ألواح القدر (الجزء الأول و الثاني)

#البارت_الثاني_الجزء_الثاني

#البارت_الثاني_الجزء_الثاني
#ألواح_القدر_الجزء_التاني
#حور_ساري
جلس محمد بجانب والده و نظر له و قال : تعرف ان جومانا خرجت امبارح من المدرسه
سليمان : ايه خرجت؟ و انت عرفت ازاى و مجبتهاش على هنا ليه
محمد : حد من الجيران كلمني قالي انه سامع حركه في الشقه و هو عارف ان مفيش حد عايش فيها ف روحت و لاقيتها هناك و كانت لسه خارجه من المدرسه.
سليمان : هبقي اعدي اطمن عليها و اقولها تيجي تعيش معانا هنا
محمد : هترفض يا بابا متتعبش نفسك في الكلام معاها
سليمان : و ترفض ليه؟ مش بيت عمها ده
محمد : جومانا مش سهله و مش هترضي تعيش معانا الا في حاله واحده بس
سليمان بتعجب : حالة ايه؟
محمد بخبث : اتجوزتها
وقف سليمان و نظر ابنه بصدمه و قال : انت اتجننت ؟؟ تتجوز مين؟ جومانا!! مش عشان بقول تعيش معانا و اسأل عليها ابقى بحبها او طايقها لاا انا بعمل كده عشان اخويا الله يرحمه ، لكن هي!! انت ناسي امها تبقي مين و عملت ايه
وقف محمد و قال : و عشان كده بقولك اتجوزها ، هي دلوقتي عايشه لوحدها مش يمكن تجيب لينا مصيبه زي امها؟ احسن حل تبقى تحت عينك و عارف هي بتعمل ايه لكن طول م انت سايبها كده مش هتعمل اعتبار ليك او ل اي حد
سليمان : و انت فاكر انها ممكن توافق عليك ولا تكونش نسيت الشهر اللي قعدته في المستشفى بسببها ، ده مش بعيد تطردك لما تفتح معاها موضوع زي ده
محمد : و مين قال اني محتاج موافقتها او انى هفتح معاها الموضوع
سليمان بسخريه : امال هتتجوزها ازاى يا اخويا
ابتسم محمد وقال : هو مش انت عمها و بحكم انها لسه متمتش ال 21 سنه ف انت الواصي عليها؟ فانت تقدر تجوزهالي منغير م نعمل شوشرة و منغير م هي تعرف اساساً
سليمان : ده انت مظبط كل حاجه بقى
ليردف و هو يفكر : بس بردوا سبلي وقت افكر في الموضوع ده
محمد : خد وقتك بس بسرعه قبل م تجيب لينا مصيبه و منعرفش نعمل حاجه
ليترك محمد والده يفكر في حديثه و دلف إلى غرفته و فتح هاتفه لتظهر صور جومانا أمامه و قال : و اخيراً هكسر غرورك ده و هتبقي ملكي
###############################################
كان أدهم يقف أمام منزل جومانا و يطرق الباب ، لتفتحه جومانا و تقول لادهم : م لسه بدري يا سياده العميد
ابتسم أدهم و قال : الطريق كان واقف
جومانا : تمام تعالى يلا عشان انا هموت من الجوع
ليدلفوا إلى غرفه الطعام ليتفاجئ أدهم بكثرة الطعام التى موضوعه على طاوله الطعام لينظر أدهم إلى جومانا و يقول : هو انتى عازمه حد تاني؟
جومانا : لاء
أدهم : امال ايه الاكل ده كله
جومانا : أدهم ، انا بقالى تلت سنين باكل خضار بس ، حتى لما رجعت من إيطاليا المدرسه اكلتني اكل عيانين و حتى انتوا رجعتوني من إيطاليا بسرعه ملحقتش اكل بيتزا او باستا حتى
ضحك أدهم و قال : ماشي بس الاكل ده كتير بردوا
جومانا ببساطه : هيتاكل متقلقش
أدهم : طب اعملي حسابك متقليش في الأكل اووي اولا عشان الكنافه إلى انا جايبها ثانيا عشان متبوظيش لاياقتك البدنيه في حالة احتاجتك في شغل
ابتسمت جومانا و هي تجلس على المقعد : اهو انا نفسي بقي تطلبني في شغل
ليجلس أدهم هو الاخر و يقول : نإجل كلام الشغل دلوقتي كلي و انتى ساكته
