الحلقة 61 :
حلت جرحها ...شافت مكان حتا أثر لأي شي شافت معاه و قالت .
ايمان : مرسي .
ضحك معاها وقال .
ادم : ملكة ب جرح ...مراحش تكون ملكة .
.
....في نفس الوقت في المستشفى بعد ماجات نورسيل و عيطو لندى وصقر خبروهم ...حلو اپال فيديو ....قاعدين يستناو فيهم يفطنو ....جاهم شخص و قال .
الشخص : شكون فيكم تكون ملكة المارون .
....شافو معاه مستغربين ...كمل حكا .
الشخص : بحكم انو ملكة مكدينيا راهي مجروحة وفاقدة لوعي وملك آرسيليا بعيد ...راني راح نخبرك نتي .
نورسيل : تخبرني .
....قطع كلامهم الباب كتحل
وخرجو منو ادم و ايمان ....كأنو مصرالهم شي ...شافو معاهم الكل وتبسمو ...اما نزيم بقا مصدوم .
شاف مع نزيم وقال .
ادم : من قدراتي ...الي جامي شفتهم .
....تبسم معاهم نزيم و شاف مع الشخص الي جا .
نزيم : نظن انو يحتاجك ايمان .
....شافت معاه ايمان و قالت ...
ايمان : اتكلم !
الشخص : حياها ...وقاللها سيدتي انا ساحر من مملكة مكدينيا جيت بأمر من الزعيم آلكس ..راهو يقلكم انو اكتشف شكون ورا هاذ الشي .
....شاف معاه ادم وقال .
ادم : شكون ؟؟؟
الشخص : الملك ....نقصد الملك السابق للمملكة ...اب الملكة ايمان .
......بعد كلامو ....بقاو كلهم حايرين ...تكلمت ندى من ورا الفيديو .
ندى : يعني ...بابا رابح ..هو بابات ايمان في العالم لاخر !!!!!!!
الشخص : مانتوس ....في عالمنا اسمو الملك مانتوس .
ايمان : بابا ؟؟؟
نورسيل : اما الوشم ...نقصد وشم ادم يدل علا انو مات .
....
ادم شاف مع ايمان وقال .
ادم : هاذا الي يفسر اختفاء الوشم و ظهورو ...
ايمان : وعدم احساسي بالخطر من جيهتو .
الساحر المبعوث : و احساسك بكل احاسيسها ...بفضل وشم الملك مانتوس ...وشم آخر نبضاتو قبل ميستولي علا قلبو الشر ..
....شافت مع آدم و قالت ...
ايمان : الجرعات ...ادم الجرعات ..نظن علابالي وين راهم .
________
خرجو من المستشفى كلهم ....ونزيم معاهم ...كان يشوف في اسيل ...الي مكانتش قل منو ...كانت تشوف معاه خايفة الا هادي تكون آخر نظرة ..
وصلو لبحر ...تكلم صقر من الفيديو .
صقر : اه لمزيا راني بعيد .
شافت معاه ندى ضحكت وقالت .
ندى : وين راهم ؟؟؟؟
.
قدمت ايمان لأدم ....حطت يدها علا صدرو...فجأةً حس بكلشي يدور ....هاج لبحر و تقسم علا زوج ....ومن بعيد بانت الجرعة الأولى ...فالسماء ....
تحطت علا يد أدم ...الي قرا اسمها ... بصوت عالي
_______________
جرعة إنتماء :
ادم : جرعة انتماء ...
شافو معاه الكل ومع الجرعة ...الي كان حداها ورقة صغيرة ...فتح الورقة وقرا بصوت عالي ...
ادم : لما تشربها ...كلشي عندو علاقة بالعالم الخيالي ...راح يرجع تم ....اي شخص عندو قطرة من قطرة دم شعبي ...راح ينتمي لعالمي .
.
بعد ماقال جملتو ....اول وحدة دمعو عينيها ...اسيل .
شافت مع نزيم الي بقا يشوف معاها ....راحت حضنتو وقالت .
اسيل : نظن انو مرانيش رايحا نزيد نشوفك .
.نزيم : رايح نستناك ...في كل مرة رايح .نستناك .
.
بعد دقيقة ..
ادم شرب الجرعة .
.
لحظات ولقاو رواحم في عالم خلاف ....اما ماش وحدهم مع بزاف اشخاص ...السحرة ...المختلطين....
________
في الممالك 3 ....
كل الشعب حس بقوة ....حس بكل قدراتو رجعت ....فجأةً تكسرت كل الاسوار .....اسوار مكدينيا ..ارسيليا و المارون ...و خرجو لنقطة الاجتماع و من بينهم كل الزعماء ...آلكس ....آتانيا و دوركس ...الي غير ماشافو الي قدامهم عرفوهم ....فجأةً شعب مكدينيا كلو سجد للملكة ايمان ...اما شعب آرسيليا كلو سجد لصقر ...والمارون ل نورسيل ...
الزعماء : مرحبا بالملوك ....بما انو حد مأثر فالآخر ...نظنو انو أول جرعة ...لقيتوها .
ادم : ايه جرعة انتماء .
.
ايمان : انتماء ....يعني ..بابا ...بابا تاني راهو هنا ..
..
طلع فوق بلاصة عالية وضحك بكل صوتو .
مانتوس : ههههه واخيرا ....الجرعات ....
شافو معاه الكل ....كان فاقد قوتو برجوع قدرات الشعب ....اما حد ميقدر يقتلو بحكم انو الملك السابق غيرها هي ....ملكة مكدينيا الحالية
.
ايمن ...اسيل ...نورسيل ...صقر ...ندى ...ادم ...ايمان ..
كلهم في بلاصة وحدة ...حاسين بقوة ..جامي حسوها ..
فجأةً ....هبطت من السما ثاني جرعة ...وتحطت على يد ادم .
قرا اسمها بصوت عالي ...والكل يسمع .
__________
جرعة حب :
....فتح الورقة وقرا بصوت مسموع ..
ادم : اي واحد في مشاعرو حب ..رايحين يزيدو ...اي واحد نسا حبو ...رايح ...يتفكرو ...اي واحد ميحسش بالحب ..راح يحسو ..
شرب الجرعة ضربة خطرة ...
حس بحاجة في قلبو ....حس بيها بحبو ليها ...شاف معاها لقاها تشوف معاه تبسم و قرب ليها .
ادم : نحبك ايمان .
ايمان : انا تاني نموت عليك .
.
عند صقر وندى ...حضنو بعض و قال .
صقر : نظن انو حبي باين ...
ندى : هههه ايه .
.
عند اسيل : الي بعد مشرب الجرعة هبطت دمعة من عينها ....تحبو .. مكفاش الي هي تحبو ...زاد قوا شعورها ...اما خلاص ..متقدرش تولي ...
.
عند ايمن : ....حس بشعور قتلو ...حط يدو على قلبو وقال . كيييفاااش ....كيفااش تنساها ايمن ...كيفاش تنسا حبك ليها ...كيفاش تنسا حبك الاول ...نيهان ..اما بعد واش ...
تمنا لوكان جات اول جرعة ...قبل جرعة الانتماء .
_______
ادم💕
