الحلقة 46 :
راح يجري معبيها .... كان عارف انها الحارسة .....لوجاع الي حستو اكيد عندو تفسير ...علاهادي محبهمش يجو معاه ...وصل لعيادتو دخل بزربة ...لقاها تتخنق وكلمة وحدة تخرج منها .
ندى : صقرر.
...... عند خ.مفيدة ....وهي تبكي دورت ارابح .
خ.مفيدة : وعلااش مراكش تتحرك روح عندها .
خ.رابح : راكي سمعتيه قال متجوش،. ..راني رايح .
خ.مفيدة : عندها ؟؟؟
خ.رابح: لالا خارج من لمدينة .
.
_________
عند نزيم و نيهان : هبطو من الطاكسي وكملو يمشيو علا رجليهم .
نزيم : جبتي ڨاع لورق
نيهان : ايه .
نزيم : ممم بون كوغاج .
نيهان : متدخلش معاي ؟
نزيم : لالا ندخل .عندي هدرا معاه .
نيهان : ممم اوكي
.....وصلو للعيادة دخلو ....مع دخلو حبسو من الي يشوفو فيه ....كانت ناعسة وتتخنق ...الي يشوفها يحسب الروح طالعة منها ...
حطلها بزربة جهاز التنفس بلااك يعاونها ...اما علابالو حاجة متقدر تعاونها ...اكيد الملك صراتلو حاجة او هي ....مكانش لازم عليها تبعد .
نيهان : واش كاين واش صرا واش بيها ؟
ايمن : اختناق ...
مستها لقاتها باردة ثلج ....
نيهان : راهي باردة ...بزاااف
ايمن : ايه عارف ...
......بقا يشوف معاها ...مقدرش يقدم هاذ الوجه حفظو ....متفكرو ....هي ..وي هي .هي نفسها الي فالفيديو ....هي الي قتلت . . . بقا ساكت ويشوف فيها كيفاه راهي تموت ....
بعد 10 دقايق ....بدا يرجع لونها ....
نيهان : ايمن بدات تدفا ...
ايمن : غريب . ...ندى ؟ راكي مليحة .؟؟؟
ندى : ايه . اما نحب نروح ....لازم نروح ...صقر ...
....بعد محكا معاها هكيك عرف انو يعرفها اصلا ناداها باسمها ....واش راهي دير في هاذي القرية يعني كان عندو الحق ....جرائم القرية و جريمتها ...عندهم علاقة ببعض ....اما شكون هي ؟؟؟واش تكون ؟ علاش صرالها هكا ....
نيهان : نزيم !!!
نزيم: وي
نيهان : وين راك غايس .
نزيم : لالا راني هنا .
....ناضت من السرير ...وجات خارجة ...تبعها ايمن .
ايمن : ندى
دورت لجيهتو وقالت بصوت عيان .
ندى : انعم ؟
ايمن : متخافيش ...مدام نتي بيان ...هو تاني راهو بيان ....
ندى : وين علابالك ؟؟؟
ايمن : ماش وقتو ...روحي ازربي .
ندى : داكوغ ...مرسي .
ايمن : بلا مزيا ...
بعد مخرجت خرج وراها ...
ايمن : عميل نزيم ؟
نزيم : راني جبتلك ختي ...اتهلا فيها نروح ونولي .
ايمن : اوكي .
____________
بعد مكان قاعد فالدار .....فجأةً بدا يحس برحو تتخنق .......هدر بصوت مبحوح .
صقر : ن ندى.
وطاح علا الارض .
...
.
بعد مدة ربع ساعة بدا يروح لوجاع ....فطن ..
صقر : ندى ...ارجعي ..
_____________
راحت تجري وتخمامها كامل فيه وفلي صرا ....صح انو لوجاع قتلها ...اما كل همها هو ...خلاص ...ول روحها ...حياتها .تفضل تموت هي وهو لالا .
.
.
كان يتبع فيها ....شاف الخوف في عينيها ...ركبت في طاكسي وراحت ركب و تبعها ....
.بعد مدة وصلت حدا دار هبطت منها ودخلت تجري .....حبس حدا الدار وقعد يستنا وهو يهدر مع روحو .
نزيم : علاش جات هنا ؟
.
فتحت الباب بزربة ودخلت لقاتو قاعد .....باين عليه عياان ....هي تاني مكانتش قل منو ...شافها ضحك ..
ندى : سامحني .
صقر : هههه يعني ماشي صدفة ...كاينا حاجة يلزم نعرفوها . راكي مليحة ؟
ندى : كتكون نتا مليح ...انا نكون مليحة .
قدم ليها ...جبدها ليه وحضنها ....غمضت عينيها ...وتبسمت ....خرجت منها كلمة وحدة
ندى : نحبك .
تبسم وردلها .
صقر : وانا نموت عليك .
_________
ندى💕صقر💕نزيم💕نيهان💕ايمن💕