ابتسمت جومانا له و بدأت بتناول الطعام برفقه أدهم وسط تعبيراتها عن افتقدها للطعام و سخريه أدهم عليها ، انتهوا من تناول الطعام و انتقلوا إلى غرفه المعيشه ، وضعت جومانا كوبين من الشاي على طاولة صغيره أمامهم و قالت : ملقتش عندي نعناع احطه بقي
ابتسم أدهم و قال : يسلم ايدك
ليردف بنبرة جاده : المهم انا كنت جايلك عشان موضوع مهم
اعتدلت جومانا في جلستها و قالت : ايه هو ؟
اخذ أدهم شيئاً من جيبه و وضعه على الطاوله امام جومانا التى قالت بتعجب : ايه ده ؟
أدهم : حقك من العمليه اللي انتى عملتيها
جومانا : ايوا بس الفلوس دي كتير اوى
أدهم : جومانا انتى جبتي معلومات مهمه جدا للبلد و روحتي مهمه صعبه و ده حقك مش اكتر
اومات جومانا رأسها ثم قالت : تمام يا أدهم  ، بس انت مش جاي عشان كده في حاجه تانيه جاي عشانها ايه هي؟
ابتسم أدهم و قال : في مهمه شغالين عليها و احتمال ابعتك فيها
جومانا باهتمام : مهمه ايه
أدهم : مش هقولك تفاصيل دلوقتي عشان انا بخاطر بيكي فيها ،  لو خدت موافقه انك تروحي هبلغك بكل المعلومات اللى هتحتاجيها ، بس المهمه دي غير اللى فاتت دي أصعب و هتاخد وقت اكتر ف عايزك تكوني مستعده يا جومانا
جومانا : عندي سؤال
أدهم : قولي
جومانا : انت بتقول شغل مهم جدا ليه متاخدتش اي ظابط من عندك؟ يعني اه انا عندي مهارات قتاليه بس مش زي الظباط إلى عندك اكيد ، ف ليه انا؟
أدهم : لما شوفنا المعلومات اللى انتى جبتيها لينا من عصابه إيطاليا لاقينا معلومات كتير اوى تخص الجهاز عندنا زي مثلا قائمه بمعظم ظباط المخابرات و العملاء اللي بيشتغلوا لحسابنا و دي كارثه بنسبه لينا لان كده معظم عملائنا في خطر و بدأنا اننا نشتغل عشان نرجع المعلومات دي تاني لينا و نحمي الظباط بتوعنا
اردف قائلا : عشان كده انا محتاجك في المهمه دي انتى مخفيه تماما و وجهه جديد و محدش يعرفك و هتقدري تساعدني ارجع المعلومات اللى اتسرقت من عندنا
جومانا : طب م انا كده معروفه لعصابه إيطاليا دي
أدهم : بتوع إيطاليا باعوا المعلومات بتاعتنا لمنظمه تانيه و لما عملنا تحرياتنا عرفنا ان عصابه إيطاليا مسحت اي حاجه تخصنا بناءٍ على أومر المنظمه إلى باعت ليها المعلومات فهمتي؟
اومأت جومانا رأسها و قالت : فهمت
وقف أدهم و قال : عايزك تكوني جاهزة عشان لو احتاجتك في اي وقت
جومانا : تمام يا أدهم  ، ممكن طلب
نظر لها أدهم لتقول جومانا : محتاجه شقه صغيره اعيش فيها تكون في مكان كويس و متكونش كبيرة اوي حاجه على قدي يعني
أدهم : ليه م الشقه دي كويسه
جومانا : القاعده فيها بتفكرني بأهلي و الموضوع مش حلو بنسبالي و كمان اكتشفت ان أعمامي دخلوا الشقه و انا مش موجود و كمان معاهم مفاتيحها ف الوضع مش مريح خالص
اومئ أدهم لها و قال : تمام هشوف ليكي شقه و هقولك ، طب انتى ناويه تبيعي دي؟
جومانا : لاء مش هقدر ابيعها هقفلها بس ، المهم انت لو لاقيت شقه قدامك ياريت تقولي بسرعه عشان انا مش هعرف اطلب من حد طلب زي ده
أدهم بتفهم : متقلقيش ، المهم انا همشي بقي و بينا تليفون
ابتسمت له جومانا و قالت : شكرا ليك بجد
أدهم : جومانا انتى زي بنتي او مش بنتي اوي عشان انا مش كبير للدرجه ممكن اختى الصغيرة ف بلاش تشكريني
جومانا بابتسامه : تمام اختك الصغيرة حلوة
وقف أدهم أمام المصعد و كاد ان يدلف به ليقول لجومانا : اه صح انا هاجي حفله تخرجك و مش مستنى عزومه منك
كادت ان تقول له شيئاً ، لكنه تركها سريعا و دلف إلى المصعد لتبتسم جومانا بسعاده عما يفعله أدهم معاها و عدم تركها وحيده.
