الحلقة 3 :
ايمن : ايمان !!!!!
حكمتو من يدو و خرجت نجري و هو وراي ماراهو فاهم والو وصلنا ل لبلاصة الي كانت فيها خالتي حل عينيه و حسيت بيديه رجفو .
ايمن : واش صرا ؟؟؟؟؟؟ ششش شكون قتلها ؟؟؟؟
ايمان : شوفها تعيييش تعيييش خويا لازم نعرف وين راحت صحبتي تعيش خويا شوفها
ايمن : اااا اي ايمان راهي مذبوحة من سابع المستحيل تكون حية .
_ طحت نبكي و نعيط ... هبط علا ركبتو و حضني يهدي فيا .... محسيتش غير فالناس ناضت تعيط غطوها غطوها الماء المطر درك يمحي الادلة غطوها . ايه حتا السما حزينة و تبكي علا حالت خالتي حليمة شحال غاضتني قبل شويا كنت معاها واش صرا ....سمعت ماما باللخبر جات للعيادة بعد ما داني ليها أيمن ...
سعاد : بعد ما سمعت بالخبر مصدقتش اول حد جا فبالي هو ايمان ..... يا ربي ميكونش صرالها شي .عيطلي ايمن قالي الي هي عندو ومنهارة
دخلت عندها لقيتها تبكي حضنتها وبقينا نبكو مع بعض .
ايمان : ماما ندى راحت راحت و خالتي حليمة كان علابالها ماما كاينة حاجة راهي تصرا اصلا ندى تبدلت عليا ماما كلش مخربط كاينة حاجة والله اني حاسة .
سعاد : يا بنتي استغفري ندى مابيها والو ...راحت تحوس علا والديها . وبلاك ودعت خالتك حليمة الله يرحمها .
ايمان : تودع خالتي و انا لالا .... ماها حاجة فيا تقلي كاينة حاجة ماما ألغي كلش عيد ميلادي الغيه من اليوم معنديش يوم اسمو هك من اليوم منحتفل بحتا عيد .
الرجالة ...الرجالة ايه
سعاد : شبيكي بنتي سمله رحمان الرحيم
ايمان : ماما اني رايحة
سعاد : وين يا بنتي وين متروحيش
ايمان : لالا نروح ونجي متخفيش كاينة حاجة في راسي
سعاد : اسناي نقول لايمن يديك ...اااايمننن
ايمن : وي خالتي
سعاد : تعيش ولدي وصل ايمان تعيش اتهلا فيها حتا نلقاو الي قتل
ايمان : الي قتلوا
________
أيمن : بقيت وراها نشوف ف تفاصيلها كيفاش تمشي كيفاش قوية بعد ماشافت هذاك المنظر كيفاش تقدر تكون قوية هك ونص بنات القرية تغاشاو وصلنا لدار صحبتها ندى و حبست دقت الباب و فالمرة الثالثة حلت خالتي مفيدة
خ. مفيدة : ايييمان يا ربيي خافت عليك كاش مصرالك يا بنتي راكي مليحة
ايمان : الرجال ....شكون جا عندك واش جاو يديرو ؟؟؟ شكون هوما
خ. مفيدة : انتي ؟؟؟؟؟؟؟
إيمان : انا ؟؟؟؟
خ. مفيدة : جاو شي 5 رجال لابسين اسود حل عليهم خالك مدولو ورقة قالولو بلي كاينة طفلة رايحة تسقسي عليهم كتجي يمدولها لورقة .
_____ بلعت ريقي ،
ايمان : نقدر نشوف الورقة ؟؟؟؟
خ.مفيدة : ماراهيش عندي ا بنتي راهي عند خالك ادخلي درك شويا يجي ....ادخل ايمن ادخلو اصلا دار راني حستها فارغة .
ايمان : داكوغ خالتي .
ايمن : دخلت معاهم و قعدت مفهمت والو واشمن رجال و واشمن طفلة و واشمن ورقة واش راهو صاير .
خ .مفيدة : عيد ميلاد سعيد بنتي ايمان
ايمان : ايه يا خالتي واشمن سعيد .
