ألواح القدر (الجزء الأول و الثاني)

#البارت_التاسع_عشر

#البارت_التاسع_عشر
#ألواح_القدر
#حور_ساري
:انا خطيبته.. خطيبه نديم
صدمه اصابت جومانا لجمتها عن تحدث نظرت فقط لنديم لتتفاجئ به بل تصُدم انه تعرف على تلك الفتاه و قال لها بصدمه : مروة انتى ايه اللي جابك هنا
مروة بغضب : جايه اكشف خيانتك يا زباله بقي انت مش معبرني و مخليني الف وراك عشان في الاخر تبقي بتخوني!!
حبست جومانا دموعها و تداركت الوضع الذى هي به و قالت بثبات عكس م تشعر به : اكيد يا طنط حضرتك فهمتي الموضوع غلط
مروة بتعجب : طنط!!
جومانا بجمود : ايوا انا كنت مع اونكل نديم عشان هيوصلني المدرسه انا اسفه جدا لو كنت سببت اي مشاكل
لتنظر لنديم و تقول بقهرة : انا اسفه يا اونكل نديم لو كنت سببت لحضرتك اي مشاكل مع خطيبتك
مروة بأستغراب : لا انا مش فاهمه حاجه مين دي
نديم بصدمه من تصرف جومانا : جومانا لاء
وقفت جومانا و وجهت نظرها إلى مروة و ابتسمت و قالت لها : انا ابقي جومانا اونكل نديم انقذني في العمليه الأخيرة بتاعته و هو كان كويس جدا معايا و حافظ على حياتي فعشان كده بقي بينه هو و أهلي تواصل و طلب انه يوصلني المدرسه عشان نويت انى ادخل مجال الظباط بعد التجربه اللي مريت بيها مع اونكل نديم او حضرة الظابط
لتنظر لنديم و تقول : انا هستني حضرتك عند العربيه يا اونكل لحد م تظبط كل حاجه مع خطيبة حضرتك و لو حضرتك مش فاضي انا ممكن ابقي اكلم بابا يجي يوصلني
همت جومانا بالتحرك ليمسك نديم يدها و يقول : استني يا جومانا انتى مش فاهمه حاجه
سحبت جومانا يدها من بين يديه بقوه و نظرت له بحده و قالت بهمس : اياك تنطق اسمي على لسانك مرة تانيه
لتخرج جومانا سريعاً من المطعم هَم نديم ان يخرج خلفها لتوقفه مروة و تقول له : ممكن افهم انت كنت بتتهرب مني ليه
انفجر نديم بها و قال : انتى ايه يا بني آدمه مكالماتك و مكنتش برد عليها ، كنتي تيجي البيت و مكنتش بعبرك و بردوا مصممه انك تدوري ورايا و تكملي في العلاقه دي
مروة بصدمه : انت تقصد ايه بالكلام ده
نديم بصوت عالٍ : اللي فهمتيه انا مش عايز اكمل معاكي يا مروة و بنسبه لدبلتك ف انا للاسف مش لابسها عشان اديهالك ف ياريت تبعدي عني و متحاوليش تصلحي حاجه في العلاقه دي
مروة بغضب : كل ده علشانها؟
نظر نديم لها و تركها و اسرع نحو جومانا التى كانت تقف امام سيارة نديم منتظراه ليقترب منها نديم و يقول بتبرير : انتى فاهمه غلط والله جومانا انا...
قاطعته جومانا و قالت : قولتلك متنطقش اسمي
لتردف : هتقدر توصلني ولا اخد حاجتي و اركب اي تاكس
نديم بسرعه : ايوا ايوا يلا اركبي
فتح نديم سيارته و صعد هو و جومانا بها و بدء نديم القياده و قال و هو يقود : انا أسف بجد انا اسف انتي بجد فاهمه غلط والله
جومانا بهدوء و تمالك أعصاب : سوق و انت ساكت بعد ازنك انا مش طايقه اسمع صوتك.