مر اربعه ايام و كانت جومانا تحضر لنفسها بعض الطعام و الذي فسد منها ، لتغضب جومانا و تقذف الطعام بعيداً عنها و تجلس أرضاً واضعه رأسها بين يديها و بدأت بالبكاء.
أمسكت جومانا هاتفها و بدأت تسجيلاً صوتياً و قالت و هي تبكي: انا فاشله.. واحده فاشله و وحيده..مش عارفه تعمل حتى فطار لنفسها
بدأت بالنحيب و علت شهقاتها و قالت : انا لوحدي تماما و محدش سأل فيا حتى صحابي من ساعتها محدش سأل فيا كأنهم نسيوني
صمتت قليلاً تبكي ثم قالت بضعف : انا بقالى اربع ايام مبتكلمش و مبعملش حاجه لدرجه انى بسجل ريكورد غبي زي المجانين...انا مستحقش الوحده دي
اغلقت التسجيل ثم وقفت و اقتربت من صور معلقه بالحائط كانت صور عائلتها و صورة لها و هي صغيره برفقه أباها و امها لتبكي و تقول لهم : انتوا سبتوني ليه
نظرت إلى صورة والدها بالحائط ثم خفضت رأسها أمام صورته و قالت : انا مكسوفه ابص لصورتك...انا السبب في انك تموت...انا حتى مقدرتش ارجع حقك
لتصمت قليلا ثم نظرت الى صورة والدها و قالت : بس اوعدك انى عمري مهرتاح الا لو رجعت ليك حقك.
ابتعدت عن الحائط و اتجهت إلى غرفتها و وقفت أمام المرآة تنظر إلى هيئتها المزريه بحزن ثم اتجهت إلى فراشها و جلست عليه و مدت يدها لعلبه الدخان الملقاة على الأرض بأهمال و نظرت حولها تبحث عن شيئ لتشعل بها لفافه الدخان حتى وجدت قداحه أشعلت بها السيجارة و ظلت تنفث دخانها ب أنحاء الغرفه ؛ ظلت على تلك الحالة لساعات كلما انهت لفافه دخان تشعل الأخرى لتسمتع إلى رنين الجرس و هي تشعل سيجارة أخرى ، تعجبت و وقفت بكسل و هي ممسكه بالسيجارة بيدها و اتجهت إلى الباب لتفتحه لتتفاجئ أمامها بإلياس و مريم لتنظر لهم قليلاً و من ثم أشارت لهم بالدخول تعجبوا من ردة فعل جومانا و دلفوا إلى منزلها.
