الحلقة 38 :
من جيهة خلاف بعد ما وصلو نورسيل لبلاصةال خبرتهم عليها....كملو الطريق وحدهم .
ادم : عندنا قداه متغيبين علا الجامعة .
ايمان : ايه بسبتي .
ادم : لالا راني قدمت ورقة تبين اني مريض و وافقو عليها ...اما انتي معملتي والو .
ايمان : راك حايب مني نبلوكي العام ؟؟؟
ادم : ايه . ماشي ديما نكون معاك ...غير في حصتي اما الحصص الاخرى لوكان تصرالك حاجة منقدرش نتحرك .
ايمان : منظنش،انو رايحا تصرالي حاجة .
ادم : انشالله.
ايمان : مازلت نخمم فالجرعات و واش قالت نورسيل .
يعني احنا هبطنا للعالم هذا بسبة انو الجرعات ضاعو ؟
ادم : ايه .
ايمان : يعني لازم علينا نحوسو عليهم .
ادم : نظن انو ماش خدمتنا .
.ايمان : تقدر تديني للقرية ؟؟؟
ادم : درك ؟؟
ايمان : ايه راني ناسية حوايج .
ادم : داكوغ .
__________
...بعد مدة وصلو لمسرح الجريمة ...
هيثم : واش صرا هنا ؟؟
.هبط نزيم علا رجليها و مس الارض ...
نزيم : ذايبين ! مستحيل .
الشرطي: سيدي كاين شهود بزاف حابين يقدمو افادتهم اما منيش عارف مراهمش نوغمال .
نزيم : علاهادي جبت هيثم معاي ....قدملي الشاهد الاول .
.
ش1: سلام .
نزيم : وعليكم السلام .
.....بدا يحكيلو فالشي الي صرا ....كان مركز معاه وساعات يشوف مع هيثم .
نزيم : يعطيك الصحة تقدر تتفضل.
.
.
بعد مخرج الشاهد دار نزيم لهيثم وهدر ....
نزيم : واش رايك فالشي الي سمعت ؟
هيثم : الاحسن نسمعو اكثر من شاهد.
نزيم : ايه عندك الحق .
.
جابو شاهد ثاني و ثالث ورابع وكلهم يحكو نفس لحكاية .
نزيم : يعني راك تقول انو رجال هجمو علا راجل اما طفلة مشات بسرعة ...وخرج من ظهرها نار ذوبتهم ؟؟؟؟
ش4: ايه .
.نزيم : شكرا تقدر تتفضل .
.
بعد مخرج قال هيثم : كيفاش يصير الشي هاذا ؟؟؟من المستحيل يكون بشري الي دار هكا .شكون الطفلة هادي ؟؟؟
نزيم : مرانيش عارف اما راني حاس انو هاد الجريمة عندها علاقة بجرائم القرية .
هيثم : علاه ؟؟ جرائم القرية بالنسبة ليا عادية و واحد ماشاف حاجة كيما هك .
نزيم : جريمة عادية بدون اي دليل ؟؟ غريبة ...المهم لازم نشوفو الا كاين كاميرات مراقبة في الشارع .
هيثم : ايه صح هاذي هي الطريقة الوحيدة الي نتأكدو منها انو الشي الي سمعناه حقيقي .
نزيم : كاين شغلة ... البقايا تاع الجثث ...احكم جزء منهم ..ندوه للمخبر ...اما بالنسبة لهاذ القضية راني حايب تكون خاصة ...يعني سرية .
هيثم : مع كل الشهود هاذو ....مشكيتش .
نزيم : المهم اعملو الي قلت عليه .
هيثم : حاضر .
_________
نيهان : ماما راني خارجة .
م.حنان : وين راكي رايحا ؟؟؟
نيهان : عند صحبتي .
م.حنان : يا بنتي قوليلها هيا تجي عندك ...مراكيش خلاص تبقاي فدار .
نيهان : مممم رانا تفاهمنا خلاص ..المرة الجاية ندير الي راكي حابة .
قدمت ليها و باستها في خدها ...
م.حنان : اتهلاي في روحك بنتي .
نيهان : اوكي ماما .
.
خرجت ركبت فطاكسي وراحت .....وصلت للقرية . هبطت وبقات تمشي .....حتا وين قابلتها عيادتو ...تكات علا السور وبقات تشوف مع الباب بلاك تلقاه خرج ....وتشوفو ...توحشتو بزاف .
______ من جيهة خلاف ..كان خلص خدمتو ...بعد معيطولو يجي لدار واحد من ناس القرية ....ماشي راجع لعيادتو ....لمحها ...قدم شويا لقاها متخبية وتشوف لعيادتو ...ضحك مع روحو وقال بصوت خافت مكفانيش خوها رجعت تحقق هيا تاني معاي .
.مشا بشويا حتا وصل ورا ظهرها ....
ايمن : واش راكي ديري هنا .
.
قفزت من بلاصتها من الخلعة ...دورت ليه و سكتت .
ايمن : راكي حاسبتني القاتل ول وشنو ؟
نيهان : ااا ..لا .لالا حاشا .
ايمن : واش راكي ديري مالا ؟
نيهان : ااا كنت معديا علا نزيم ..تذكرت انو لازم نشكرك...يعني كون ما نتا نزيم ميكونش قريب باش يتبرعلي بالدم .
ايمن : لالا عادي اصلا خدمتي ...يعني لوكان جا اي طبيب خلاف في بلاصتي رايح يدير نفس الشي .وزيد نظن انو شكرتيني .
نيهان : ااا . شكرتك ؟ اه ايه نسيت .
.
قدم ليها وهدر : نسيتي ؟ راكي مليحة ياك مفقدتيش الذاكرة .
هدرت في قلبها ( حتا لوكان نفقدها نتا برك مننساكش زهري كلب ونعرفو .).
نيهان : لالا ..مرسي .
.جا رايح ...اما حبس و دور ليها .
ايمن : تقابلنا من قبل ؟؟
حلت عينيها ...متوقعتش انو يحس الي هو شايفها من قبل .
نيهان : اا ! شكون انا و نتا ؟؟؟ لالا مشكيتش .
ايمن : ممم يمكن . المهم اتهلاي في روحك المرة الجاية .
نيهان : نتا تاني ...اما نقدر نسقسيك ؟
ايمن : تفضلي !؟
نيهان : تقبل ليسطاجياغ في عيادتك ؟
ايمن : تدرسي طب ؟
نيهان : ايه .
ايمن : ههه ضنيتك محققة .
نيهان : لالا هوايتي الثانية .
ايمن : اوكي جيبي المرة الجاية اوراقك و ارواحي .
نيهان : مرسي .
.
راح وخلاها طايرة من الفرحة
نيهان 💕ايمن 💕
