ألواح القدر (الجزء الأول و الثاني)

#البارت_الاول

"ياريت يا أستاذه تبطلي اكل عشان متطرديش زي كل مره"
قالها مشيرًا الى احدى الفتيات ، و فور انتهاءه من جملته تحولت جميع الانظار الي تلك الفتاه التي تمسك بزجاجة مياه غازيه و تاكل شطيرة ، لتتوقف عن الأكل و تنظر الي ذلك المعلم و تقول بسخريه خفيفه :
_يعني حضرتك منزلنا من بيوتنا علي ملا وشنا الساعه 8 الصبح لا لحقنا نفطر ولا نغسل وشنا حتى و واقف عامل تشرح لحد م الساعه وصلت 11 ونص و مستخصر فيا حته باتيه افطر بيها !

ارتفعت قهقهات الجميع ، ليغتاظ المعلم و يقول لها :
_لسانك الطويل ده هيوقعك في المشاكل يا جومانا .

قالت جومانا بلا مبالاة بصوت منخفض :
_ و انا بحب المشاكل.

لتردف إلى نفسها بضيق :
_كان مالي انا و مال الشغلانه السودا دي.

لتوبخها فتاه تجلس بجانبها قائلة بلوم :
_ بطلي برطمه بقي يابنتي مش عشان المستر بيعديلك الكلام اللي بتقوليه يبقي تسوقي فيها و بعدين ده بيحبك والله بطلي تغلبيه.

قالت لها جومانا بأعين متسعه :
_ بيحبني!!! أُمال لو بيكرهني هيعمل فيا ايه إسراء ونبي اسكتي خالص قال بيحبني قال.

لتقول الفتاه لها بضيق:
_ براحتك بس لما تشيلي الماده بتاعته متجيش تعيطي.

قالت جومانا ببعض من الغرور و هى ترفع رأسها بشموخ :
_ هه اعيط.. انا اعيط!! لو ناسيه جومانا دويدار تبقي مين افكرك.

لتقول فتاه أخرى تجلس بالقرب منهم :
_ اهي هتتغر بقي .

لتلتفت جومانا لها قائلة  :
_ و اعيش و اتغر !

ليمر بعض الوقت ليعُلن المعلم إنتهاء الدرس ، ليبدأ الجميع في الخروج ، لتقول جومانا و هي تجمع أغراضها :
_ إسراء هو انا لو بلغت عن المدرس هو و السنتر الحكومه هتديني كام؟

نظرت لها إسراء بصدمه و قالت :
_ يخربيتك تبلغي عن مين انتي عايزة تسقطينا و تخلينا نشيل السنه.

جومانا بلا مبالاه و هي تغادر من باب القاعه بعد حزم أغراضها :
_ انا كده كده شايله السنه ف مش ناويه اشيلها لوحدي ف فكرت أبلغ عن المدرس و ابقي رحمت نص الدفعه منه و من رخمته و ابقي استنفعت من الحوار .

إسراء بخوف من تهورها :
_ لا لا اهدي انتي مجنونه و تعمليها بطلي هبل يا جومانا المستر لو عرف هيسقطك بجد .

ابتسمت جومانا بخبث و هي تقول :
_ لا مهو مش هيلحق يسقطني.

هبطت جومانا من علي الدرج بجوار إسراء و بقيه الطلاب و خرجوا سوياً من المبنى ، لتخرج جومانا هاتفها و تطلب رقم الشرطه ، لتقول لها إسراء بفزع :
_ استنى استنى يخربيتك هتعملي ايه .