نظر لها نديم بتوتر فهي لم تصرخ به أو تعاتبه ، مرت دقائق على جومانا و هي تحاول الصمود حتى تصل إلى المدرسه لكنها لم تستطع كبح دموعها ، لتحاول الهاء نفسها عما حدث و بدأت بتلميم شعرها لكن بدأت يدها بالارتجاف و أنفاسها في التسارع ليلاحظ نديم حاله جومانا و يقف بالسيارة بجانب الطريق و نظر لها بخوف ، سقطت دموع جومانا و بدأت شهقاتها في الارتفاع كاد نديم ان يمسك يدها لتبتعد جومانا عنه و تنكمش في كرسيها و تقول بحده : ابعد عني متلمسنيش 
نديم : جومانا انا اسف
نظرت له جومانا و مسحت دموعها و قالت و هي تحاول التماسك : اتكلم برر ليا اي حاجه.. اي حاجه يا نديم.. قولى انها بتتبلى عليك او انك عامل مقلب فيا .. يلا اتكلم
نظر لها نديم بندم و لم ينطق بحرف لتقول جومانا بصوت عالٍ و دموعها تتساقط : برر ليا يا نديم.. اتكلم... قولي اني مش حتت عيله بنسبالك و بتتسلي بوقتك معاها قولي انى مُعتبرش خطافه رجاله و روحت لفيت على راجل خاطب
و كأن جومانا آفاقت للتو و أدركت م يحدث لتضحك جومانا بهستريه و تقول له : خاطب!! خاطب يا نديم!! يعني انت روحت و اتقدمت لواحده شوفتها مناسبه ليك.. شوفت انها حلوة و أهلها ناس كويسين و يشرفوك...شوفت انك هتكمل معاها حياتك و انها هتبقي ام ل عيالك فيما بعد!! ... يعني بعد كل ده تطلع بتضحك عليا و مفهمني انك بتحبني؟؟
نديم بندم : والله يا جومانا انا بحبك و عمري م كذبت عليكي
جومانا بصراخ : كفايه بقي ده انا وثقت فيك ده انا قولتك عمري م وثقت في حد و انت الوحيد اللي وثقت فيه ، ده انا عمري م أمنت لحد و آمنت ليك انا حرفيا سلمت ليك روحي و كنت على أتم الاستعداد انى اموت علشانك
لتبكي جومانا و تقول : ده انا حبيتك من كل قلبي...قولتلك عيوبي و عُقدي كلها و انت فهمتني انك بتحبني!
لتنظر له و تقول : كنت ناوي تقولي امتى؟ ولا كنت مستني لما اخرج من المدرسه و اكتشف انك اتجوزت؟؟ قولت لنفسك كده كده هتدخل المدرسه و هتنساني؟
نديم بصوت متحشرج : محصلش والله محصل انا بحبك
جومانا بهدوء : للمرة الأخيرة يا نديم بقولك اتكلم و برر عن نفسك انا عايزة اسمع اللى عندك بلاش تكون وحش في نظري قولي انى فاهمه غلط و انك مكنتش بتتسلى بيا
نديم بدفاع : لا طبعا مكنتش بتسلى بيكي انا حبيتك من كل قلبي و عمري مكذبت عليكي في مشاعري نحيتك
جومانا : و كنت ناوي تقولي امتي انك خاطب؟
نديم : مكنتش هقولك لاني مبحبهاش و كنت ناوي ابعد عنها ، اه يا جومانا انا كنت خاطب بس انا حبيتك انتى و عايز اكمل معاكي انتى ، هي انا خطبتها عشان كانت مناسبه و بس مكنش حب
جومانا بقرف : و هي ذنبها ايه انها تبقي مع واحد زيك
نديم بصراخ : ذنبها اني حبيتك انتى