جلست جومانا أمامهم بطريقه عشوائيه و وضعت قدمها على الطاوله أمامهم بلا مبالاة و أشعلت سيجارتها و بدأت بتدخينها تحت أنظار مريم و إلياس المتعجبين منها ، لتقطع جومانا الصمت قائله : انا بقالي اربع ايام متكلمتش كلمه واحده مع بني آدم و مش فاكرة تقريبا اخر مرة كلت فيها كانت امتى و مش فاكرة بردوا اخر مرة سرحت شعري كانت امتى
نفثت دخانها ثم قالت : بس عارفين انا فاكرة ايه؟
نظرت لهم ثم قالت : فاكرة يا إلياس لما قولتلي احنا تاني يوم هنبقى عند بيتك نقعد معاكي و فاكرة يا مريم لما قولتي احنا هنتكلم و هنتقابل و محدش هيبعد عن التاني
مريم : جومانا انتى معندكيش أدنى فكرة احنا كنا بندور عليكي ازاى فضلنا نبعت ليكي ايميلات بس انتى مكنتيش بتردي و اكتشفنا اننا مش معانا رقمك لأننا مكناش بنستخدم تيلفونات اصلا و لما بعتلك على الفيسبوك لاقيت اخر ظهور ليكي من تلت سنين و جينا هنا فضلنا ندور عليكي و مكناش لاقينك بسبب ان الاستاذ إلياس كان بيودينا شارع غير الشارع اللى انتي ساكنه فيه
إلياس : مش ذنبي ان الشوارع كلها شبهه بعض
نظرت لهم جومانا ثم قالت بعدم صدق : يعني محدش فيكوا نسيني؟
اقتربت منها مريم و احتضانتها و قالت : بس يا غبيه انسى مين
إلياس : جومانا انتى بتفكري ازاى بجد
وضعت جومانا يدها علي رأسها و قالت : بحسبكوا نسيتوني و رجعتوا لحياتكم
مريم : محصلش اكييد..جومانا انتى اختى فاهمه يعني ايه
إلياس : ممكن نخلص واصله الهبل دي عشان قلبت دارما اووي و تقولي لينا يا جومانا من امتي و انتى بتشربي سجاير؟
نظرت له جومانا و قالت : من امتى بشرب سجاير النهارده ولا من امتى بشرب سجاير عموما ، لأن لو انت قصدك على النهارده ف دي تاني علبه سجاير اخلصها
مريم : لا هو قصده عموما
نظرت لهم جومانا قليلاً و قالت بحنين : من تلت سنين
لتردف و هى تنظر إلى لفافه دخان : اول مرة اشرب سجاير كنت مع نديم ، افتكر ساعتها انه خلاني اوعده انى مشربش تاني و مدمنهاش
لتبتسم بسخريه و هي تنفث دخان السيجارة : بس محدش كامل صح هو خلاني اوعده انى مشربش تاني بس رجع خاني ف انا كسرت الوعد عادي يعني
مريم و هي تشد منها السيجارة و تطفئها : جومانا انتى حالتك غريبه قومي خدي شاور و البسي عشان نخرج
وقفت جومانا و اتجهت إلى غرفتها و قالت و هي تسير : اعملوا حسابكوا ان انا هعمل شوبينج ف تستحملوني النهارده
اغتسلت جومانا و بدلت ملابسها و خرجت برفقه الياس و مريم ، رأت إلياس يتجه إلى سيارة لتقول له جومانا : عربيه مين دي
إلياس : عربيه ابويا
جومانا : انت بتعرف تسوق اصلا او معاك رخصه؟
إلياس : لا بسوق علي قدي و اكيد مش معايا رخصه
نظرت له جومانا بصدمه ثم قالت : ان مكنتش هتبقى ظابط ، انت عايز رخص العربيه تتسحب منك! هات مفاتيح العربيه يا الياس
أعطاها إلياس المفاتيح و استقلوا السيارة و بدأت جومانا ب القياده بطريقه محترفه ، ليقول لها الياس بتعجب : انتى اتعلمتي السواقه فين
جومانا : إلياس انا ممكن افك العربيه دي حته حته و اركبها تاني ف اكيد بعرف اسوق
مريم : شغلي اغاني بقى يا جومانا و خلينا نفك شويه
و بالفعل قامت جومانا بتشتغيل بعض الاغاني و هي تقود و كانوا يستمتعون بوقتهم حتى وصلوا إلى مول تجاري كبير و دلفوا اليه.
