كرونيك💕💕💕💕الوشم 💕💕💕
الكاتبة 🖊📝 نهاذ 👑
غموض 🤓🕵🕵🤓اثارة💕💓💓💓 فانثازيا💜♡♡♡ و الأهم من كل هذا الخيال💙💙💙🙃 و فك الشيفرات للبقاء على قيد الحياة 💟💟💟
.......كانت قاعدة حدا لمرايا و تشوف فالوشم الي عمرها ما دارتو كيفاه ديرو و هو البارح و بعد ما طفات شمعة عيد ميلادها حست بوجيعتو على صدرها راحت تتفقد سبب الوجيعة لقاتو محفور على صدرها وشم عبارة عن موجة عالية و تحتو قطرة ماء . حارت حتا امهر الوشامين ميقدروش يديروه متقون لدرجة تشوف الموجة و كأنها تتحرك يعني 3d من صغرها تحب البحر و أمواجو تحب الماء تحب المطر كانت ديما كتصب الشتاء تقعد تحتها و تسحلا قطراتها فوق جسمها الي تردلها روحها ...في نفس الوقت كانت تخشا من النار مستحيل تدخل للكوزينة غير لكان كل المواقد مطفيا مستحيل تخرج و أشعة الشمس قاوية كرجل ثلج و ل نقولو فتاة الثلج لكان تخرج دوب و تذبال و تموت
سعاد أمها أو لمراة الي رباتها ...ايه بطلتنا يتيمة جابتها سعاد و راجلها غاني من الميتم بعد مافقدو الأمل أنهم يجيبو دراري بعد 10 سنين زواج قرو يربيو و عمرهم ما ندموا على الجوهرة الي كسبو كانت خير عليهم وعلى القرية كل بعد متبنوها و لأول مرة صبت الشتاء فهاديك القرية الي تعتبر من القرى الجافة ....من نهار جات رجعت للقرية خضرتها و رجع ايمان شعبها علا هادي قرو يسميوها إيمان ....كيفاه يقدرو يخيرو إسم آخر و هي من نهار شافوها رجعتلهم إيمانهم بربهم و أنو مجابوش دراري غير باش يتبناو أمونة ألي كانت قمة فالجمال ........... كبرت ايمان في ظروف مليحة و عمرها ما حست الي هي متبنية ...اما خوفها من النار و الشمس أثر في حياتها بزاف ...علاه؟؟؟؟ علاه تحس روحها هكا ....🤔
حلقة 1:
سعاد : يا ربي الطفلة هادي رايحة تهبلني😡😡 ...نوضي يا طفلة نوضي صحبتك من الصباح و هي تسنا فيك برا و علاش مسكينة ديريلها هكا .
ايمان : 😴😴😴ماما نوغمال ندى متزعفش مني خلاص راني نضت وين راهي و علاش مدخلتش لبيتي ماشي من عوايدها تسنا برا.
سعاد : ايه بنتي روحي شوفيها متبانليش مليحة بيها حاجة 🙁.
ايمان : ندى ....ندوشتي حبيبي الصغير .شبيه عمري زعفان😫😍 . شبيكي ندى .
ندى : والو ايمان حبيت نتلاقا بيك برك و نخرجو راني حابة نشم شويا هوا .
ايمان : ياك ماش سيف الي قلقك والله نقتلو😠😠 ، اصلا ميعجبنيش قداه نمرا قتلك اخطيك منو ، شفتو في عيد ميلادك كيفاه يكحل علا بنات القرية لخرين عينيه قريب يخرجوا .
ندى : لالا ماشي هو السبة اصلا من عيد ميلادي متولهت لشي .
ايمان: نوغمالمون تفرحي قفلتي 20 سنة .....روعة احساس مليح راني قريب نلحڨك🙈🙉 ههههه المهم هيا نخرجوا و نفهم واشبيك
_ فتحت الخزانة تشوف واش تلبس جبدت غوب نواغ معاها صندال غوج طلقت شعرها الطويل💕 ...دارت غوج ف فمها و شويا غيسيل بحكم شفارها ميحتاجوش من طولهم الله يبارك ...أما هي هكا نهار يكون مزاجها مليح تحب تحط مكياج . ندى سناتها حتا كملت و خرجو لجيهة لبحر قعدت ايمان و شافت مع ندى الي تردت باش تقعد ..... قعدت علا جنب بعيدة علا صديقة عمرها و غاست . ايمان تولهت لصحبتها مي محبتش تسقسيها عارفة انها لوكان كانت حابة تحكيلها تحكيلها و زيد كانت متأكدة انو سيف السبب و بحكم انها تكرهو علا خاطر ديما يخدع في صحبتها كانت متمنية ينهيو علاقتهم و تلقا صحبتها الي ما خير منو ..... بقات تدعيلها في سرها هي برك صحبتها ولي قدرت تدير ثقة فيها ....خاطر بعد معرفت الي هي تبنوها ولات تشوف فناس كامل كدبو عليها حتا امها سعاد كرهتها مدة اما كخمت مع روحها لقاتهم جامي حسوها بهاذ الشي ..... و القدر انو ندى تاني تبناوها والديها لكن قبل ما يتبناو عائلة سعاد ايمان .
ضربت النسمة في وجها حركتلها شعرها اما محست بشي علا عكس ايمان الي كانت ديما تتحسن وقت تجي حدا لبحر ندى كانت تحب لبلايص الدافيين الي وين تكون شمس و دفا وهذا الي خلاها حايرة ....شكون هي و علاه صرا معاها الشي هذا واش تفسيرو واش يقصدو .....واش يحبو منها . احساس غريب جاها محبتش تبينو ل ايمان خصوصا انها قاعدة تبعد عليها اما مستحيل تقدر تبعد كتر من هك متقدرش تقلها الي هي متحبش لبحر كيفها ايمان حساسة بزاف فالاماكن الي مفيهمش بحر و مفيهمش رطوبة . و لكن ندى كانت نوغمال ميأثرش عليها لبحر لكن تفضل تبقا بعيدة عليه . و علا صحبتها ...ايه اصلا هوما طلبو منها تسافر بعيد و لسبب لدرك مقدرتش تفهموا و علاش هي و واش قصة الوشم الي ترسم من ورا ظهرها ......
الكورنيك تحتوي على 63 حلقة❤️