نظرت جومانا لنديم طويلاً تذكرت كل لحظاتهم سوياً تذكرت كل مرة قال لها نديم أحبك و كل مرة عبر عن حبه لها بطرق مختلفه ، تذكرت قُبلتهم و رقصهم سوياً و وعدهم ان يبقوا سوياً لآخر العمر ، لتغلق عينيها بآلم و تقول بصوت مختنق : كمل سواقه للمدرسه
كاد نديم ان يقول شيئاً لتسرع جومانا قائله بتعب : متتكلمش بعد ازنك لو انت بتقدر اي حاجه حصلت بينا بلاش نتكلم في اي حاجه و اطلع بينا علي المدرسه
نظر لها نديم بآلم هو الاخر و اكمل قياده و هو يسُب نفسه و يلوم نفسه عما اذنبه ، عندما اقترب نديم من المدرسه كانت أخرجت جومانا هاتفها و هاتفت والدها ليجيب عليها قائلا : حبيبتي عامله ايه
جومانا بابتسامه مزيفه و صوت تحاول جعله طبيعي : انا بخير يا حبيبي وحشتني
محمد : انتى اكتر ، وصلتي المدرسه يا حبيبتي؟
جومانا : ايوا يا بابا خلاص داخله اهو
محمد : مال صوتك؟
جومانا : مفيش يا حبيبي انت وحشتني بس مش اكتر المهم انا داخله المدرسه اهو لو عرفت اكلمك من جوا المدرسه هبقي اكلمك ماشي يا حبيبي
محمد : ماشي يا حبيبتي ب السلامه هتوحشيني
جومانا : و انت كمان
اغلقت جومانا الهاتف مع والدها لتمحي الابتسامه التى كانت ترسمها و هي تتحدث معه و ترى انها قد وصلت إلى المدرسه ، همت ان تخرج من السيارة لتجد نديم يقفل جميع الأقفال و يجبرها على الجلوس معه.
جومانا بغضب : افتح الباب
نديم بندم : مش قبل م تسمعيني
جومانا بحده : افتح الباب بدل م اصوت و الحرس اللي هناك دول يجوا يتصرفوا معاك
نديم : مش هتقدري يجومانا
نظرت جومانا إلى نديم بحده و غضب و اقتربت منه و قالت : متأكد اني مش هقدر
نظر لها نديم ليجد ان التى أمامه تلك ليست سوى شعله محترقه و ليست جومانا حبيبته ، ليدرك كم الخطاء الذي ارتكبه بحقها و يفتح الأبواب لتخرج جومانا من السيارة و تذهب لكي تأخذ أغراضها لكن سابقها نديم و قال لها : خليكي هشلهم انا
جومانا بغضب : مش عايزة منك حاجه
نديم برجاء : جومانا انا بحبك انا غلطت بس بحبك ارجوكي سامحيني
تركت جومانا حقائبها على الأرض و اقترب من نديم و قالت بحده : انا نسيت اقولك اني مبسامحش
امتلئت عيون نديم بالدموع و اخذ يدها و احتضنها و قال لها بآلم و ندم : جومانا بلاش تبعدي عني والله غلطه و مش هتتكرر تاني و بعدين والله انا سبتها انا بحبك بجد ، سامحيني
نظرت جومانا إلى دموعه بجمود و سحبت يدها من بين يديه بهدوء و من ثم اشاحت وجهها عنه و تركته لتحمل حقائبها ، لكنها تركت الحقائب و اقتربت من نديم الذي ظن انها سامحته لكنها فاجئته بصفعه على وجهه و قالت بآلم : انت خاين
لتبصق جومانا عليه و تحمل حقائبها و تعبر أسوار المدرسه و هى تقرر انها لن تسمح لحد ان يتقرب منها نهائياً.