جومانا : الأول هناكل حاجه و بعدين هنروح نجيب هدوم ليا
إلياس : طب انا هاجي معاكي اعمل ايه و انتى بتجيبي هدوم
جومانا : انت جبت هدوم لنفسك عشان حفله التخرج؟
الياس  : لاء
جومانا : خلاص انت هتيجي معانا عشان تجيب هدوم لنفسك سهله اهي
ذهبوا إلى أحد المطاعم و طلبوا بعض الطعام لهم ، كانت تجلس جومانا أمام الياس و مريم يتحدثون حتى جاء الطعام لهم ، قالت مريم و هى تأكل : حاطيين بابريكا على الرز و انا مبحبوش
اسرع الياس بأخذ صحنها و قال : هبدل الرز بتاعك ببتاعي
لتبتسم له مريم و تشكره و ظلت تتبادل النظرات مع الياس و هو يبدل طعامهم ، بينما جومانا شردت و هي تنظر لهم و تتذكر ذكرياتها مع نديم بباريس و تذكرت عندما حدث موقف مشابه لهذا و أصر نديم ان يعدل طعامها بنفسه ، آفاقت على صوت مريم و هي تقول : جومانا انتى بتعيطي!
نظرت لها جومانا بتعجب و تفاجئت ان بعض دموعها تساقطت ، لتمسح وجهها و تقول و هي تأكل : لاء تلاقي حاجه دخلت في عيني
أنهو طعامهم ثم بدأو بشراء بعض الملابس لجومانا ، نظرت مريم إلى جومانا و قالت : ايه كميه القمصان و البدل اللى انتى جيباها دي!! ده لبس ولاد مفيش بنت بتلبس كده هاتي لنفسك فستان واحد على الاقل
قال إلياس بسخريه : انتى بتقولي ايه يا مريم جومانا و فستان سوا ، كانك عايزة تخلطي المايه و الزيت مع بعض
نظرت له جومانا و قالت : بلاش الترقيه دي يا إلياس
إلياس : لا بجد انا مش متخيلك بنت كده زي بقيت البنات و بتلبسي فساتين و كده
جومانا : ليه يعني شايفني مركبه شنب
ضحكت مريم و قالت : خلاص عشان ننهي الجدال ده هاتي فستان يا جومانا مش لازم تلبسيه يعني
جومانا : معنديش مشاكل مع الفساتين بس الموضوع و ما فيه اني مش برتاح فيهم مش اكتر
مريم : معلش هاتي واحد بس بردوا
اومأت جومانا رأسها لها و بالفعل اشترت فستان قصير باللون الأحمر و لم تهتم حتى أن ترتديه لتعلم مقاسه ، اتجه جومانا و الياس خلف مريم علي مضض إلى قسم مستحضرات التجميل ليقول الياس : انا مش عارف انتوا جايبني معاكوا هنا ليه
جومانا : متجمعش انا جايه هنا غصب عني
مريم : ممكن تسكتوا انتوا الاتنين
اقتربت مريم من جومانا و هي تمسك بعض مستحضرات التجميل و تضعها بجانب وجهها ، لتقول جومانا لها بتعجب : انتى بتعملي ايه
مريم : ملكيش دعوه
بدأت مريم بشراء بعض مستحضرات التجميل و من ثم اعطتها لجومانا لتنظر لها جومانا و تقول : انتى جيباهم ليا!!
