ألواح القدر (الجزء الأول و الثاني)

#البارت_الثالث_عشر

صاحت جومانا قائله بضيق:
_ ايه الملل ده يا نديم يلا ننزل!

ترك نديم هاتفهه و نظر لها و قال :
_عايزة تروحي فين؟

اجابته جومانا ساخرة:
_على اساس اني لفيت باريس تلت مرات قبل كده و عارفه كل شبر فيها!

لتردف بضيق منه :
_ وديني اي حته ، م انت متبقاش مصحيني من الساعه سابعه الصبح عشان افضل قاعده في البلكونه انا خلاص حفظت المنظر اللي البلكونه بتطل عليه تحب اقول في كام واحد عدا من الشارع ده و هو بيتكلم في الفون؟

نظر لها نديم و قال :
_علي اساس انك عدتيهم يعني!!

اجابته جومانا بملل :
_ 578 واحد 511 ست و 66 راجل عدوا الشارع ده و هما بيتكلموا في التليفون.

قال نديم بتعجب :
_ انتي فعلا بتعدي الناس اللي ماشيه في الشارع؟

قالت جومانا و هي توجهه نظرها الى الطريق :
_بقوا 579 ،  الستات الفرنسيين دول راغيين اووي مفيش واحده عدت الا و كانت ماسكه التليفون بترغى فيه.

ضحك نديم بتعجب منها و قال :
_تمام تمام احنا هنخرج بس انا مستني مكالمه و اول م تجيلي المكالمه دي اوعدك انى هخرجك تمام.

اومأت جومانا رأسها له و هي تنظر الي المارة بتركيز و تكمل عد بهم ؛ بعد دقائق تلقى نديم المهاتفه التي كان ينتظرها ليخرج من الشرفه و من ثم يعود بعد دقائق و جلس ناظرًا لجومانا و قال :
_ هنرجع مصر بكرة ، طيارتنا بكرة الفجر.

نظرت جومانا له بحزن و قالت :
_بالسرعه دي!!

هون نديم عليها قائلًا :
_ لسه قدامنا يوم كامل النهارده و بكرة اليوم كله!

ليردف نديم بحماس لها :
_مش لازم بكرة ننام او نفضل قاعدين في الفندق احنا هنصحى بكرة نلم هدومنا و بعدين نخرج براحتنا و قبل الطياره بساعتين مثلا نرجع الفندق ناخد الشنط او نكلم حد يجبها لينا ، متقلقيش مش هنضيع وقت خالص و هخليكي تستمتعي بكل لحظه هتقعديها في باريس.

ابتسمت جومانا ثم وقفت و قالت :
_تمام يلا غير هدومك دي عشان ننزل.

ابتسم نديم لها و قال بمشاكسه:
_ انا دقيقه و هكون جاهز الدور و الباقي علي اللي بتقعد ساعه اعبال م تجهز!

نظرت له جومانا و قالت ببرود :
_انا براحتي اقعد زي م انا عايزة ، يلا أنجز بقي.

تركها نديم و دلف الى الجزء الخاص به من الغرفه و بدء بتغير ملابسه و هو يفكر إلى أين ياخذها؟ ليسمع دقات باب الغرفه و صوت جومانا العالي يقول له :
_ نديم الجو حر جدا احنا هنروح فين عشان اكون عارفه هلبس ايه بظبط؟