دخلت جومانا المدرسه ليحدث كل شيئ سريعاً ، اقترب منها سيدتان بدأو بتفتيشها و اخذ اى وسيله تواصل و اي شيئ معدني منها لتقول لها إحدى السيدتان : اقلعي السلسله و الخاتم اللى انتى لابساهم دول
نظرت جومانا إلى خاتم و قلادة نديم بحزن لتقول لهم كذباً : دول اخر حاجه اتبقت ليا من أمي الله يرحمها ممكن اخليهم
: خلي السلسله الخاتم مش هينفع
نظرت جومانا إلى الخاتم و خلعته من يدها و كادت ان تعطيه إلى السيده لكنها تراجعت و خلعت القلادة و وضعت الخاتم داخل القلادة و أردت القلادة مجدداً ، لتنظر جومانا لهم و تقول : معلش مش هقدر افرط فيهم
لتقول لها إحدى السيدتان : اقلعى الجزمه اللى انتى لبسها دي و فكي شعرك
فعلت جومانا م قالته السيده لتتفاجئ انها ممسكه ب مقص و تقص شعرها ، صرخت جومانا لها و قالت بصدمه : انتى عملتي اي في شعري
السيده ببرود : قصيته امال هتدخلي المدرسه بشعرك الطويل ده ، خدي اللبس ده و ادخلى غيري في الاوضه اللي هناك دي يلا
اخذت جومانا الملابس من السيده و هي تمسك شعرها القصير الذي بالكاد أصبح يصل إلى اذنيها  لتسقط دموعها و هي تبدل ملابسها إلى ملابس المدرسه و التى كانت عبارة عن قميص باللون الأزرق و بنطال بنفس اللون و طبع على كتف القميص شارة التجنيد ، وجدت جومانا مرآه بالغرفه لتنظر بها إلى نفسها لم تكن رده فعل جومانا مبالغ بها عندما لم تتعرف عن نفسها فهى الان غير سابق عهدها الان تم خدعها و كسرها ، شعرها القصير و شارة التجنيد التى ظلت تنظر لها جعلوها تشعر انها لم تعد جومانا بل شخص آخر
لتقول جومانا لنفسها : مالك؟ ايه يعني طلع بيضحك عليكي هتنسيه و هتنجحي في المدرسه ، انتى كده كده وصلتي اللى كنتي بتحلمي بيه ف تكملي حلمك و بس من غير اهل من غير صحاب و من غير حب ، لوحدك و بس
لتمسح جومانا دموعها بحده و تنظر إلى المرأه بثبات و تقول بثقه لنفسها : من النهارده في جومانا جديده ، جومانا اللي مش هتسمح لحد يقف في طريقها سواء كبير أو صغير ، جومانا اللي مش هيفرق معاها غير نفسها و بس
لتبتسم لنفسها بغرور و ثقه و تخرج من الغرفه و تعود إلى السيدتان الذين اخذوها إلى مكان إقامتها و الذي تبينت انها غرفه كبيرة بها العديد من الافرشه ذات الطابقين و كان كل فراش تجلس عليه فتاه و تمسك بكتاب و تقرآه
قالت إحدى السيدتان بصوت عالٍ :  اسمعوا هنا دي جومانا طالبه جديده معاكوا ياريت تعرفوها نظام المدرسه هنا
لتوجه نظرها إلى جومانا و قالت : دوري علي سرير فاضي تقعدي فيه و هدومك تحطيها في الدولاب الي جنب السرير هتلاقي في الدولاب كتب تقرأيها كلها ، الجرس بيرن الساعه 5 الفجر عشان تصحي الساعه 5 ونص بتبدأ تدريبات الصباح الساعه 6 بيبقي الفطار و بيخلص الساعه 7 الساعه 12 الغداء و من الساعه 7 للساعه 3 بيبقي يوم دراسي بعد اليوم الدراسي بتروحي تدربي في الجيم الخاص بالمدرسه او في الساحه بتبقي في حصص اضافيه ممكن تخديها و النوم بيبقي الساعه 8 دلوقتي ده معاد المزاكرة بتقري كتاب و لما الجرس يرن هتروحي الحصه اللي عليكي.
