الحلقة 5 :
____ كانت ناعسة دايخة ما حاسة بوالو ...خصلات من شعرها طايح علا وجها شمس خفيفة ضربت في وجها الي خلاها تفيق و تبعد بزربة . محملتش اشعتها في وجها راحت تجري دخلت ل دوش دوشت و خرجت ، شافت مع روحها فلمراية و مع صدرها بدات توالف علا الوشم هذا ....عدات سمانة و ما سمعت والو علا صحبتها قريب يبداو لقراية و مبانتش ... ايمان تقرا بعيد فمدينة خلاف تقرا هندسة ... و ندى تقرا حقوق في نفس الجامعة
___ ايمان : اليوم لازم نروح للجاميعة التسجيلات بداو وبلاك نلقا لكلبة هاديك ...اه لالا ماشي كلية اوووف راحت وخلاتني بصح متأكدة بيها حاجة يا ربي عدي ليام هادو علا خير
سعاد : ايييييماااان بنتي نوضي . ارواحي تفطري مع باباك
ايمان : راني جاية ماما ....صباح الخير
.سعاد : صباح الخير بنتي نعستي مليح ؟
غاني : صباح النور معليكش ابنتي مراكيش تقعدي معانا من نهار قفلتي 20 سنة جبدتي علينا واقيلا موليتيش تحبنا .
ايمان : اه يا بابا انا نموت كون منوليش نحبكم . والله متوحشا ندى علا هادي برك و ماما ايه نعست مليح حمدالله ..
سعاد : حمدالله ابنتي. وندى درك وليتيو تقراو تتلاقايها فالجاميعة .
ايمان : نشاالله ماما نشاالله . انا نروح برك هداك هو نوصل بكري ميكونش الغاشي نسجل نسقسي عليها و نجي
غاني : تهلاي في روحك ا بنتي عندك صوارد ول نمدلك ؟
ايمان : لالا بابا عندي يكفيوني . ربي يخليك ليا ...تهلاو في رواحكم نتوما تاني باي
_____خرجت ايمان و راحت للحافلة الي توصلها للمدينة ركبت . حطت راسها و نعست .
.
.
.
غاني : سعاد درتو اجتماع ؟؟؟ معرفتوش شكون الي قتل حليمة ؟
سعاد : لالا والله معرفنا لاپوليس راهي تحقق وراهي حابة تجيب محققين خلاف من برا خاطر لمرا تدبحت ، و زيد بحكم قريتنا سياحية . البلدان لخرا سمعو بلحكاية
غاني : نشالله ميأثرش هذا علا ولادنا و كلش
سعاد : نشاالله يا ربي والله ايمان مراهيش مليحة ...ايمن الطبيب صح قاعد يجي يقيسلها لاطونسيون و السكر ويطمني عليها مي مرانيش حاستها مليحة
غاني : لوكان تجيبولها ندى تولي مليحة ... والله مفهمت كفاه ندى راحت رابح مسكين رايح يهبل.
سعاد : فكرتني نعدي علا مفيدة مسكينة نشاغلها و نحي علا خاطرها من نهار راحت بنتها مخرجتش من الدار حتا الاجتماعات ماراهيش تحضرهم .
غاني : ايه حبيبتي روحي حسنة و نحي عليها .
.
.
وصلت للمدينة هبطت من الحافلة و بقيت نمشي حبيت نمشي شويا ...حاسة روحي مخنوقة . وقفت حدا الباب تاع لجاميعة و دخلت . نحوس عليها بعينيا متمنيا نشوفها . ونحكيلها علا كلش . من نهار راحت تبدل كلش .
.
_______
ندى ناضت . منعستش مليح كانت تخمم كيفاه رايحة تقرا فجاميعة خلاف متعرف حتا واحد فيها . ڨدت روحها رتبت حوايجها و خرجت .... مشات حتا وصلت الجامعة دخلت عندها كور درك راحت قعدت فالول و دخل لغاشي ....لونفي تعمر و جا لپروف و بدا يشرح و هي تهز في رؤوس أقلام ...
الأستاذ : يا طالبة ؟؟؟
ندى : ن ننعم
الاستاذ : راكي مليحة ؟ نعيط لطبيب تاع الجامعة
ندى : لالا أستاذ حكمتني دوخة برك معليش نخرج ؟
الاستاذ : ايه بنتي تقدري تفضلي .
ندى : خرجت تجري ..... مزالت تحس بلوجاع ....في ظهرها راحت لبلاصة جامي شافتها ول راحتلها من قبل الي تعرفو انو هي لازم تروح تم
بعد موصلت تلهث لقات 3 رجال يضربو في واحد وهو طايح فلرض حاكم في ظهرو من لوجاع
راحت بجريا بدات تضرب فيهم بالواحد وهي حايرة منين جابت هاذ القوة و المهارة تضرب بكل مهارة لدرجة انهم مڨسوهاش خلاص بعد مقتلتهم بالضرب هربو يجريو .
راحت تنوض الراجل ...حبست في بلاصتها من الصدمة . نفس الراجل تاع القهوة الي لازم تحرسو ، الي كون يموت تموت هي نوضتو بسيف كان ثقيل عليها .
شافت مع وجهو عرفتو يتوجع كان حاط يدو ورا ظهرو دورتو و جات تهزلو تريكو تاعو .... حكملها يديها بزربة و حل عينيه شاف معاها كان وجها قريب من وجهو عينيه ناااارر و وجهو سخون . ممستوش مي حست بيه
حطت يدها علا وجهو و هدرت
ندى : شكون نتا ؟ علاش جبتني هنا ؟؟؟
صقر : نتي شكون وعلاه جيتي
ندى : حسيت بيك ، توجعتي ؟
صقر : صقر
ندى : ؟؟؟؟
صقر : اسمي صقر .
ندى : ندى .
.
.
بعد ما ناض علا رجليه شاف معاها ...
صقر : مرسي
ندى : العفو . توله علا روحك تموت نموت .
___حل عينيه من هضرتها .
صقر : واش تقصدي .
ندى : معلاباليش منعرفكش ، حتا روحي منعرفهاش بصح نعرف حاجة وحدة أنو انا الحارسة نتاعك . تموت نموت .. نموت ...تموت .
ندى❤
