الحلقة 9 :
نزيم : نتي هي بنتهم ؟؟؟
ايمان : جاوب علا سؤالي ...شكون نتا ؟؟ واش راك دير في بيتي ؟
____مدلها يدو و هو يحكي : نعرفك بروحي انا العميل نزيم من مكتب الجرائم جاي من امريكا خصيصا للجريمة هاذي .
ايمان : تعبتي روحك برك أنا الي رايحة نجيب حقي منهم ....رايحة نقتلهم بالواحد منخلي حتا حد .
نزيم : تقتلهم ؟؟؟؟ علاه راهم بزاف ؟؟؟ شكون خبرك انهم أكثر من واحد ؟
ايمان : علابالي ....نفسهم لقتلو خالتي حليمة .
نزيم : اصبري نخبرك من درك انو من التحقيق عرفنا بلي شخص واحد هو لقتل والديك و قتل المجنونة .
ايمان : مجنونة ؟؟؟؟ خالتي حليمة كانت كيما ماما ..المهم ماراحش تفهم .
نزيم : نتي متبنية ؟؟؟؟
بعد كلمتو هاذي شافت معاه شوفة خلاتو لأول مرة فحياتو يخاف شوفة باردة تقتل حس بلي لوكان طول في عينيها يموت ....
نزيم : سامحيني علا السؤال بصح لازم نعرف .
ايمان : ايه ...ماهمش والديا .
نزيم : داكوغ . عظم الله اجرك راحين نتلاقاو بزاف بحكم انك انتي اللولة الي كتشفتي الجريمة و زيد كنتي في مسرح الجريمة الاولى ،،،سامحيني عارف انو الشي هذا صعيب بصح لازم تعاونيني .
ايمان : عادي . ماشي مشكل . نسقسيك سؤال معليش ؟ حوايج خالتي حليمة الي ديما معاها وين راهم .
نزيم : راهم عندي بصح منقدرش نمدهملك ول نوريهملك ...يعني مراهمش قيميين بصح الوقت هذا لازملنا كلش.
ايمان : ايه خلاص وقت متحب توريهملي وريهم . مازلتو مطولين ؟؟؟
نزيم : علاه رايحا تباتي هنا ؟؟؟؟
ايمان : ايه وين نبات مالا ؟
نزيم : مستحيل ..لوكان ..
____قاطعاتو بشوفة و هدرت : لوكان يجيو ول يجي كيما رلك تهدر راح يلقاني نسناه . درك اخرج و قفل لباب تعيش حايبة ننعس .
____بقا حاير في كتلة الجليد الي حداه ....شك فيها مستحيل تكون نوغمال ...اي عبد في الموقف تاعها راح يهبل و يتفادا الدار هادي . قص عليه تخمامو صاحبو هيثم : واشبيك نزيم ؟؟ خير ؟
نزيم : بنتهم ماش نوغمال راني شاك فيها
هيثم : بنتهم الي راهي لفوق ؟
نزيم : ايه راني شاك فيها هي الي قتلت...
أيمن : السلام عليكم .
نزيم و هيثم : وعليكم السلام
أيمن : سامحوني جيت نمر علا ايمان سمعتكم تهدرو ...حايب نقلكم انو انا طبيب القرية هنا ..انا اول شخص فحص خالتي حليمة و والدين ايمان. وايمان .
نزيم : واش راك حاب تقول ؟؟؟؟
أيمن : ايمان راهي في انهيار حتا لدرك متقبلتش الفكرة .
هيثم : بصح انا و كخبير نفسي نصححلك انو هي مراهيش في انهيار لعكس متقبلة فكرة انهم ماتو و عينيها باردين ميريحوش .
______ بانت عليه القلقة بصح تكلم .
ايمن : ايمان عمرها ما قاست حد كيفاه حايبها تقتل والديها ؟؟؟؟ مستحيل .
نزيم : متنساش الي هوما ماش والديها الحقيقيين . المهم فالوقت الحالي كل القرية مشتبه فيها و هذا راجع عليك تاني . و درك تقدر تروح نكملو عملنا .
___________
ناضت الصباح كالعادة ....دوشت طلقت شعرها و قعدت ف الصالة ....تشوف مع الدار الي مدهالها مستر اكس كيما راهو مسمي روحو . دار صغيرة مليحة وزيد قريبة من دار صقر ...تفكرت بلي لازم تروح عندو باش تعدي عند ايمان تسقسيها ..
.
وصلت بعد 15 د طبطبت 3 دقات ...حبست كسمعت صوتو
صقر : وي راني جاي ...حل الباب كان ناعس دايخ شعرو مخربط و عريان ملفوق ملابسش تريكو .
اه ندى ! ادخلي .
ندى : لالا اني نستنا فيك برا البس و اخرج لازم نروح بكري . عندها .
صقر : اوكي 5 دقايق و نجي .....
راح و ولا ....شافت معاه بنص عين وهي تهدر في قلبها ندى شبيكي بركاي متشوفي معاه ....اف بركا قلبي بركا متضرب سيف احلا منو ...اه لالا صقر خير مممم لحيتو تهبل .
صقر : احم احم وين رحتي ؟؟؟
ندى : اه والو راني هنا . ازرب باش نلحڨو علا البيس .
صقر : بيس ؟؟؟ هههههه امشي امشي تشوفي فيا طفل صغير ؟ ياو عندي طاكسي . استناي درك نجي .
.
فففف وعلاه الي معندوش طاكسي صغير يخي متخلف ...
وصل حداها صونا عليها و قاللها بيدو باش تركب .
ركبت و ديمارا .....
صقر : واشمن قرية تسكني ؟؟؟
ندى : قرية *****
صقر : اممم نسمع بيها بصح جامي رحتلها نشاالله متكونش رطبة .
ندى : شويا .
_______بقاو شي ساعتين فطريق كل واحد ساكت ....سعات صقر يحكي حوايج بصح هي كانت تخمم في ايمان توحشتها بزاف علابالها بلي راهي زعفانة منها و زيد راحت في عيد ميلادها ...زعما دارت الحفلة بلا بيها ول لغاتها ؟؟؟؟
ندى 💕