انتهت السيده من الحديث لتنظر جومانا إلى أثر السيده بتعجب و هي تحاول استيعاب كل هذه المواعيد لكنها تفاجئت ان فور خروج السيده رمت كل فتاه الكتاب التى كانت تحمله و اقتربوا منها و قالت إحدى الفتيات : اسمك جومانا ها؟
نظرت لها جومانا و لم تجيب عليها لتقول فتاه آخرى : انتى خارصه ولا ايه؟؟
لترد فتاه أخرى و تقول : عشان كده تلاقيها دخلت المدرسه بعد الدراسه بشهر
لتضحك بعض الفتيات لكن لم تبالى جومانا ب هرائهم و خذت تبحث عن فراش خالى حتى وجدت فراش بالطابق الاعلى ، بدأت جومانا بترتيب أغراضها بخزانتها لترى الكتاب التى خبائت به صورها مع نديم لتنظر له جومانا بحزن لكنها أستعادت رابطه جشأها سريعا و خبأت الكتاب بين ملابسها و اخذت من الكتب التى كانت موضوعه بالخزانه الكتاب الذي كان يمسك به الجميع و جلست بالأعلى على فراشها و بدأت بالقراءه
كان نديم يقود سيارته و مزال لا يستطيع ادراك ان جومانا انفصلت عنه للتو ، و كان طوال قيادته يؤنب نفسه عما ارتكبه بحقها ، وصل نديم إلى عمله و اتجه إلى مكتبه و جلس يفكر ماذا عساه يشفع له عند جومانا ليدخل عليه ريان و يقول بانكار : ايه اللي انت عملته ده
نديم بتوهان : عملت ايه
ريان : خونت مروة ، ابوك كلمنى و قالى ان مروة جت هي و أهلها عندكوا و قالت انك بتخونها مع عيله صغيرة و ابوك على آخره و مش عارف يوصلك
ليتفاجئوا ب أدهم وارأهم يقول : بتخون خطيبتك مع عيله؟؟
ليقول أدهم بصدمه : اوعي يكون قصدهم على جومانا؟؟ هو انت كنت على علاقه ب جومانا و انت لسه خاطب!! انا كنت فاكر انك سبت خطيبتك
نديم : انا كنت ناوي اسبها
ريان : تسيب مين و جومانا مين دي اللى انت على علاقه بيها
أدهم بغضب : جومانا البنت اللى كانت معاه في الحادثه
ريان بتفاجئ : ايهه!! هى وصلت للدرجه دي يا نديم
نديم : انا كنت هسيب مروة خالص عشان بحب جومانا و كنت هكمل مع جومانا
ريان بغضب : بتحب مين دي عيله انت فرحك كان كمان كام شهر!! انت متخلف!
نديم بغضب : يووه محدش يلومني و بعدين جومانا مش عيله ولا حاجه و مروة انا مبحبهاش و خطبتها عشان كانت مناسبه و كويسه مش اكتر
أدهم بغضب : و هى تستاهل انك تعمل كده فيها؟؟ مناسبه و كويسه ف تروح تحب عليها واحده؟؟ هما بنات الناس لعبه ولا ايه
نديم : مش بأيدي انا حبيت جومانا و انا خاطب مروة و بعدين دي مجرد خطوبه مش جواز الموضوع مش هيأثر معاها
أدهم : انا اتصدمت فيك مكنتش اعرف انك كده يا نديم مكنتش اعرف انك سهل تلعب ببنات الناس
ليقول ريان : و جومانا كانت عارفه ولا لاء
صمت نديم ليقول أدهم بشماته : مكنتش عارفه طبعا و بعدين باين على وشه مش محتاج يتكلم
ليردف : دي كانت المفروض تخلع إلى في رجلها و تديك بيه
ريان : انت ساكت ليه م تتكلم
نديم بصوت مختنق : بطلوا تلوموا فيا عشان انا فيا اللي مكفيني ، لو على مروة انا هروح و هتعذر ليها و هي اصلا مش هيفرق معاها لان وجودي من عدمه في حياتها مش هيقصر ، لاكن انا مش قادر اسامح نفسي علي اللي عملته في جومانا
ليردف بوجع : هي وثقت فيا و انا مكنتش قد ثقتها دي ، اللى وجعاني اكتر انها قالت ليا ابرر عن نفسي يمكن تلاقي ليا عذر و انا معرفتش ادافع عن نفسي قدامها!! انتوا مشوفتوش انا عملت فيها ايه انا كسرتها حرفيا انا مش قادر استوعب اللي عملته ؛ لو اللى عملته واجعها قيراط ف هو واجعني و كسرني انا 24 قيراط
أدهم : انا للأسف مش قادر اتعاطف معاك و مشفق على جومانا جدا
ليردف ادهم و هو يغادر : زي م حطيت نفسك في الوضع ده تخرج نفسك منه
نظر ريان إلى نديم و قال بحزن : انا اسف يا صاحبي انا مش هقدر اساعدك في حاجه انت الغلطان فيها لما تبقي ترجع نديم اللي كنت اعرفه ابقى اساعدك.
