليتقدم اليه نديم و يقول بحده : حالتها ايه و لو جاي تعرفني ان حصلها حاجه مش هيحصل ليكوا كويس فاهم ولا لاء الطبيب : اولا انت مين ، ثانياً انت مبتكلمش عيل من الشارع عشان تقف و تهددني كده انت بتكلم دكتور محترم ف ياريت تلزم حدودك قال أدهم : معلش قدر حالته هو قلقان على جومانا ، ممكن نعرف حالتها؟ الطبيب : هي بقت كويسه الحمدلله بس هتتنقل العنايه المركزه عشان قلبها وقف حوالى اربع دقايق و اول م هتفوق هتتنقل غرفه عاديه نديم : عايز اشوفها الطبيب : مش هينفع استني لحد متفوق نديم بتعب : ارجوك خليني اشوفها و اطمن عليها نظر الطبيب الي هئيه نديم المزريه بسبب قلقه و خوفه على جومانا ، ليقول الطبيب : تمام بس اتعقم قبل متدخلها اومئ له نديم و ذهب ليعقم نفسه و دخل الي جومانا ورآها نائمة على الفراش بلا حول ولا قوه و تتحيط بها الأجهزة الطبيه المتصله بها و قناع التنفس الموضوع على وجهه ، جلس نديم على مقعد بجوار فراشها و مسك يديها بين يديه و نظر لها و قال بحزن : مكنتش متخيل انى لما اشوفك هشوفك راقده على السرير بالمنظر ده! مكنتش متخيل ان انتى بقوتك و غرورك ممكن تبقي قاعده كده بلا حول ولا قوة هربت من عينه دمعه و قال و هو يقبل يدها : انتي وحشتيني ، قومي زعقي فيا و قولي عليا خاين و كاذب بس بلاش تبقي ساكته كده ، ايدك الباردة دي مش بتحضن ايدي لما امسكها!! انا حاسس اني مكسور عشان مش قادر اعمل حاجه ، انا بحبك يا جومانا. نظر نديم إلى جومانا و امسك بشعرها و قال : انتى قصيتي شعرك؟؟ ليبتسم ابتسامه صغيرة و قال : على الرغم من اني كنت بحب شعرك الطويل بس الشعر القصير فيكي مخليكي حلوة زي م انتى دايماً. قاطع نديم الممرضه التى قالت له ان وقت خروجه قد حان ليخرج نديم و يترك جومانا على مضض بعدما قبلها من وجنتيها ، وجد نديم أدهم ينتظره خارجاً يقول له : عامله ايه؟ تنهد نديم بتعب و قال : مش قادر اوصفها...بس عامله زي الوردة الدبلانه ربت أدهم على كتفه و قال : هتقوم منها بالسلامة متقلقش ليردف قائلا : انا اتكلمت مع الدكاترة هنا عن انها تتنقل القاهره قالوا ليا استني ساعتين لو الحاله مستقرة هيبعتوها على القاهره اومئ نديم إلى أدهم و قال : اكلم أهلها اقولهم؟ أدهم : من رأيي تستنى لما تتنقل القاهرة بلاش نتعبهم في السفر نديم : تمام ، حضرتك روح و انا هفضل مع جومانا هنا أدهم : هو انت فاكر انك الوحيد اللى مهتم بجومانا؟ جومانا دي انا معتبرها زي بنتي و كمان انا وعدتها انى هدربها لما تتخرج و تبقي من الفريق بتاعي ، عمرك شوفتني بتخلى عن حد من الفريق بتاعي؟ نديم بابتسامه خفيفه : لاء أدهم بمزاح : يبقي تحط لسانك في بقك يا سياده الرائد ابتسم نديم إلى أدهم و قال له : شكرا يا أدهم أدهم : ادهم حاف كده؟ و على العموم يعني انا معملتش حاجه و قولتلك جومانا زي بنتي مر بضعه ساعات و كانت تمت الموافقه على نقل جومانا إلى مشفي بالقاهره ليتم نقلها بسيارة طبيه إلى القاهره و لحق بها أدهم و نديم ليصلوا صباحاً إلى المشفى و يتم نقل جومانا إلى غرفه عاديه بعد الاستطلاع على حالتها و الكشف عليها مرة أخرى من الاطباء. قال أدهم لنديم : يلا بقي روح ارتاح شويه نديم : لا انا مش هينفع اسابها ادهم : بص لشكلك طيب! ينفع هي تفوق تلاقيك بالمنظر ده؟ روح ارتاح شويه من السفر و ظبط نفسك و تعالى و اعمل حسابك انها متخانقه معاك و مش طيقاك يعني تجيب هديه محترمه تليق بيها و كده دي فرصتك عشان تصالحها. اومئ نديم رأسه لادهم الذي اردف قائلا : و بعدين أهلها زمانهم في الطريق و لما يلاقوك هنا هيبقي الوضع غريب ف الأحسن ليك تروح دلوقتي و تيجي علي بليل القى نديم نظرة اخيرة علي جومانا ثم ودع أدهم و رحل الي بيته ، بعد دقائق من رحيل نديم كان قد وصل محمد و أمل إلى المستشفي ل يقابلهم أدهم و يقص عليهم ماحدث لجومانا. آفاقت جومانا و نظرت حولها لتجد والدها و أمل يسرعون إليها ، قال محمد بخوف : جومانا حبيبتي انتى سمعاني نظرت جومانا الي والدها و كادت ان تعانقه لكن عندما تحركت شعرت بآلم حاد لتتآوه جومانا ، ليقول لها أدهم : متتحركيش بقي احنا م صدقنا انك قومتي ب السلامه ساعدت امل جومانا على الاعتدال لتنظر جومانا إلى أدهم و قالت : قبضوا عليه؟ أدهم بتعجب : هو مين ده اللى قبضوا عليه جومانا : اللى ضرب عليا نار ، و اللى كسر اللجنه و خبط العسكري اللى كان معاه مخدرات في العربيه أدهم : اهدي اهدي ، انا معنديش اي معلومات عن اللى حصل بس تقريبا قبضوا عليه همت جومانا ان تقول شيئاً ليقاطعها والدها قائلا : اول م فوقتي سألتي على اللي عمل فيكي كده مفيش ازيك يا بابا وحشتني او اي حاجه ابتسمت جومانا له و قالت : كلكوا واحشني والله دارت أعينها حول الغرفه بنظرة سريعه و أردفت بخيبه أمل : كلكوا واحشني اووي لاحظ أدهم نظرة جومانا ليقول : انا و الرائد نديم اول م عرفنا اللي حصل ليكي سافرنا علي طول على الإسكندرية نظرت جومانا إلى أدهم و قالت بنبرة غريبه : شكرا جدا لحضرتك و للرائد نديم تعبتكوا جدا معايا محمد دويدار : اهو نديم ده انا بحبه جدا و دخل قلبي على طول ، شاب محترم و ابن ناس أكدت امل على حديثه : اه والله و قمه في الذوق و الأخلاق لم تستطع جومانا سماع جمله أخرى عن نديم لتقول كذبا و هي تتصنع التعب : هو الدكتور مش هيجي يطمن عليا ولا ايه انا حاسه انى تعبانه محمد دويدار : حالا يا حبيبتي هتلاقيه عندك ليذهب محمد ليأتي بالطبيب لتنظر جومانا فور خروج والدها إلى أدهم و قالت : هو نديم سافر فعلا الإسكندرية عشاني أدهم : ايوا لتقول جومانا بسخريه : هه مكلفش حتى نفسه يفضل موجود لحد م يتطمن عليا أدهم : انتى متعرفيش هو مر ب ايه نظرت له جومانا و لم تجيب عليه ليقول أدهم : انا هروح دلوقتي و هزورك بكرة أنشأ الله و من هنا لبكرة هتكوني عرفتي نديم كان بيمر ب ايه فعلا ، حمدلله على السلامتك خرج أدهم ل يقابل محمد و يودعه ثم رحل ، دخل محمد مع الطبيب إلى جومانا و قد أمر الطبيب الراحه التامه إلى جومانا و اعطها مخدر و منع الزيارة لها ليرحل كلا من محمد و أمل على وعد انهم سياتون إلى جومانا باليوم التالى. عند نديم كان نائم علي فراشه ليستقظ و ينظر إلى هاتفه ليتفاجئ ان مر عده ساعات و مزال نائما ، قام نديم و اغتسل و ارتدي افضل ثيابه و خرج من غرفته ليقابل والدته التى قالت له : على فين يا حبيبي انت لحقت ترتاح ابتسم نديم إلى والدته و قال : ادعيلي يا أمي والده