ألواح القدر (الجزء الأول و الثاني)

#البارت_الحادي_عشر

كان مع كل خطوة يخطوها يزداد غضبه حتى وصل إليهم و سمع ندائها بأسمه وسط محاولاتها في التملص من بين يدين يوسف ، اقترب منهم و رفع يديه و لكمه بوجهه ليقع أرضاً ، توقفت الموسيقي و معها الجميع ليشاهدوا ما يحدث ، اعتدل يوسف  و مسح بعض الدماء من فمه ليقترب منه نديم مجدداً و يلكُمه مرة أخرى ليترنح قليلا للوراء بسبب ثمالته ، ليصبح نديم بغضب :
_جومانا خط أحمر يا يوسف فاهم؟؟ خط أحمر و اللي عملته ده مش هعديه ليك بالساهل!

اقتربت منهم ميلسيا بسرعه قبلما يتهور يوسف و يفعل شيئاً غبياً اخر و قالت :
_نديم خلاص ، خلاص اهدي !!

قال نديم بغضب :
_ هو ايه اللي اهدي ، انتى مشوفتيش وساخته و الحركات اللي كان بيعملها !

اقترب منهم حراس المكان و بدئوا بأمساكهم ليخرجوهم خارج النادي ، ابتعد نديم عن الحراس و قال بالفرنسيه :
_ اتركوني سوف ارحل .

ابتعد عنهم ثم اقترب و سحب جومانا من يديها بقوه و خرج بسرعه حتى أن جومانا كادت ان تتعثر أكثر من مرة  في طريقهم ، ابتعد نديم بجومانا بعيداً عن النادي لتقول و هي تحاول أن تلاحق خطواته :
_ انت بتجري ليه خلاص خرجنا من المكان .

لينفجر بها نديم غضباً :
_يا برودك يا شيخه ، انتي جايبه البرود ده منين؟؟

اجابته جومانا بغضب مماثل:
_ انا مش بارده بس المفروض اني اعمل ايه ، واحد و كان سكران و حاول انه يتحـرش بيا اعمل ايه؟؟ اقعد اعيط؟! لا اسفه يا نديم انا مريت بحاجات اسوء من كده بكتير و الموضوع بنسبه ليا مش بالأمر الجلل لانه مكنش في وعيه ، و بعدين اظن ان انت جيت و الموضوع عدا علي خير!

نديم بغضب و صوت عالٍ :
_عدا على خير؟!! انتي اصلا اللي غلطانه من الاول!

قالت جومانا بذهول و غير تصديق لما يتفوه به:
_افندم ؟!! انا اللي غلطانه؟

اجابها نديم قائلا :
_ايوا انتي اللي غلطانه ايه اللي خلاكي تقبلي ترقصي معاه هاا؟؟ ولا انتى كان الموضوع حلو بنسبه ليكي؟

نظرت له جومانا بصدمه و قالت له  بحده :
_ لاء انا مسمحلكش يا نديم الزم حدودك ، سامع انت كده تجاوزت حدودك معايا و ياريت تسكت عشان متقلش من نظري اكتر.

قال لها نديم بغضب :
_ تجاوزت حدودي؟ انا اللي تجاوزت حدودي ولا الحيوان التاني ، و انتي اصلا ايه اللي يخليكي ترقصي مع واحد متعرفهوش ايه المبرر يعني؟

اجابته جومانا :
_لو انت هتحسبها ب اني اعرفه ولا لاء ، ف انا اسفه يا حضره الظابط اني رقصت معاك و اني سمحتلك تتجاوز حدودك معايا و اني معرفتكش حدودك من الاول ، عارف ده ليه عشان انا معرفكش يا حضره الظابط انا معرفش اي حاجه عنك و دي غلطتي !