ليتركه ريان هو الاخر و يخرج  ليجلس نديم وحيداً يؤنب نفسه.
عند جومانا كانت شارفت على قراءة نصف الكتاب الذي كان يقرأه الجميع لكنها استمعت إلى رنين الجرس لتهبط من فراشها و تذهب وراء الفتيات إلى درسها الأول ، دخلت جومانا إلى قاعه كبيرة تضم صبيان و بنات لترى تخته بأخر القاعه خاليه همت ان تذهب إليها لكن اوقفها رجل يقول لها : استني عندك
لتقف جومانا و تنظر اليه ، لينظر لها الرجل بأستغراب و يقول : فين التحيه العسكريه
جومانا : مش اعرف انت مين الاول
: خلي بالك من كلامك ، اسمك ايه؟
جومانا : جومانا محمد دويدار
نظر الرجل إلى لائحه معه ثم نظر لها و قال : انتي البنت الجديد اللي جابوها المدرسه؟
أومأت جومانا رأسها ليقول لها الرجل : تمام عشان انتى اول يوم ليكي هنا مش هعاتبك على حاجه ، اولاً معظم المدرسين هنا ظباط و لما يدخلوا لازم تأدي ليهم التحيه العسكريه
مد يده لها و قال : انا المقدم عصام سيف الدين بدرس ليكوا جميع انواع الاسلحه و كيفيه استخدمها.
صفاحته جومانا و قالت : اتشرفت بمعرفتك
عصام : انا اكتر اتفضلي على الديسك جنب زمايلك و حاولي تعرفي منهم الحاجات اللى خدوها قبل كده لأن انتى اكيد معندكيش اي معلومات او خبرة في الاسلحه ف حاولي تعرفي اللي فات و تركزي معايا
اومأت جومانا له و اكملت سيرها الي التخته التى تقع بأخر القاعه لتسمع و هي في طريقها بعض الفتيات يقولون : م انتي حلوة اهو بتعرفي تتكلمي
لم تنظر لهم جومانا و جلست علي تلك التخته و بدأت بالتركيز مع المقدم عصام.
مر ما يقارب ثلاثه أشهر و نديم مزال يؤنب نفسه عما اذنبه و اهمل في عمله و حصل على عدة انزارات بسبب تكرار غيابه عن العمل ، بينما جومانا تغير وضعها كثيرا حيث انها اشتهرت ب مدرستها ب "الجديدة الانطوائيه" بسبب تجنبها لتجمعات الفتيات و حديثهم كما انها اشتهرت بنجاحها في جميع المواد الدراسيه و تحسنها الكبير في الفنون القتالية.
كانت تجلس جومانا تتناول طعامها وحيده كالعاده و لا تبالى بما يحدث حولها لكن لفت انتباهها ان مجموعه فتيات يستهزؤن ب فتاه أخرى و يتفاخرون بمهارتهم القتاليه عليها بينما الفتاه لم تستطع ان تدافع عن نفسها و بقيت الفتيات يشاهدون ما يحدث بصمت ، انزعجت جومانا من طريقه تفاخر الفتيات لتترك طعامها و تقترب منهم لتستمع إليهم يقولون للفتاه : مالك خوفتي كده ليه و قلبتي قطه
لتتضحك الفتيات عليها لكن قطعاتهم جومانا و هي تسحب الفتاه من وسطهم و تقول : اظن كفايه اووي كده
لتمسك فتاه من الفتيات يد جومانا و تقول : ايه ده الانطوائيه بتعمل ايه وسطنا
جومانا بغضب و هي تسحب يدها : الحركات بتعتك دي متنفعش معايا شوفيلك حد غيري
الفتاه : طب م انا شوفت حد غيرك و انتى جيتي و سحبتيها من وسطنا
جومانا بحده : بقولك ايه فكك مني
لتنظر جومانا للفتاه و تقول لها : روحي كملي اكلك و متحتكيش مع الأشكال دي
لترحل الفتاه و هي تنظر لجومانا بأمتنان ،  همت جومانا ان تعود ادراجها و تكمل طعامها لتقف فتاه أمامها و تقول : لو انتى شايفه نفسك جامده كده م توريني نفسك
جومانا :  ابعدي عن طريقي احسنلك
الفتاه : اووه انا كده هخاف منك ، يلا ولا انتى خايفه؟ لتكون مامي قالت ليكي اوعى تعملي مشاكل في المدرسه
حاولت جومانا تجاهل حديثها لتقول الفتاه : هي الست الوالده كلمتها بتمشي سيف علي رقبتك ولا اي..
