الحلقة 28:
وصلو حدا ڤيلا كبيرة ....هبطت من طاكسي و هبط وراها .
ادم : تفضلي.
ايمان : ممم اوكي .
طبطب في الباب جات خ .خديجة حلتلو ....اما استغربت كشفتها معاه . تفضلو بني . ....
ادم : راهم هنا ؟
خ.خديجة : ايه .
ادم : خالتي هادي ايمان . طالبة عندي .
خ.خديجة : مرحبا بيك بنتي .
ايمان : تعيشي
.
بعد مدخلت .
ادم : اصبري نروح عند يما ونجي .
ايمان : اوك .
ادم : خودي راحتك .
.
سلوى : ادم شكون الزينة هادي ....تزوجت بلا ما تقلي ؟؟؟؟؟
ادم : يما هادي طالبة عندي ...امها و باباها توفو ....لقاوهم مقتولين .
سلوى : اااااا مسكيناااا ....بصح راني نشوف فيها نوغمال .
ادم : يما ...الطفلة راهي في صدمة و منقدروش نخلوها و بحكم انا الوحيد من الاساتذة الي ساكن مع امو و اختو جبتها هنا . وزيد تفييد اسيل .
سلوى : ايييه يا بني ...خير ماعملتي ...نروحو نتعرفو علا الزينة هادي ونتا جيب ختك .
ادم : داكوغ . ...... شاف معاها تبسملها ...رتاحت .
م. سلوى : يا عمري تفضلي تفضلي زارتنا بركة ....
ايمان : ربي يحفضك خالتو .
م.سلوى : انا قلت تزوج من وراي ....لوكان دارها خير ..واش خصني يجيبلي عروسة بالزين هذا .
ايمان : ههههه حشمتيني عينيك لملاح
م.سلوى : راهو طلع يجيب ختو اسيل ...مريضة متمشيش .
ايمان : ايه خبرني ربي يشفيها نشاالله .
.
هبط مع ختو .
اسيل : وعلاش راك مهبطني ؟؟؟
ادم : درك تشوفي .
.
ادم : اسيل نعرفك ....ايمان .
ايمان : متشرفين اسيل....شحال شابة ...ماشي كيفك مزعوق .
اسيل : هههههه ضحكتيني . متشرفين ايمان .
سلوى : عشت وشفت الي يقول عليك مزعوق .
ادم : مممم. انا راني خارج ...خودي راحتك .
سلوى : اكيد حنا رانا كيما عايلتها ..
.
تجمعو الدموع في عينييها ...لاحظتهم سلوى و حس بيها ادم .
سلوى : عظم الله اجركم بنتي ...ربي يجعلهم من اهل الجنة .
ايمان : مرسي .
ادم : اتهلاي في روحك ايمان .
اسيل : احممم
ادم : هههه نتي تاني عمري الصغرونة .
بقات سارحة فيه كفاه يتعامل مع ختو ....شحال عجبتها شخصيتو ...
ادم : هيا سلام .
.
____________
من جيهة خلاف ناضت ...لقات روحها فالسرير ...اما ماشي سريرها ....وين راني ؟؟ تفكرت انها جات معاه .
ندى : صقرر.
.
بعد مسمعها تعيط راح عندها ..
صقر : ارنوبتي فطنتي ؟ كاش متحتاجي ؟
ندى: مممم حبيت نتاكد برك .
صقر : من واش،؟
ندى : ممم انو راني معاك .
صقر : هههه ايه و راكي في بيتي زادا.
ايمان💕
