اعتادت قول "لو انك تمضي عبر الجحيم استمر في المضي"
لكنها رضخت بنهاية إلى حال الدنيا و القدر ، و خضعت لمراحل الحزن الخمسة ( الإنكار ، الغضب ، المساومة ، الاكتئاب و القبول ) لكنها أرادت ان تضيف مرحلة أخرى... الإنتقام!
تقلبت بها دروب الدنيا و اقدرها...
#البارت_الثالث_ و العشرين #ألواح_القدر #حور_ساري كانت جومانا تعدل من ملابسها بعدما انتهت الممرضه من تطهير جرحها و وضع ضماده عليه ، لتخرج و تقابل أمامها مدير المدرسة الذي اوقفها قائلا لها بغضب طفيف : بقي انا ألغي اليوم الدراسي عشان ترتاحي فتدخلي في مبارزة مع حد و تتعبي نفسك؟ جومانا ببساطه : انا قولت لحضرتك بلاش تلغى اليوم الدراسي و حضرتك اللي اصريت المدير : يعني انا اللي الغلطان جومانا : لا طبعا محدش قال كده يا فندم مدير المدرسة بتمالك أعصاب : جومانا مجتهديش نفسك و اتفضلي علي الصف بتاعك يلا اومأت جومانا للمدير و ذهبت حيث ينتظرها كلا من مريم و الياس. قال إلياس فور رؤيه جومانا بسخريه : انا مش هخسر قدام تحدي اهبل زي ده جومانا : أخرس مريم : قولنا بلاش و انتى اصريتي عجبتك نتيجه عنادك نظرت جومانا حولها و قالت : هو فين سليم ده ؟ مريم بترقب لجومانا : ليه؟ جومانا : هو فين ؟ إلياس : قاعد وسط شلته بيتفاخر بهزمته ليكي نظرت له جومانا بحده ليردف إلياس سريعاً : قبل متعملي ايه حاجه لازم تعرفي حاجه مهمه جومانا : ايه هي؟ إلياس : سمعت كلام بيقول ان سليم اتحداكي و كان قاصد يخسرك ب اي طريقه عشان ياخد حقه منك جومانا بتعجب : ياخد حقه من مين انا لسه عارفاه النهارده إلياس : تامر السويسي اللى انتى قبضتي عليه ابوه خالد كان بينه و بين عيله الهواري شغل عيله سليم يعني ف لما انتى قبضتي علي تامر اكملت مريم قائله : عيله سليم شغلها باظ جومانا : يعني هو عايز ينتقم لشغل باباه اللي باظ؟ مش بعيد تلاقي عيلته متورطه في المخدرات اللي كانوا بيهربوها دي لتردف جومانا قائله و هى تبحث عن سليم بأعينها : المهم انا عايزة اعرفه ان التحدي اللى بينا لسه مخلصش إلياس : يابنتي اهدي شويه انتى تعبانه تركتهم جومانا و اتجهت صوب شاب معها بالصف لتوقفه و تقول له : اسمك علي صح؟ انت اللى كنت الحكم بيني و بين سليم اومئ علي لها لتردف جومانا ب أبتسامة و تقول : تمام اووي ، لما سليم خبطني و المدرسين جم و فصلونا عن بعض انت صفرت عشان تنهي المبارزة؟ علي بتذكر : امم لا ملحقتش المدرسين جم بسرعه و نهوا كل حاجه ابتسمت جومانا بخبث و قالت له : طب انا محتاجك دقيقه معايا يا علي لتسير جومانا بسرعه و علي خلفها يحاول مجارتها ، وقفت جومانا أمام سليم لتسمعه يقول : انا اول م سحبتها عليا كده حسيتها اتوترت اصلا و مبقتش علي بعضها ف عشان كده هي بعدت بسرعه و خبطتني ليجيب عليه احد و يقول : تلاقيها وقعت في حبك يا تايسون سليم بغرور : مش الأولى ولا الأخيرة لتقول جومانا بصوت عالٍ بأشمئزاز : بس يلا انت هو نظر لها سليم وقال : عايزة ايه جومانا : و انا هعوز منك ايه انا جايه ابلغك ان المبارزة بينا لسه مخلصتش وقف سليم و اقترب منها و قال : ايه يا جوجو مش قادرة تتقبلي الخسارة نظرت لعلي الواقف بجانبها و قالت له : هو قال جوجو صح؟ اومئ علي لها ، لتقترب جومانا من سليم و تصدم جبهتها بجبهته بقوة جعلت سليم يترنح متأوهٍ من ضربه جومانا له جومانا : قول يا علي انت لسه قايل ليا ايه من شويه علي : انا مصفرتش عشان انهي المبارزة بينكوا لتكمل جومانا عنه قائله : معنى كده اننا لسه مخلصناش ، هبقي ابلغك امتى هنكمل المبارزة دي يا تايسون قالت الأخيرة بسخريه و تركته و رحلت. مر عدة إيام على جومانا بالمدرسه و تعافت تماما من إصابتها. كانت جالسه مع مريم و إلياس شاردة لتفيق علي مريم و هي تقول لها : هاااي يابنتي انتى فين جومانا : م انا معاكوا اهو الياس : اه معانا صح بآمرة الاكل اللى برد قدامك ده ، سرحانه في ايه؟ تنهدت جومانا و قالت : كنت عامله حسابي انى هخرج من المدرسه قبل عيد ميلادي مريم : و هو امتى عيد ميلادك جومانا : بكرة مريم : اووه هابي بيرث داي بيبي إلياس : نسأل الاسئله المهمه هتمي كام سنه؟ ابتسمت جومانا و قالت : 17 مريم : تخيلت انك هتبقي 16 جومانا : انا قبل م ادخل المدرسه دي كنت عايده سنه ف ممكن تلاقيني اكبر منكم الياس : على فكرة انا عندي 17 بردوا مريم بتصحيح : لسه هيتم ال 17 ابتسمت جومانا و قالت : احتفلوا بيا بقي عشان كنت حاطه آمال انى هخرج في اليوم ده إلياس بخبث : تخرجي لوحدك ولا مع حد نظرت جومانا اليه و قالت : فاكرني هتكسف بقي و اقول لا طبعا هخرج مع بابا و ماما و الشغل ده؟ لا انا كنت عامله حسابي انى هخرج مع نديم ضحكت مريم و قالت : شغل الحبايب بقي ده و ربنا يخليك ليا يا حبيبي قال إلياس مكملاً بسخريه : اه و اعبال متتمي ال 100 سنه و احنا سوا يا روحي نظرت لهم جومانا و قالت بسخريه : طب على الاقل انا نديم قال انه بيحبني و انا و هو سوا الدور و الباقي علي اللي بيحبوا بعض و عاملين فيها من بنها صُدم كلا من مريم و إلياس من حديث جومانا لتضحك جومانا عليهم و تتركهم و تذهب للساحه و تدرب ؛ اقتربت مريم من جومانا و قالت لها : انتى قصدك ايه بعاملين نفسهم من بنها جومانا و تعد زخيرة المسدس الممسكه به : مقصدش حاجه مريم : جومانا ردي عليا بجد قصدك بمين تركت جومانا المسدس و نظرت لمريم : قصدي عليكي انتى و إلياس اكيد ، انتوا مش شايفين نفسكوا؟ مريم : ايوا بردوا قصدك ايه بظبط جومانا بنفاذ صبر : انا عارفه انك بتحبي إلياس و باين عليه هو كمان بيحبك مريم : إلياس بيحبني؟ أمسكت جومانا بالمسدس و قالت : ايوا مريم : و انتى عارفه اني بحبه وضعت جومانا البارود في المسدس و قالت : من زمان لتردف جومانا : اوعى تقولي انك مخدتيش بالك انه بيحبك اومأت مريم رأسها بلا ، لتقول جومانا بصدمه : اييه؟ مريم : انا فعلا بحبه بس عمري م بينت حبي ليه و هو عمره م لمح بحاجه زي دي جومانا : عمره م لمح؟ انتى مستنياه يطلع قلوب من عينه يعني ولا ايه مريم بفرحه : يعني بجد هو بيحبني جومانا : بصي ، تصرفاته كلها بتدل علي كده بس بردوا متتعشميش اوي اتأكدي انه بيحبك بنسبه 70 % تمام مريم بسعاده و هي تعانق جومانا : 70% ده حلو اووي ابتعدت عنها جومانا و قالت : تؤ مش حلو لو رضيتي ب ال70% هتتعبي ، لازم تكوني طماعه في الحب مترضيش ب أقل من 100% من اي حاجه سواء تعبير عن حب تأكيد حب الخ كده يعني اومأت مريم رأسها لجومانا و قالت : طب انا المفروض اعمل ايه جومانا : ولا اي حاجه خليكي مريم زي م انتى لحد م يتحرك هو و يقول اي حاجه و مش معنى كده انك توقفي حياتك و تقعدي تستنيه لما يجي يقول انه بيحبك ، لاء كملي حياتك عادي و اتعاملي معاه عادي مريم : انا بحبك اووي يا جومانا و مش عارفه من غيرك كنت هعمل ايه جومانا : كنت متوقعه انى لما هسمع كلمه بحبك النهارده هتبقي من نديم بقي و كده بس اشطا يعني شغال ، و بنسبه لهتعملي ايه من غيري ف انا مش قادرة اتخيل والله أحمدي ربنا انى في حياتك ضحكت مريم علي جومانا و من ثم تركتها و ذهبت إلى تدريباتها ، ليأتي إلياس إلى جومانا و يقول : هو انتى كان قصدك ايه بعاملين نفسهم من بنها؟ نظرت جومانا إلى المسدس بين يديها و قالت له : من الواضح انى مش هدرب خالص بسبب شويه مراهقين اكتشفوا انهم بيحبوا بعض لتنظر بعدها إلى إلياس و تقول : ايوا يا إلياس انا كان قصدي عليك انت و مريم و اه انا عارفه انك بتحبها و ناقص تطلع قلوب من عينك إلياس : هي بتحبني؟ جومانا : هجاوب على حسب إجابتك للسؤال ده انت اكيد بتحبها؟ إلياس : مبحبش قدها جومانا : طيب تمام الياس : هو ايه اللي طيب تمام جومانا : انا كنت عايزة اعرف حاجه و عرفتها إلياس : ايوا يعني هي بتحبني ولا لاء جومانا بغلاسه : الله اعلم إلياس : انا عارف انك عارفه حاجه قولي بقي جومانا : امم بص هو انا مش متأكده بس هي تقريبا بتحبك يعني اتأكد انها بتحبك بنسبه 70 % كده ابتسم إلياس وقال : ده كده حلو اووي جومانا بهمس : لا أما الغباء ده منتشر في العيله او انهم شبه بعض اوي بسبب حبهم اردفت جومانا لالياس : مش حابب تتأكد انها بتحبك ب نسبه 100% طيب؟ إلياس : اكيد حابب جومانا بسهوله : خلاص روح قولها انا بحبك إلياس : لاء طبعا مش هينفع. جومانا : ليه إلياس : انا لسه عيل بياخد مصروفه من ابوه لما ابقي شايل مسؤوليه نفسي هبقي اروح اقولها انى بحبها ابتسمت جومانا و قالت : كبرت في نظري جدا يا إلياس ، لما يجي الوقت المناسب قولها اقتربت منهم سيده و نظرت لجومانا و قالت : جومانا الجواب ده وصلك من شويه أخذته جومانا من السيده و قالت بتعجب : جواب؟؟ لتنظر جومانا إلى تلك الرساله و تقول و هي تقوم بفتحها : تقريبا ده من المحكمه عشان القضيه نظرت جومانا إلى الرساله و بدأت بقرأتها لتبتسم بحب بعد انتهائها من قراءه الرساله إلياس : هاا الجواب فيه ايه ؟ اغلقت جومانا الرساله و قالت : انت مالك إلياس : لا والله دلوقتي انا مالي؟ تمام تمام تركها إلياس لتعاود جومانا قرأة الرساله مرة أخرى : إلى ڤينوس القرن الواحد و العشرين ارجو منك القدوم خلف المبني الثالث للفرقه الثانيه في تمام الساعة 11:50 ، لا تخبري أحد عن هذه الرسالة. كانت جومانا و لأول مرة تريد إنهاء يومها الدراسي بأسرع ما يمكن و كانت مشتته التركيز طوال يومها حتى لاحظ إلياس و مريم هذا و ظلوا يتسألون عن السبب و ماذا كان مكتوب بالرساله لكن جومانا التزمت الصمت ؛ مرت ساعات حتى اقترب