مريم : ايوا و الحاجات دي هتليق على لون بشرتك جدا
نظرت جومانا إلى مستحضرات التجميل قليلا ثم ابتسمت و قالت : شكرا يا مريم
مريم : عايزة تشكريني يبقي تجربيهم و متركنهمش
جومانا : حاضر
الياس : هو احنا ممكن نروح بقى انا زهقت
جومانا : لا انت هتاخد مريم و تلف المول ده عشر مرات كده اعبال م اعمل شعري في البيوتي سنتر
إلياس : ايه!! انتى بتهزري صح انا لسه هستني تلت ساعات لسيادتك
غمزت جومانا إلى الياس و هي تشير إلى مريم : خد مريم يا الياس و لف المول
نظر لها إلياس قليلاً ثم ابتسم و قال : حاضر يا جومانا و انتى خدي راحتك خلاص هاا خدي راحتك
مريم : م اجي معاكي ليه تروحي لوحدك
جومانا : عايزة اعمل ليكوا مفاجأة ، روحي انتى مع إلياس يلا
تركتهم جومانا سريعا و ذهبت إلى صالون التجميل ؛ كان مريم و إلياس يسيرون سوياً بصمت ، وقف إلياس فجأه أمام مريم و قال : انتى وحشتيني
مريم بتعجب و خجل : ايه!! وحشتك ازاى يعني احنا كل يوم مع بعض تقريباً
إلياس : ايوا يا مريم مع بعض كل يوم بس مبنتكلمش مع بعض تقريباً
مريم : انت عايزنا نتكلم عن ايه
إلياس : عننا عن حياتنا عن حاجه مضايقاكي او حاجه مفرحاكي عن أي حاجه يا مريم ، احنا طول حياتنا مع بعض دخلنا نفس المدرسه و كل شويه بنتجمع و بتخرج بس علشان احنا ولاد خاله مش عشان احنا عايزين كده
مريم : معنى كلامك ده انك هنا معايا عشان انت ابن خالتي و بس
الياس بسرعه : لا طبعا
ليردف بحيرة : انتى الكلام معاكي صعب ليه
مريم : إلياس لما يبقي عندك كلام تقوله ابقى اتكلم ، تعالى نشوف المحل ده
ظلوا يتسوقوا قليلاً بصمت حتى هاتفتهم جومانا و أخبرتهم أين تنتظرهم ، ذهب إلى مريم و الياس ليتفاجئوا بشعر جومانا
مريم بصدمه : ازرق!! عملتي شعرك ازرق
جومانا بتصحيح : رجعته ازرق انا كنت عملاه كده بس انتوا ملحقتوش تشوفوه قبل م المدرسه تقص ليا شعري ، و بعدين دي الأطراف بس
إلياس : توقعت انك هتقصي شعرك مش تصبغيه
ضيقت جومانا حاجبيها و قالت: لا طبعا مش هقصه انا ماصدقت طول
مريم : هو نيولوك مجنون بس حلو اووي
جومانا : وروني انتوا جبتوا ايه و ليه مكشرين كده
إلياس : اتفرجي علي الحاجه اعبال م ارد علي الفون ده
قالت لجومانا عندما ابتعد الياس : في ايه يا مريم حصل حاجه
مريم : كان بيلطف معايا بالكلام بس انا صديته
جومانا : ليه يا غبيه
مريم : لانه يا جومانا عايزاني انا اللى احاول و انا اللى اتكلم و انا اللى اعمل كل حاجه هو مش راضي يتقدم خطوة واحده
جومانا : بس هو بيحاول
مريم : لما انتى قولتيله ولا فاكرة انى مخدتش بالي منك و انتى بتغمزي ليه و بتشوريله عليا عشان يتكلم معايا ، هو عايز اللى يزقه عشان يتكلم او يتحرك او يعمل اي خطوة...هو مش راضي يبدء ب اي حاجه يا جومانا
جومانا : اصبري عليه انتى متعرفيش وجهه نظره ايه بردوا
مريم : جومانا انتى اخر واحده تتكلمي عن وجهه النظر
جومانا بتعجب : ليه يا مريم
مريم : خلاص يا جومانا خليني ساكته احسن
اقترب الياس منهم و قال : في ايه
تجاهلته جومانا و قالت : لا يا مريم متسكتيش و قولي فيه ايه
مريم : فيه يا جومانا ان انتى كان معاكي واحد يتمنى ليكي الرضى ترضي و بيحبك و بيعشقك و لحد النهارده بيلف العالم حرفيا و هو بيدور عليكي ، بس انتى بكل سهوله اختفيتي من حياته من غير م تسمعي وجهه نظره