ايمن : عيد ميلادك ليوم ؟؟؟
ايمان : ايه بصح خلاص لغيتو
ايمن : وي حاجة باينة بعد واش صرا .
___دق الباب و وقفنا كامل ...راحت خالتي مفيدة تحل الباب دخل خالي سلمنا عليه سقسا علينا وعلا الي صار بعد ما رتاح
ايمان : خالي الامانة الي مدوهالك
خ. رابح : واشمن امانة بنتي ؟؟؟
ايمن : راهي تحكي علا الورقة الي مدوهالك الرجالة
خ. رابح : اااا ايه هاي في جيبي استناي نشوف ....ايه هاي هاكي بنتي .
_____ جبدها من جيبو و مدهالي ...فتحتها نشوف واش فيها حليت عينيا مع كل حرف و كل كلمة واش هذا واش يقصدو ؟؟؟؟؟ محسيت غير ب يد تحطت عليا ومن الخلعة عيطت .
خ. مفيدة : سمله سمله شبيكي بنتي صفارتي هكا واش فيها بنتي شبيكي
ايمن : ايمان خير ؟؟؟؟ كاش ما كاين
ايمان : ااا لالا لالا رجعلي منظر خالتي حليمة مسكينة ايه خالي ربي يحفظك مرسي كحكمت لامانة انا راني رايحة و لوكان توصلكم حاجة من عند ندى اهدرولي .
خ.رابح : ايه بنتي ميكون غير خاطرك .
ايمن : حنا نروحو هيا ايمان هذاك هو تكون ماماك تقلقت عليك .
ايمان : ايه .
_____خرجنا و حنا ماشيين دورت ليها حكيت شبيكي ايمان مراكيش مليحة واش كان مكتوب فالورقة .
ايمان : والو . مارسي خاطر جيت معاي تعبتك خلاص راني وصلت تقدر تروح باي
ايمن : مخلتنيش لابغة نردلها ... دخلت و غلقت لباب .... تنهدت كنت حاب نعرف واشبيها و واش حكاية الورقة .
ايمان : دخلت لدار لقيت ماما فالكوزينة و بابا يتفرج طلعت لبيتي .... قعدت علا سريري و حليت الورقة ويديا رجعو يرجفو ....
ماء/ نار
ليل / نهار
شمس / قمر
صحرا / بحر
عيد ميلاد سعيد .....ايمان .
قفلت الورقة بزربة كمشتها و رميتها بعيد عليا ....واش هذا واش قاعد يصير شكون هاذو واش يحتاجو مني علاش انا ؟؟؟؟ وين راهي ندى ...قطع تخمامي صوت باب بيتي الي تفتح دخلت ماما في يديها ڨاطو ومن وراها بابا و هوما يغنيولي ... مقدرتش منتبسمش طفيت شمعتي ..... و وحد لوجاع حكمني فصدري من كثرة وجاعو طحت فالارض بابا حكمني بزربا وقفني و ماما ترجف
سعاد : شبيك بنتي واش يوجع فيك ؟؟؟؟
ايمان : قلبي ....جيهة قلبي توجع .
بابا : استغفري ابنتي تحبي نديك لسبيطار،؟؟؟؟
ايمان : لالا خلاص راح لوجاع
------ حسيت ببرودة مشات فجسمي ... حبيت ندخل ندوش . خرجت ماما و بابا بقا يرقيلي . من بعد خرج هو تاني دخلت لدوش الي كان تابع لغرفتي نحيت قشي و شهقت ..... واشنو هذا واش هذا يا ربي
خرجت نجري نشوف فالمراية وشم علا جيهة قلبي في صدري و في مكان لوجاع الي حكمني حطيت يدي علا فمي من الصدمة هبطت نحوس علا الورقة .
ماء / نار
ليل/نهار
شمس / قمر
صحرا/ بحر
الوشم كان موجة عالية و قطرة ماء لبحر و الماء واش هاذ الصدف واش الي قاعد يصير معاي يا ربي واش هدا وينك ندى وينك .
أيمن❤