نديم : بدعيلك على طول بس ايه المناسبه تنهد نديم وقال : جومانا تعبانه في المستشفى و انا رايح اتطمن عليها ادعليها تقوم بالسلامة و ادعي انها تسامحني والده نديم : ربنا يشفيها و يقومها بالسلامه يارب و يناولك اللي في بالك يا حبيبي قبل نديم رأس والدته و قال : ربنا يخليكي ليا يا حبيبتي. ليخرج نديم من منزله وسط دعوات والدته ، استقل نديم سيارته و اتجه إلى مشتل للورود لينتقي نوع خاص من الورود ثم اتجه إلى المشفى عند جومانا و ذهب إلى غرفتها و ترك الباب ليستمع إلى صوتها يقول : معاد الزيارة خلص و مش محتاجه حاجه دلوقتي ليفتح الباب و يدخل رأسه و يقول : حتى لو انا؟ تصنمت جومانا عندما سمعت صوته ليدلف نديم و يقترب و يقول : سامحيني جومانا دون أن تنظر له : اطلع برا نديم بحزن : على الاقل بصيلي يا جومانا جومانا : قولت اطلع برا نديم : انا بحبك يا جومانا على الاقل اسمعيني لتنظر له جومانا و تقول بغضب : انا سمعتك يا نديم انا استنيت و قولتك بدل المرة الف دافع عن نفسك قدامي و بررلي و انت اللي متكلمتش نديم : كنت خايف ، خايف ل اقول اي كلمه غلط تبعدي عني جومانا بجمود : انا في كلتا الحالات كنت هبعد عنك عشان انت كداب نديم : اديني فرصه تانيه ، و حياه اي حاجه كانت بنا اديني فرصه تانيه نظرت له جومانا باشتياق و حزن كانت تنظر له كما لو انها تحفظ ملامحه ، رأت لحيته التى نَمت قليلا و نقصان وزنه الملحوظ و الاسوداد المتواجد حول عينه و الحزن و الندم الباديين عليه ، لتغلق جومانا عينيها و تقول : انت معملتش حساب اي حاجه كانت بنا جلس نديم على الفراش بجانبها و مسك وجهها و جعلها تنظر اليه ، نظرت جومانا اليه بأعين دامعه و قالت : ليه عملت فينا كده؟ انا كنت بحبك و واثقه فيك ، ليه كسرتني كده؟ جذبها نديم اليه بحذر و احتضانها لتجهش جومانا في البكاء و تقول : انت واحشتني جدا ، وحشتني اووي يا نديم نديم بصوت مختنق : و انتى كمان وحشتيني ليبعدها نديم عنه و قال و هو يمسح دموعها : انا بحبك و عمري م حبيت غيرك ، انا اه كنت خاطب بس اقسم بالله كنت هسبها حتى لو مكنتيش ظهرتي في حياتي انا مكنتش بحبها و هي كذلك احنا مكناش مناسبين لبعض اساساً.. والله محبيت حد غيرك نظرت جومانا له و لم تقل شيئاً ، ليقول نديم : ادينا فرصه تانيه يا جومانا جومانا : لما اضربت بالنار و نقلوني علي المستشفي انا شوفتك شريط ذكرياتنا سوا عدا قدامي محستش غير احساس ان انا هموت خلاص و ملحقتش اعمل اي حاجه في حياتي ملحقتش اعمل ذكريات اكتر لينا بسبب غبائك و عنادي...شوفت ان الحياه قصيرة اووي و ان لازم الحق اعيش فيها يا نديم نديم : انتى مسمحاني ؟ جومانا : انا بحبك و انت بتحبني..هستنى ايه اكتر من كده لمعت عين نديم و كاد ان يحتضنها لتوقفه جومانا قائلة : بس انت لازم ترجع ثقتي فيك تاني يا نديم جذبها نديم إلى احضانه و قال : اوعدك انى هرجع ثقتك فيا ليردف و هو يستنشق رائحتها : انتى وحشتني اووي كل حاجه فيكي وحشتني أبعدته جومانا و أمسكت وجهه و نظرت له بتفحص و قالت : دقنك طولت اووي و شعرك كمان و خسيت جدا و الهالات السودا اللي تحت عينك دي ، ليه اهملت في نفسك كده ابتسم نديم إليها و قال : مكنش ليا نفس ل اي حاجه في الدنيا و مكنتش مهتم ب اي حاجه ، كنت قاعد في اوضتي بتفرج علي صورنا و فيديوهاتنا بس ليردف و ممسك بخصله من شعرها : و انتى قصيتي شعرك جومانا : قصوا ليا في المدرسه للأسف نديم : بقيتي زي القمر كده ابتسمت جومانا له ، لتقول و هي تنظر إلى الورود التى جاء نديم بها و قالت بتعجب : ايه ده عرفت منين. نديم : عرفت ايه؟ امسكت جومانا بالورود و قالت : عرفت منين اني بحب الورد الأسود؟ ابتسم نديم و قال : انا عارف عنك كل حاجه حتى عارف ان روبت داوني جونيور الممثل اللى بتحبيه نزل الفيلم اللى كنتي مستنياه بفراغ الصبر نظرت له جومانا بصدمه و قالت : احلف؟ الفيلم نزل! نديم : اها و مش بس كده الفيلم معايا كمان صرخت جومانا بسعاده و قالت : الله بجد انا بحب روبت داوني جونيور جدا نديم بخيبه امل : تخيلت انك هتقولي انا بحبك يا نديم جومانا بسعاده : بحبك طبعا بس هات الفيلم عشان اتفرج عليه نديم : حاسس باستغلال بس هفرجك علي الفيلم ابتسمت جومانا له ثم قالت بتفكير : بس انت لو قعدت معايا كده الممرضين هيجوا و هيلاقيوك نديم : متقلقيش محدش من الممرضين هيجي جومانا : متأكد نديم : ايوا متأكد و ادخلي شويه بقي السرير كبير و واخداه كله لوحدك جومانا : على فكرة انا تعبانه و كده و المفروض واخده طلقه نديم : م انا عارف يا حبيبي و لما تقعدي في حضني و نتفرج علي الفيلم سوا هتخفي اسرع جلس نديم بجانب جومانا و جذبها بيت ذراعيه و قال : بذمتك مش كده احسن؟؟ جومانا : مممم مش عارفه على حسب الفيلم هيبقي حلو ولا لاء نديم : والله طب مفيش فيلم خالص بقي لتبدء مشاكسه بين جومانا و نديم لتنتهي بقُبله نديم لجومانا على وجنتياها و التقطت جومانا لهم بعض الصور ثم بدأو بمشاهده الفيلم بسعاده ليسقطوا بالنوم مع انتهاء الفيلم و يظل نديم و جومانا نائمين سويا. بالصباح دلفت ممرضه إلى حجرة جومانا لتوقظها لكنها وجدتها نائمه بين احضان نديم لتتعجب الممرضه و تتركهم و تغادر الغرفه دون أن تصدر صوتاً ، لتمر دقائق و يأتي أدهم الي جومانا ليطمئن على حالتها و هم ان يدخل إليها لاكن اوقفته الممرضه قائله : استنى يا استاذ بلاش تدخل دلوقتي أدهم : ليه ، هي لسه نايمه الممرضه : ايوا يا استاذ بس هي مش لوحدها أدهم : اااه والدتها معاها تمام انا هبقي اعدي عليهم بعدين الممرضه : يا استاذ حضرتك مفهمتنيش حبيبها اللي معاها جوا و هما نايمين سوا أدهم بتعجب : حبيبها!! ليردف بعدما فهم : يخربيتك يا نديم هتودي نفسك في داهيه. لينظر أدهم إلى الممرضه و قال : كأنك مشوفتيش حاجه واللى شوفتيه محدش يعرفه او يسمع عنه فاهمه؟ الممرضه : فاهمه يا استاذ دلف أدهم إلى حجرة جومانا ليجد جومانا نائمه و مسنده رأسها علي نديم الذي يحتضنها ، ابتسم أدهم عليهم و اخرج هاتفه و التقط لهم صورة. #ألواح_القدر #حور_ساري #روايات#رومانسي #غموض #مغامرة #خيانه #روايات #اكشن #البارت #القدر#تشويق _________________________________________
عملت غلاف جديد للروايه و أنشأ الله هستقر عليه و مش كل شويه هغيره
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الغلاف القديم
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