جومانا بصدمه : انا يا مريم!! للدرجه دي انا انانيه!! لدرجه دي انا شريرة في نظرك
مريم : مقصدش كده يا جومانا
جومانا : لا يا مريم ده قصدك ، بس هو انتى فاكره ايه انى مثلا محاولتش اسمعه او اسمع مبرراته! لا يا مريم انا قعدت و سمعت و محكتمش عليه غير لما سمعته ، بس انتى اللي مش في مكاني يا مريم انتى عمرك م هتكوني مكاني عارفه ليه؟ لان انتى عندك عيلتك عندك صحابك عندك الياس و كل دول حوليكي لكن انا ! انا لوحدي تماما و للأسف كنت فاكرة ان عندي اخت بس كنت غلطانه
مريم : جومانا لاء انا مقصدش كده ، جومانا اوعي تفتكري للحظه انى مش بعتبرك اختى
جومانا بغضب : و انا عمري م شوفتك بطريقه تانيه غير انك اختى
مريم : انتى عارفه انى غبيه و مبفكرش في الكلام قبل م اقوله بس انا قولت كده عشان حزينه عليكي يا جومانا...انتى بقالك كام سنه حزينه على نفسك و مش عايشه حياتك بسبب اللي حصل ليه متسامحيش و ترجعي لنديم و تفرحي؟ انتى مبقتيش عايشه اساسا
الياس : جومانا مريم دبش و مبتفكرش في الكلام قبل متقوله
جومانا : خلاص يا جماعه اقفلوا على الموضوع لانى مش ناويه اخسر حد فيكم النهارده
لتحمل جومانا أغراضها و تتركهم و تسير ليلحق بها مريم و الياس ، استقلوا السيارة و كادت جومانا تبدء القياده لكنها نظرت إلى الخلف لمريم التى كانت تبكي بصمت و قالت : انتى غبيه عشان فكرتي فيا بالطريقه دي و لولا انى عارفه انك غبيه و متقصديش كلامك كان زماني تصرفت تصرف تاني
مريم : يعني انتى مش زعلانه منى انا والله مكنتش اقصد.
جومانا : انا بسامح يا مريم بسامح عادي لاني بشر  و زي م في اوقات مبقدرش اسامح فيها في اوقات بقدر اسامح فيها فاهمه
مسحت مريم دموعها و قالت : طب و نديم قادره تسمحيه
نظرت لها جومانا قليلاً ثم قالت : انا عمري م زعلت من نديم انا مسمحاه من اول م غلط بس انا مقدرتش اكمل معاه ، احنا علاقتنا من الاول كانت غلط و هو مكنش هيستني السنين دي كلها لحد م اكبر و اعقل و ممكن يبطل يحبني اساسا ، ده بعيداً يعني عن ان وجودنا سوا كان هيبقي حرام
صمتت قليلاً و قالت : انا يمكن جيت علي نفسي و عليه و يمكن مش هحب حد في حياتي زي نديم او لاقي حد يحبني زيه ، بس انا عملت الصح و مش ندمانه عليه ...إحنا كان لازم نبعد
إلياس : أنشأ الله تجتمعوا في يوم ، ممكن ننهي الدراما دي بقي عشان هعيط
ابتسمت جومانا و قالت : تمام يا عم روميو
بدأت جومانا القياده حتى وصلت إلى منزلها ثم خرجت من السيارة و اخذت أغراضها و قالت : حفله التخرج بعد بكرة ياريت مشوفكوش اليومين دول بقي
الياس : صح ناوين تعملوا ايه بعد الحفله احنا لازم نخرج ساعتها
جومانا : شوف لينا اي مكان مجنون نروحه بس يكون في مزيكا و رقص ، لو في حفله لاي فرقه احجز لينا
إلياس بتفكير : سيبوا الموضوع ده عليا
جومانا : تمام see you
مريم و الياس :  see you
مر يومين و كانت جومانا تستعد لحفله تخرجها ، كانت تقف أمام المرآه تضع مستحضرات التجميل التى جلبتها لها مريم حتى انتهت و نظرت إلى نفسها ب المرآة  لم تشعر بالراحه بذلك التيشيرت منزوع الكتفين التى ترتديه لتأخذ ستره من نوع الچينز و ارتدتها ثم أرتدت حذاء ذو كعب عالى نظرت إلى نفسها بارتياح نوعاً ما ثم اخذت هاتفها و علبه دخانها و وضعتهم بحقيبتها ثم خرجت من منزلها لتقابل أدهم الذى كان ينتظرها.