صرخت الفتاه عندما امسكتها جومانا من رقبتها و دفعتها على إحدى الطاولات و جلست عليها و اقتربت من اذنها و قالت : قولي كلمه تانيه عن امي عشان اطيرلك رقبتك خالص
جاء بعض الحراس و سحبوا جومانا من فوق الفتاه الذي بدأت السعال و التنفس بسبب خنق جومانا لها ، كان الجميع يشاهدون جومانا و هي تثور لأول مرة و تشتبك مع احد في شجار ؛ سحب الحراس جومانا إلى مكتب مدير المدرسه مع الفتاه الذي تجهمت جومانا عليها ، عندما سمع المدير ما حدث و علم ان الفتاه هي و اصدقائها كانوا يضايقون فتاه أخرى و ان جومانا تدخلت لكي تدافع عنها و ان جومانا هجمت علي الفتاه بسبب استفزازها بالحديث عاقب جومانا بالركض حول المدرسه مرتين و الفتاه الأخرى هي و اصدقائها بتنظيف ساحه المدرسه ، خرج الجميع من مكتب المدير و كانت الفتاه التى دافعت عنها جومانا واقفه لتقترب من جومانا فور رؤيتها و تقول لها : شكرا انك دافعتي عني
نظرت لها جومانا ببرود و لم تجيب عليها و اكملت سيرها لكي تنفذ عقابها لكن قطعت الفتاه طريقها مجدداً و قالت : انا اسفه انك هتتعاقبي بسببي و ان شله سلمي هيحطوكي في دماغهم بسببي بردوا
جومانا ببرود : تمام
قالت الفتاه بتعجب : تمام ايه؟
لم تجيب عليها جومانا و اكملت سيرها لتوقفها الفتاه مجدداً و تقول : هو انتى مش فكراني؟
نظرت لها جومانا ببرود و قالت : لا
الفتاه : من تلت شهور كنتي في المدرسه تقريبا كنتي بتقدمي ورقك ساعتها و شوفتي سلمي و صحابها و هما بيتريقوا علي التصويب بتاعي و ساعتها جيتي قولتيلي ان شجاعه اني قدرت أقف قدامهم كلهم و امسك سلاح و نصحتيني اني افتح عيني و انا بصوب و  مقفلهاش و ابص علي الهدف
لتردف الفتاه بحماس : انا سمعت كلامك و بقيت كويسه في التصويب كنت بخاف و انا ماسكه المسدس اني افتح عيني بس دلوقتي بقيت كويسه جدا في التصويب بفضلك
نظرت لها جومانا و قالت : افتكرتك
لتردف و هي تتركها : الفضل مش ليا..انتى قررتي تعملي حاجه و نجحتي فيها لاكن انا مليش دعوه
الفتاه : ازاي يعني لا بسببك طبعاً و بعدين انا بفضل اتابعك و انتى بتدربي و بتصوبي و بتعلم منك
وقفت جومانا و نظرت لها و قالت بحده : متتعلميش مني و متقلدنيش مش يمكن انا ابقي غلط؟ و بعدين بدل م تبصي عليا و انا بتدرب روحي انتى اتدربي و حسني من نفسك و بعد ازنك سبيني اعمل العقاب بتاعي
لتتركها جومانا و تبدء بالركض حول مدرستها.
#ألواح_القدر
#حور_ساري
#روايات #رومانسي #مغامرة #تشويق #اكشن #غموض #ندم #خيانه