الحلقة 27 :
حس بيها متوترة تبسم و هدر .
ادم : ايمان ...حابك تعرفي حاجة من درك راني جايبك باش تكوني قريبة ليا اولا ...و قريبة لختي ثانيا .
ايمان : اختك ؟
ادم : ايه . اختي بعد 3 ايام تقفل 20 سنة ....حبس كلامو وشاف معاها .
ايمان : الملكة الثالثة ؟؟؟
ادم : ايه ...ملكة مملكة المارون . تكلمت مع حارستها ...قالت انو لازم تعرف بكلشي قبل ميتنقش الوشم فيها .
ايمان : وشمها عبارة عن واش ؟؟
ادم : صحرا و ليل و قمر .
ايمان : صحرا و ليل وقمر ؟؟؟
ادم : وي مملكة المارون تجمع بين مملكتنا مكدينيا و مملكة آرسيليا ...يعني عندها نفس قدراتنا ولكن بالنصف . و قادرين يتأقلمو معانا .
ايمان : يعني مرايحاش نتأثر منها ؟
ادم : اكيد . متخافيش ..
ايمان : راك حاب مني نحكيلها كلش .
ادم : وي .
ايمان : داكوغ .
ادم : مرسي .
________
ايمن : تعرفها ؟؟
نزيم : واش صرالها ؟؟؟؟ شكون قاسهاا راح ليها جا يحركها منعو .
ايمن : احبس ....رانا عيطنا ل لومبيلونس راهي جاية .
الرجل : سامحني ...مفهمتش كيفاه خرجتلي .
نزيم : معليش ...المهم انك مهربتش و خليتها وحدها . ...دور ل ايمن .كمل كلامو : حسب شوفتك بيها حاجة ؟
ايمن : منقدرش نقلك ...اما فقدانها للوعي حاجة تخوف .
نزيم : تقدر تفقد الوعي من الخلعة برك ؟
ايمن : مستحيل ....الا في حالة وحدة لكان واجهت نفس الحالة من قبل .
نزيم : اوك . مرسي .
ايمن : العفو ......
..... طلعو راسهم في زوج بعد مع سمعو سيارة الاسعاف جات ....ركبوها و راحو لسبيطار .
كان قاعد حدا راسها ....يشوف معاها و حاكم في يديها .....علاه ا نيهان وقتاش تعقالي ....
ايمن : راحا تكون بيان نشاالله .
نزيم : نشاالله.
.
بعد مدة وصلت سيارة الاسعاف لسبيطار هبطوها ...ودخلوها ....دخل معاهم ايمن . بقا نزيم برا ...
.
ربع ساعة خرج .
نزيم : واش حوالها ؟؟؟
ايمن : راهي مليحة تحتاج شويا دم برك . اما زمرتها صعيب باش نلقا.........مخلاهش يكمل كلامو و ردلو
نزيم : راني هنا نفس زمرتها .
ايمن : معناها تقربلك .
نزيم : ختي
ايمن : اه ...باين . تفضل .
.
بعد ممدولها الدم ....تحسنت و حلت عينيها ....شافت فيه يشوف معاها ...خوف و غش في عينيه .....تبسمت و قاتلو .
نيهان : نزيم .
نزيم : فهميني واش داك للقرية و واش كنتي ديري بين الشجر .
نيهان : نحقق .
.
سمع كلامها ضحك .....بعد مضحك تولهتلو ...شافت معاه و قالت .
نيهان : نتا الي كنت معاي .؟
ايمن : ايه
نيهان : مرسي .
ايمن : خدمتي .
نزيم : ودركا الا راكي تحسي روحك مليحة نروحو لدار ...اصلا الوقت تأخر و منيش حاب يما تحس بشي .
نيهان : داكوغ . ......ناضت من فوق السرير ...عارفتو تغشش منها ...اما الله غالب تحب تكون كيفو ...شافت معاه لقات نظرة حزن في عينييه...عرفت انها فكرتو في الحادثة الي خسرو فيها باباهم
نيهان : سامحني .
......حكمها من يدها و هدر : متزيديش تعاودي . منيش قادر نخسرك .
___________
.
في العالم الآخر و بالتحديد في أرض آرسيليا .
.
قاعدة تشوف مع روحها فلمرايا وتعدل في خصلات شعرها الرمادي....تفك الباب بكل قوة ....
خادمة في القصر : سيدتي سيدتي ....دخيل ..
.
بعد الكلمة هادي طاحت من يدها مرايتها و تكسرت ....راحت تجري لشعبها....بحكم انها زعيمتهم مسؤولية حمايتهم علا رقبتها ....تجري معلابالها بحتا شي تدعي من كل قلبها انو مصرا لحد شي .....لوكان يموت شعبها ولو شخص واحد راح يزيد عدد الدخلاء كانت واثق من حاجة وحدة ...انو الدخيل الهدف تاعو قتل اكثر عدد ممكن من شعبها تخليه يدخل اكثر عدد ممكن من جيشو .
.
.
وصلت لقات الشعب هارب ...... و في وسط الساحة الدخيل ....مسلح ....اما معداتش دقيقة وحدة كان فالارض ميت ....
آتانيا : باابا .
اب آتانيا : خلاص بنتي مات .
آتانيا : الشعب ؟؟
اب آتانيا الحمدالله مصرا شي...
____________
في مملكة مكدينيا .
سيدي وصلتنا انو مملكة آرسيليا تعرضت لهجوم ...لكن الزعيم لقديم ....قتل الدخيل قبل مينفد عمليتو .
آلكس : هذا معناه انو دخيلنا تاني راح يتحرك ....بزربة انشر الخبر في المملكة ...اي واحد شاف وجه غير معروف يخبرنا و فالحال .
حارس القصر : حاضر سيدي .
واش رايكم بالحلقات 💘💕
آتانيا💕والاب💕
