الحلقة 63 و الأخيرة :
....... فجأةً ....هبطت من السما جرعة خلاف ....دهشو كامل .
آتانيا و آلكس و دوركس ...هدرو في نفس الوقت .
مستحيييييييييل ....جرعة رابعة ؟؟؟؟؟
.
هزت راسها الي كلو دموع ....كلهم شافو فيها ....هبطة الجرعة علا يدها و قراتها بصوت عالي ....صوت كلو تمني ...صوت كلو ايمان ...ايمان بربها ...ايمان بحبها ...
جرعة ايمان :
شافت الورقة الي حداها فتحتها وقراتها .
اي حد في قلبو ايمان ...ايمان بحبو ..ايمان بروحو ...ايمان بالشي الي راه حايب ومتمني ...هاذ الجرعة راح تخلي كلشي ...كلشي مسموح ...راح تخلي كلشي يتحقق .
.
بلا متستنا ...شربتها ضربة خطرا .....
.
بعد دقايق ....رجعت الروح فيه ...نبضات قلبو رجعت ...هبطت دمعة من خدو ...هدر بصوت خفيف ...
ادم : ايمان .
.
سمعت صوتو ...راحت تجري ....حضنتو وتبكي ...وكل الاراضي تبكي ومستغربين من الجرعة الرابعة ...الي مكان حتا حد يتوقعها ....جرعة الايمان ....
.
_________
فجأةً لقات روحها في عالم ...عالم البشر ....فرحة ...بكية ...كلشي جاها فالوقت هذاك ...راحت تجري لنفس لبلاصة الي ودعتو فيها ....لقاتو قاعد ....شافها ناض ....
نزيم : اسيييل ؟؟؟؟
....بعد كلمتو عرفت الي مراهيش تحلم ...جرعة الايمان خلاتها ترجع لحبها ...راحت تجري قفزت فحضنو ...وقالت بصوت عالي .
اسيل : نحبكككك ...نحبككك نزيم .
ردلها بنفس الصوت .وهو يضحك ...
نزيم : نحبكككك اسيل ...نموت عليك .
_________
من جيهة خلاف وفي العالم الآخر ....صقر و ندى .
.
صقر : تتزوجي بيا ؟؟؟
ندى : اه ؟؟
صقر : تتزوجي بيا وتكوني ملكة آرسيليا ؟؟؟
....قفزت لحضنو وقالت .
ندى : اكيد،..اكيد يا عمري ..
صقر : هههه ارنوبتي ...
__________
.
دوركس : احم .
دورت عندو عينيها ولاو قلوبة .
نورسيل : انعم ؟
دوركس : مرحبا بيك في مملكتك ..انا زعيم المملكة .دوركس .
نورسيل : متشرفين ......كملت لكلام في قلبها ...ونتمنا تكون الملك المستقبلي هههه يا يما شحال شباب صابونتي .
_________
آلكس : آتانيا !
دورت ليه وقالت
آتانيا : وي
آلكس : بعد مراح الخطر ...نتمنا نتوحدو ..يعني كل شعوبنا ...بما فيهم انا ونتي .
________\
ايمان بعدت عليه وتشوف في عينيه .
ايمان : مراكش عارف شحال خفت ...تمنيت نموت ...تمنيت نلحقك ...
ادم : وانا خافت لنموت و منزيدش ندوق شواربك ...حط شفافو علا شفافها و باسها بوسة كلها حب ...كلها عشق ...بعد عليها بعد منفسها راح وقالت .
ايمان : ونتا مراكش حاب تولي الملك ؟؟تتزوج بيا ادم ؟
ادم : هههه لالا عندي شروط ...من بينها دار وحدي من فضلك .
ايمان : ههههه من عيوني .
________
طبطب فالباب سمع صوتها جاي من بعيد
نيهان : واااه نزيم ...راني جايا ...اي اي ..رجلي اه ..لوكان خليتني نكمل هاذ لفرازة ماشي خير .
