ألواح القدر (الجزء الأول و الثاني)

#البارت_الرابع_عشر

استيقظ من نومه على صوت صراخها له :
_الساعه 11 يا أفندي و احنا لسه في الفندق!! مش هنلحق نروح في حته.

لتكمل بصراخاً له :
_فاضل 16 ساعه علي الطيارة يا نديم 16 ساعه ، ساعتين منهم هيضيعوا و احنا بنفطر و بنلم الهدوم في الشنط و ساعه بنفكر هنروح فين و ساعه تانيه للغدا ده غير الساعتين اللي هيضيعوا و احنا في المطار مستنين الطيارة يعني مفضلش غير 10 ساعات بس تقدر تقولي هنلحق نعمل ايه!

اعتدل نديم من على الفراش و وقف أمامها قائلًا :
_بتصرخي علي الصبح ليه؟

قالت جومانا بغضباً له :
_ مفيش اصل كان في واحد كان كل مايلاقيني نايمه يصحيني من احلى نومه لاكن لما اكون عايزة اصحى بدري عشان الحق اخر يوم ليا في باريس من أوله يسبني نايمه للساعه 11!!

قال نديم بتساؤل :
_هي الساعه 11؟

نظرت له جومانا بغضب لتقول و هي تتركه :
_انا رايحه ألم هدومي قدامك دقيقتين و تكون بدأت تلم في حاجتك سامع؟

لحق بها نديم قائلًا:
_طب ننزل نفطر طيب الأول

اجابته جومانا بحده :
_عايز تفطر اطلب الفطار بالتليفون و انت بتلم في حاجتك ، بقوا دقيقه ونص على فكرة.

لتذهب جومانا و بدأت تلملم أغراضها ، بينما وقف نديم يحاول استيعاب لماذا هي غاضبه و ما كل هذه الأشياء التى تأمره بها..

بعد فتره كانت انتهت جومانا من تجميع أغراضها بحقيبه السفر و فعل نديم المثل ، ليجدوا ان الإفطار الذي طلبه نديم قد وصل إليهم في الغرفه ، ليجلسوا في الشرفه و بدأوا بالافطار بصمت، قطعه نديم قائلاً :
_انا وعدتك انك هتقضي وقت حلو النهارده فبلاش تكوني زعلانه ، انا حاولت آأجل معاد الطيارة بس معرفتش و بعدين احنا نايمين كويس يعني هنقدر نقضي بقيت اليوم براحتنا.

كانت تنظر جومانا الي هاتفها لتتركه و تنظر لنديم و سألته :
_هما بلغوا بابا ان طيارتي الفجر؟

نظر لها نديم قليلًا ثم قال بتردد :
_معنديش فكرة الصراحه ، ممكن يكونوا بلغوه .

اومأت جومانا رأسها بهدوء و اكملت فطورها بصمت لتقول بعدها:
_امبارح مفطرني سابعه الصبح و دلوقتي مفطرني 12 الضهر.

اجابها نديم :
-علي اساس انك متعوده تصحي من نجمه تحضري الفطار بتاعك و تفطري بقي صح؟

قالت جومانا بضيق له :
-علي فكرة كنت بفطر قبل م اروح المدرسه!

ضحك نديم عاليًاو قال بسخريه :
_يختي حلوة ، انتي لسه بتاخدي الانش بوكس بتاعك و انتي رايحه المدرسه؟