قال أدهم عندما رآها : ايه الجمال ده
جومانا : بجد شكلي حلو؟
أدهم : جدا اينعم انتى لابسه اسود في اسود بس شكلك حلو
جومانا بتوتر : الجاكيت لونه چينز ف كاسر اللون صح ولا شكلي وحش!
أدهم : انتى متوترة ليه
استقلوا السيارة ثم قالت جومانا : متوتره من حوار التخرج و التكريم ده
أدهم و هو يقود : متوتريش نفسك أنشأ الله هتجيبي درجات كويسه متقلقيش
ابتسمت له جومانا ليقول أدهم : و انا عمال اقول فيكي ايه غريب اتاري شعرك رجع زي زمان
جومانا : اه رجعته زي الاول
ضحك أدهم لتقول له جومانا : بتضحك علي ايه
أدهم : مفيش افتكرت اول مرة شوفتك فيها في المطار
نظرت له جومانا و هي تتذكر ذلك اليوم ثم اشاحت  وجهها عنه عندما تذكرت رؤية أدهم لها و هي تُقبل نديم بالمطار لتقول جومانا : انت كنت بتتعدى على خصوصيات الغير زمان
أدهم بتسليه : انا كان قصدي لما طارق قبض عليكي انتى كان قصدك حاجه تانيه ولا ايه
نظرت له جومانا بخجل و احراج و قالت : سياده العميد سوق و انت ساكت
أدهم : ايه سياده العميد دي م تقولي أدهم على طول
جومانا : هقولك اونكل أدهم
أدهم : بزمتك ده منظر اونكل
ضحكت جومانا و قالت : لا يا أدهم
وصلوا إلى المدرسة ليقول أدهم : فين صحابك بقي اللى صدعونا طول الطريق مكالمات
نظرت جومانا حولها حتى وجدتهم لتقول : اهم هناك
أدهم : تمام روحي ليهم و انا هعمل تليفون صغير و هجيلك على طول تمام.
اومأت له جومانا و ذهبت إلى مريم و الياس الذين بدأو أطلقوا صفارات إعجاب لجومانا ، قالت مريم باعجاب : واو يا جومانا الميكاب مع الشعر تحفهه كنتى مخبيه الجمال ده كله في الكحكه السخيفه اللى بيتعمليها في شعرك
الياس : لساني عجز عن الكلام انا معرفتكيش
جومانا : هو اولا انا حلوة في كل حالاتي و ثانياً انتوا اللى شكلكوا حلو اووى فبطلوا افورة
مريم : لا انتى بجد شكلك حلو جدا
لتردف و هي تجذبها : تعالى عشان ماما عايزة تشوفك
ذهبت جومانا معاها لتلتقي بوالدان مريم و الياس  ، قالت مريم : ماما خالتو هي دي جومانا
جومانا : ازيك يا طنط
والده مريم : ازيك يا حبيبتي مريم في كل اجازة بتكلمني عنك و بتفضل تحكيلي عليكي
اردفت والده الياس : بس بسم الله ماشاء الله زي القمر يا حبيبتي بردوا الواد إلياس مش بيبطل كلام عنك
الياس : واد إلياس! هتخرج من المدرسه و كلها كام شهر و هبقي في كليه الشرطه و بتقولي واد
والده إلياس : واد و ستين واد كمان انت هتكبر عليا ولا ايه
ضحك الجميع و أقترب والد مريم برفقه والد الياس و هو يقول : ضحكونا معاكوا
مريم : بابا دي جومانا صحبتي اللى حكتلك عنها
نظر والد مريم إلى جومانا بتفحص و اقتربت منه جومانا تصافحه و هي تقول : ازيك يا اونكل
أجاب عليها : ازيك يا جومانا
ليردف قائلا : اسمك جومانا ايه
جومانا : جومانا دويدار
والد مريم : امال فين والدك يا جومانا نتعرف عليه ولا انتى جايه لوحدك
صمتت جومانا قليلاً و كادت ان تقول شيئاً لكنها تفاجئت ب......
#ألواح_القدر_الجزء_التاني
#حور_ساري
#روايات #رومانسي #مغامرة #وعد#غموض #فراق #تشويق #اكشن #البارت #وعد