فتحت الباب ...وشهقت من الي تشوف فيه قالت بصوت خفيف .
نيهان : ا ايمن ؟؟؟؟
تبسم معاها وقال : كملي لفراز ..عندي هدرة معاك .
...بلعت لفرازة و قالت .
نيهان : وي،؟؟؟
.....مد يدو وقال ...
ايمن : نسيتي تفاحتك ..
.
شافت مع يدو لقات تفاحة حمرا ...نفس التفاحة الي كان يجيبهالها ....تعمرو عينيها بدموع وقاتلو .
نيهان : نحبك ايمن .
...جبدها لحضنو و قال .
ايمن : انا تاني ..يا تفاحة ايمن هههه .
.
النهاية .........
__________
❤❤
عند ايمان و ادم :
ايمان : رماااااااح ...رماااح بنتي وينك ..
ادم : وعلاش راكي تعيطي هكذا ...راهي هنا ماعندها وين تروح .
.
دخلو لبيتها ...لقاوها مقابلة مراية وتغني وتشطح .
....ضحكو علا بنتهم و قفلو الباب عليها .
ادم : ربي يحفضها ...شحال تشبهلي .
ايمان : اواه لالا تتشبهلي انا .
ادم : لا انا
ايمان : راني قلت انا .
.
فتحت الباب وخرجت تجري فحضنهم .
رماح : ماماتي ...پاپاتي ....انا نثبه لخالثي ندى .
.
ايمان و ادم : شوف ا سيدي ههههه
____________
عند صقر و ندى :
ندى : اااااه اخلاياااا ..صقققققررر ..
.
بعد مسمعها تعيط جا يجري
صقر : وشنووووو...واش صراااا.واااش كاين ...متقوليليش ...سليمان راهو جاي ....يا يما .
.
ندى : اااااااا ..ازرببببب ازرب عيط للطبيب ازربببب
.
صقر : اوكي اوكي حبيبتي ...اتحملي ...يا يما سامحيني والله ما قصدي .
ندى : صققققققققررر .
..
..
بعد ساعة ....كانت حاملو اول بيبي ليها ....الي سماتو سليمان .
....قدم ليها باسها من راسها وشاف مع بنو ....
صقر : علا سلامتك حبي ....مرحبا بيك سليمان ...ملك آرسيليا المستقبلي .
رماح 💕بنت ادم و ايمان
_____________
في عالم البشر : .
عند نزيم و اسيل :
نزيم : عمري ...ممم راني حاب يكون عندنا توأم .
.
اسيل : يا يما راك حاب تقتلني ...لالا نشاالله تكون طفلة ....نسميها علا اسم اختي ...نورسيل .
.
نزيم : ههههه يا عمري لابغة تجيبيلي بقرة نقبل ...نحبك ا قلبي .
اسيل : ههههه استنا راني فالشهر الرابع اعادا ...ممم و انا نموت عليك .
__________
عند نيهان و ايمن .
نيهان : ايمنننن ....ايمننن .
ايمن : وييي واشبيكي تعيطي .
نيهان : التفااااااح ...شكون الي كلا تفاحاتي ....وااااع .
ايمن : يا يماااا زوجت بطفلة صغيرة ماش مرا .
.
نيهان : رشا ...وين راهي رشااااااا .
.
سمعت امها تعيط هربت تجري ....
....شافتها تجري عرفت الي هي الي كلاتلها تفاحاتها .
نيهان : يااااا طفلة ارواحي هنااااا...ياو هاذوك تفاحاتي كي تتزوجي قولي لراجلك يجيبلك .
ايمن : هههههههه مكفانيش امها تزيدني هي ...
.
رشا : يا مامااااا منزيدش ...اااا بابااااا .
ايمن : ههههه راني جاي بنتي راني جاي
_______
رشا بنت ايمن و نيهان 💕