منتصف الليل لتتسلل جومانا بهدوء و تذهب إلى المكان المكتوب في الرساله ، كانت تنظر حولها عندما وصلت إلى المكان المنشود لتجد شخص يقف بعيداً ينظر إلى السماء لتقترب جومانا منه ليشعر بها هذا الشخص الذى فور رؤيه جومانا له كانت ركضت بسرعه اليه و احتضنته بلهفه و قالت : نديم شدد نديم من احتضانها و قال : وحشتيني ابتعدت عنه جومانا و قالت : انت وحشتني اكتر لتردف : انت مجنون ، انت ! انت دخلت ازاى اصلا! مش خايف حد يشوفنا. دققت جومانا بملامحه لتجد آثار ضرب بوجهه لتقول بصدمه و هي تمسك وجهه : ايه ده وشك عامل كده ليه ايه الضرب ده كله؟ امسك نديم يد جومانا و قال : ممكن تهدي شويه انا الضرب اللي في وشي ده عشان كنت في مهمه زي م كنتي عارفه و حصل اشتباك بينا بس خلاص يعني انا بقيت كويس جومانا : ايوا الكلام ده كان من بدري انت سافرت قبل م ادخل المدرسه بيومين تقريبا و عدا لحد دلوقتي تلت اسابيع ف ازاى آثار الضرب لسه فيك انت رجعت امتى من المهمه دي؟ نديم : خرجت من المستشفى من اسبوع شهقت جومانا بخضه و قالت : انت حالتك كانت ايه؟ و قولي من غير كذب يا نديم. نديم : جومانا انا كويس و واقف قدامك اهو ممكن تهدي بقي و نخلينا نحتفل بعيد ميلادك؟ جومانا : ايوا بس انت حال.. قاطعها نديم بقبله تفاجئت جومانا بها و حاولت الإبتعاد لكن جذبها نديم اليه لتندمج جومانا معه في قبلته ابتعدوا عن بعضهما اخيرا و قال نديم : كل سنه و انتي طيبه يا حبيبي كان وجه جومانا يشع احمرار من خجلها لتقول له : انت مجنون نديم و هو ينظر إلى ساعته : الساعه 12 و دقيقه ، كبرتي سنه جومانا : ايوا بقي عندي 17 سنه نديم : امم يعني كلها 3 سنين و نتجوز يعني؟ نكزت جومانا ذراع نديم بخجل ليقول لها : ايه ده ايه ده احنا بقينا جامدين ادينا تقلت اهو جومانا : اه طبعا امال انت فاكر ايه اخرج نديم عليه صغيره و لتفتحها جومانا لتتبين انها كعكه صغيرة و موضوع بمنتصفها شمعه اشعلها نديم و قال : يلا طفي الشمع جومانا : غني ليا نديم : انا مش هغني جومانا : لا هتغنى و هتصورني كمان يلا بقي امسك نديم هاتفه و بدء بتسجيل فيديو لهم ، قالت جومانا : انا بقالي خمس شهور مكلتش دونتس و اخيرا الدونتس قدامي ف انت احسنلك تغني بسرعه عشان انا هموت و أكلها و متتخيليش اني ممكن أديك حته منها. نديم : هنشوف الموضوع ده بعدين المهم happy birthday to you و بدء نديم الغناء و اشتركت معه جومانا ليتنهوا من الغناء و تمنت جومانا امنيه ثم اطفئت الشمع نظر لها و قال نديم : I love you 3000 فتحت جومانا اعينيها بفرحه و قالت : هاااي مستر توني ستارك كل مره بتبهرني و بتفرحني نديم : انا اتفرجت على فوق ال 20 فيلم عشان أقدر أقولك I love 3000 جومانا : انت مكنتش اتفرجت علي سلسله افلام مارڤل قبل كده؟ نديم : اتفرجت عليها بس مش كلها. جومانا : مش هجادلك عشان انا فرحانه انك اتفرجت علي الافلام دي كلها عشاني بس انت عرفت منين. نديم : جومانا انتي كل حاجه حرفيا بتعمليها شير عندك علي الفيسبوك. جومانا : انا بطلت الموضوع ده من فترة نديم : عشان معكيش موبايل هنا مثلا؟ جومانا : مش هتكلم في الموضوع ده عشان انا عايزة اكل الدونت دي جدا. اخذتها جومانا و بدأت باكلها بانسجام و قالت و هي تأكل :اممم انا بحبك اووي بجد كان نديم ينظر لها بحب و قال : عشان جبتلك الدونت ولا عشان اتفرجت على مارڤل؟ جومانا : بحبك عشان انت نديم ، المهم قولي انت دخلت هنا ازاى عشان انا حاسه اننا هنتمسك في اي لحظه نديم : متقلقيش انا فضلت تلت ايام بدرس مدرستك حته حته عشان الاقي مكان نتقابل فيه منغير م حد يوصلنا او يلاقينا فيه و لاقيت ان المكان ده مناسب جدا و نطيت من السور عشان ادخل المدرسه وضعت جومانا اخر قطعه كعك بفم نديم و قالت له : انت تعبت جدا عشان تقضي معايا وقت زي ده و تفرحني شكرا ليك ، و كُل حته الدونت دي عشان حلوة جدا و مقدرتش أكلها لوحدي منغير م اديك منها اكل نديم الكعك و قال لها : حلوة عشان من ايدك علي فكرة. جومانا : لا والله ابتسم نديم لها و امسك بعلبه أخرى و قدمها لها و قال : دي هديتك جومانا : ليه تعبت نفسك يا نديم؟ كفايه انك هنا و انك حاولت توصلي و فضلت تدور علي طريقه عشان تفرحني بيها و تبقي معايا يوم عيد ميلادي قبل نديم رأسها و قال : انتي كنتي واحشني و كده كده كنت هدور علي طريقه عشان اشوفك بيها ف انا معملتش حاجه زياده يا حبيبي ، ممكن تفتحي الهديه بقي؟ ابتسمت جومانا له و فتحت العلبه لتتفاجئ ان بها سكاكين قتاليه لتنظر لنديم بصدمه و تقول له : ايه ده امسك نديم سكيناً منهم و قال : دول اسمهم خناجر صينيه عشان هي بتميل لشكل الخنجر اكتر بس هي في الأصل سكاكين ، انا حسيت ان السلاح ده هيليق جدا عليكي و هتعرفي تستخدميه كويس جومانا بأنبهار : دي أروع حاجه انا شوفتها انا حبيته اووي بجد نديم : و لسه لما تتعلمي استعماله هتحبيه اكتر اردف و هو يقوم بعمل بعض الحركات بالسكين : مع الوقت هتعرفي تعملي الحركات دي كان ينقل السكين بين يديه بخفه و من ثم اطاح بالسكين لنقطه محدده ليصيبها نديم بدقه ، قالت جومانا بسعاده : انا عايزة اتعلمه نديم و هو يضع السكين في العلبه مرة أخرى : هعلمك بس مش دلوقتي انا عايز اقضي معاكي شويه وقت قبل م حد يلاحظ غيابك اومأت جومانا لنديم ليجلسوا يتحدثون سويا قرب الساعه و قد طلبت جومانا من نديم ان يبحث لها اذا كان لعائله الهواري علاقه بما حدث لتامر السويسي ، ودع نديم جومانا و تسلق حائط المدرسه بخفه و قفز للخارج لتبتسم جومانا على وقتها مع نديم و تعود إلى غرفه نومها و تدخل بحذر حتى لا يستمع إليها احد و نجحت بالفعل و جلست على فراشها لتسقط في النوم سريعا. مرت الايام و قد جاء لجومانا استدعاء من المحكمه و سمحت المدرسه لجومانا بالذهاب و قد جاء نديم إليها ليصتحبها إلى المحكمه ، كانت تجلس جومانا بجوار نديم بالسيارة و تقول له : انت عارف انه مكنش لازم تتعب نفسك و تسيب شغلك و تيجي تاخدني صح نديم : تؤ كان لازم اجي اخدك لأنك لما تروحي هناك بابكي هيبقي موجود و مش هعرف اكلمك خالص و بنسبه لشغلي ف أدهم ذات نفسه سايب شغله و مستنينا في المحكمه نظرت جومانا إلى نديم وقالت بتعجب : انا كده اتوترت جدا و حاسه ان الموضوع كبير و اني مش مدركه حجم القضيه اللي انا فيها امسك نديم يدها و قال : الموضوع مش كبير ولا حاجه هو بس هتلاقي صحافيين كتير و اسئله كتير بس متقلقيش جومانا : هحاول اهدي شويه اردفت قائلة : عملت ايه في حوار عيله الهواري اللى قولتلك عليه؟ نديم : هما ملهمش علاقه بشغل خالد السويسي بس العائلتين بينهم صداقه و شغل عادي. أومأت جومانا رأسها له و ظلت تتحدث مع نديم حتى وصلوا إلى المحكمه و دخلوا بصعوبه من كم الصحفيون المتواجدون إمام المحكمه لكنهم استطاعوا ان يدلفوا إلى الحكمه و الذهاب إلى أدهم ______________________________________ محمد دويدار : يلا يا امل اتاخرنا اقتربت منه امل و هي تعدل من ملابس عمرو : بلبس عمرو طيب محمد : هتاخديه ليه م تسبيه احنا مش رايحين فرح دي محكمه و قضيه امل: اسيب الواد لمين طيب؟ و بعدين ابقى استناكوا برا بعمرو لو مرديوش يدخلوه محمد : طيب خلاص يلا بينا انا اصلا قلبي مقبوض من المشوار ده امل : افرح لبنتك و هي بتحقق حلمها و بتقبض علي الناس و بتصلح البلد محمد بسخريه : بتصلح البلد مرة واحده امل : ايوا طبعا مش المخدرات اللى كانت في العربيه كانت ممكن تعدي من اللجنه و تروح تتوزع على الشباب و حالهم يبوظ محمد : على رأيك والله كان ممكن فعلا يحصل كده ، المهم يلا بينا بقي خرج كلا من محمد و امل و عمرو من المصعد و اتجهوا ليستقلوا سيارة أجرة لكن اوقفهم رجل و قال لهم : حضرتك البشمهندس محمد دويدار والد جومانا محمد : ايوا انا : انا ابقى سواق من المدرسه اللى فيها بنت حضرتكوا و هي كانت طلبت من المدير انه يوفر ليكوا عربيه توصلكوا المحكمه و هو وافق ياريت تتفضلوا معايا عشان الحق اوصلكوا المحكمه محمد بتعجب : بس انا جومانا مقالتش ليا اي حاجه زي كده : تقدر حضرتك تكلمها و تعرف منها قالت امل بهمس لمحمد : يلا بينا نركب معاه و نتكل على الله بنتك بعتت ليك عربيه لحد عندك محمد : مش اكلمها الأول طيب؟ امل : نركب و كلمها في الطريق نظر محمد إلى السائق ثم اومئ راسه و قال : تمام يلا بينا. استقلوا جميعا السيارة و بدء السائق بالقيادة. _______________________________________________ نديم : يلا يا جومانا عشان لازم ندخل دلوقتي جومانا : استني بابا لسه موصلش أدهم : طب يلا بينا و هما هيحصلونا جومانا بتوتر : معلش استنى دقيقه بس تلاقي الموصلات زحمه او حاجه مرت بضعه دقائق و اضطرت جومانا إلى الدخول إلى قاعه التى ستتم بها المحاكمه على أمل ان والدها سيلحق بها. مرت ساعه و مازلت المحاكمه مستمرة و مزال القاضي يوجه الاسئله إلى جومانا التى كانت تجلس بجوار نديم و أدهم مشتته بسبب تأخر والدها أدهم : جومانا ممكن يكونوا اهلك وصلوا بس الظباط مرضيوش يدخلوهم بعد م الجلسه بدأت جومانا : بجد ؟ أدهم : ايوا طبعا ف متقلقيش نفسك أومات جومانا رأسها له بأرتياح و انتبهت إلى القاضي لتجد ان نديم امسك يديها و قبلها و قال : متقلقيش خجلت جومانا و قالت : لا وقته ولا مكانه نديم : انا معملتش حاجه انا بقلل من توترك بس جومانا : صدقني بتعمل العكس نظرت جومانا إلى رجل يبدو مهم نوعاً ما لتشير جومانا اليه و قالت : هو ده خالد السويسي صح؟ نديم : ايوا ظلت جومانا تحدق به لتجد انه ينظر لها لتنظر له جومانا بتحدي و تبتسم بغرور لتشيح نظرها عنه و صوبت تركيزها على القاضي. مر بعض الوقت و مازل المحاميين يحاولون الوصول إلى حكم لصالح تامر السويسي لكنهم فشلوا لينظروا إلى خالد السويسي و أشاروا له انه لا يوجد أي حلول ليومئ لهم بهدوء و يرفع هاتفه و يجري مكالمه سريعه ثم نظر إلى جومانا التى كانت تراقبه ، أعلن القاضي اعدام تامر خالد السويسي شنقاً بتهمه حيازته كميه كبيره من المخدرات و اصتدامه للعسكري بالسيارة الذي أدى إلى وفاته و إطلاق النار على طالبه بالمدرسه العسكريه بنية القتل ، انتهت الجلسه و خرجت جومانا برفقه نديم و أدهم بسعاده و قالت : حاسه ان حقي و حق العسكري اللي مات رجعلي أدهم : ربنا مبيضيعش حق حد اقترب منهم خالد السويسي برفقه حراسه و نظر لجومانا و قال : متعرفناش على بعض انا ابقى خالد السويسي تعجبت جومانا من بروده و ثباته بعدما علم ان ولده سيلقى حتفه لكنها نظرت إلى يده الممدوه بلا مبالاه و قالت : جومانا دويدار ضحك خالد ضحكه خفيفه و سحب يده و قال لجومانا : عجبني اووي اللى انتى عملتيه في اللجنه جومانا ببرود : اقل حاجه عندي خالد : دمك خفيف ، بس نصيحه لقدام متدخليش في شغل الكبار بعد كده اردف و هو يبتعد عنها : ابقى سلميلي على بابا و ماما اصلي مشوفتهمش في القاعه ليغمز لها بخفه و يتركها و يذهب لتنظر جومانا إلى نديم و أدهم و تقول : هو قصده ايه؟؟ هو كان بيهددني صح؟ هو ازاى اصلا بارد كده ده ابنه لسه واخد إعدام و بعدين بيقولي سلميلي علي بابا و ماما يقصد ايه بكلامه صمتت جومانا فجاءه لتأخذ هاتفها و تهاتف والدها لكنها وجدته مغلق لتهاتف امل لتجد ان هاتفها هى الأخرى مغلق ، لتنظر جومانا إلى نديم و أدهم الذين كانوا يحدثونها لكنها لم تستمع الى اياً من حديثهم و قالت : في حاجه غلط نديم : ممكن تهدي و تسمعني جومانا : بابا فين كل ده و ازاى موصلش أدهم : يمكن حصل ظرف يا جومانا و مقدرش يجي جومانا : اه ف تلفونه هو و امل يبقي مقفول صح؟ لا فيه حاجه غلط جائت لجومانا رساله من رقم مجهول تجاهلته جومانا و ظلت تفكر أين والدها حتى الآن لتجد رساله أخرى من نفس الرقم مكتوب بها : آخرة اللى يدخل في شغل الكبار انقبض قلب جومانا و نظرت إلى الفيديو الذي تم تحمليه لتنظر جومانا لنديم و تقول : نديم في حد بيكلمني بعتلي فيديو بس انا لسه مفتحتوش نديم بتعجب : مين ده؟ جومانا : معرفش بس هو بعتلي آخرة اللى يدخل في شغل الكبار قال أدهم : افتحي الفيديو يا جومانا فتحت جومانا هذا الفيديو بحذر لتجد انه لسيارة تقف بمنتصف الطريق و تنفجر و من ثم بدأت الكاميرا في الاقتراب لتصور ما داخل السيارة ليظهر ثلاثه جثث مشوهين من الانفجار. سقط الهاتف من جومانا بصدمه و نظرت لهم بأعين دامعه و قالت :...
############################################### _ جمله "I love 3000" تم اقتباسها من فيلم avengers (end game) قالها توني ستارك/ iron man الفيلم تابع لسلسله افلام مارڤل الشهيره _ الخناجر الصينيه ( السكاكين)
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
