الحلقة 40:
عند اسيل و نورسيل .
نورسيل : ممم كنت متمنيا نحب واحد اما حتا لدرك مجاش الي في بالي .
اسيل: كيفاش راكي حايبتو ؟
نورسيل : مرانيش حايبتو نوغمال ...يعني بشر ...راني حايبو واحد من مملكتنا .
اسيل : اما مستحيل تتلقاي ،بيه هكا .
نورسيل : هههه ايه ...نوغمال نستناو حتا نقدرو نرجعو .
اسيل : انا منيش حايبة نرجع .
نورسيل : باينة ...خاطر عشقتي بشري .
اسيل : مممم نتمنا ميجيش اليوم الي نخير بين المملكة و نزيم .
نورسيل : مممم امنيتك هادي رايحة تخسر بزاف ناس ...كاين بزاف راهم حابيين يولو للارض و نتعايشو مع الاراضي الاخرى .
اسيل : صح ، الوغ نتمنا ليا انا برك .
نورسيل : اسيل نجربو حاجة ؟؟؟
اسيل : واشنو ؟
نورسيل : قوتك .
_____________
ادم : هزيتي واش تحتاجي ؟ نروحو ؟
ايمان : ايه .
.
خرجو من الدار قابلهم ايمن .
ايمن : ايمان وين راكي ؟ ساڤا .
ايمان : حمدالله ..راني في دار صحبتي ..بعد ما ماتو والديا نحس فالدار فارغة ...نبقا عندها حتا نتعود .
.
شاف معاه و حكا .
ايمن : اذا حتاجتي شي خبريني ...تلقايني ديما هنا .
ادم : اذا حتاجت شي. تخبرني انا ...نتا معندك حتا دخل .
.
شافت معاه ايمان ..شوفة خلاتو يسكت .
ايمان : تعيش خويا .
بعد ماقاتلو خويا ادم ناض يضحك .
ادم : رانا رايحين هيا ايمان ....
تبسمت مع ايمن و راحت ....دور ليه شاف معاها و مشا .
.
بعد ممشاو هدر مع روحو .
ايمن : معلييش روحي معاه ...نشوفو شكون الي يديك .
___________
بقا داهش من الي يشوفو ....هز فلاش ديسك عمر فيه المشاهد الي يحتاجهم ....محاهم من الكاميرا وخرج ....
.
بقا ماشي ويخمم .... يهدر مع روحو
نزيم : الطفلة ماش نوغمال ....اما المشكل لكبير انو مام الجثث ماش نوغمال ...سرعتهم هديك تبين انو مستحيل يكونو بشر !!! مستحيييل .
____________
ناضت ..راسها يوجع فيها ...حست بحاجة دافية تحتها ..طلعت راسها لقاتو ناعس وهي فوقو ...ناضت بزربة مخلوعة .
ندى : واش راني ندير هنا ...واش راهو يدير هنا ....اما محلاه وهو ناعس ...حطت يدها علا لحيتو وبقات تمس فيها ...خرجت كلمة من فمو .
صقر : بكيتي ؟
بعد مهدر خلعها جبدت روحها طول عليه ...
ندى : علاش نبكي ؟ مبكيتش .
صقر : امممم اما عينيك راهم يقولو العكس
ندى : راني عيانة ....جات ماشية رجعها لصدرو وهدر .
صقر : عيانة انعسي .
ندى : حايبة نهدر مع ماما .
.
طلقها ..وناض ...شاف معاها تبسم و دخل لدوش .
بقات تتفكر فيه كيفاش كان ناعس و كيفاش باسها ...كيفاش زعف و كيفاش عيط عليها ...بزاف احاسيس جاوها اما الحاجة الي مفهمتهاش علاش راهو يدير هكا ...زعما يكون يحس بواش راني نحس ؟؟؟ او باش يدي طاقتو مني برك ....
___________
راحت لبيتها قفلت الباب هزت الرقم الي خلاهولها باباها وعيطت ....
شوية وقت و رفدت .
خ.مفيدة : الو ؟
....بقات ساكتة ...هبطت دمعة من خدها .
خ.مفيدة : ندى ؟؟؟؟
ندى : ايه ...ماما واش حوالك .توحشتك بزاف ...
مقدرتش تشد دموعها ردت عليها بصوت مبحوح .
خ.مفيدة : بنتي وييين راكي رانا هاملين انا وباباك من بلاصة لبلاصة باش نلقاوك علاش متجيش عندنا .علاش .
ندى : سامحيني ماما ..منقدرش ...راني لقيت خويا .وراهو عندو مشكل فاوراق ديالو ...لاپوليس عندكم في كل بلاصة .
خ.مفيدة : ساهلة بنتي اجي عندنا وحدك .
ندى : نشاالله ماما نوعدك نجي .
خ.مفيدة : راكي تاكلي مليح حاجة متخصك .
ندى : متخافيش عليا ...ودرك لازم نروح ...نحبكم .
خ.مفيدة : حنا تاني ا بنتي حنا تاني .
.
___________،
ندى💕صقر💕
