الحلقة 43 :
عند ادم
....بعد موصل ايمان لدار راح لمقر اجتماعات السحرة ....دخل قعد في كرسي وكمل يسمعلهم .
شاف معاه مستر اكس و هدر .
مستر اكس : قداه من مرا نقلك انو هاذ الاجتماع خاص بسحرة مكدينيا ...واش راك تعمل هنا .
....عدل من جلستو و تكلم ....
ادم : نحب نعرف علاه انا ...يعني علاه نحس بيها ...هادي اولا ...ثانيا علاه كل متمسني ..يرح عقلي بعيييد لبلاصة لدرك مانيش قادر نعرفها .
.
شاف معاه مستغرب من الشي الي يقولو .
مستر اكس : راك تقول انو كل متقرب، منها تجيك تخيلات .
ادم : ايوا ...ونظن اني قلت ..الاجتماع هاذا من الافضل يكون شامل للعالم الآخر .
مستر اكس : بعد مسمعتو منك اكيد المرة الجاية راحين يحضرو سحرة آرسيليا و المارون ...وكون هنا ..ومادابيك تحقق نتا في هاذ التخيلات .
ادم : هههه راك تقول قرب ليها ...ايه اوكي اذا تسمحولي نتزوج بيها عادي هههه .
_____________
عند نزيم :
بعد موصل ختو لدار ...راح ...بقا يمشي و يخمم ....هبط في بلاصة ...بلاصة حدا لبحر ..قعد و بقا يشوف فسما ....فجأةً ضحك وهو يكلم روحو .
نزيم : مرانيش عارف علاه كنشوف النجوم نتفكرها ..ممم زعما واش راهي تعمل .
حكم الپورطابل و عيطلها ....
..من جيهتها كانت قاعدة طيب فالعشا ...شافت رقمو ضحكت و جاوبت .
اسيل : الو
نزيم : ساڤا .
اسيل : نتا ساڤا ؟
نزيم : ممم ايه .
اسيل : انا تاني ايه .
نزيم : ممم ولوكان نقلك لالا .
اسيل : انا تاني لالا .
نزيم : هههه ...تعرفي ...راني نشوف فالنجوم ...مارانيش عارف علاه مي راني حاسك معايا درك .
اسيل : ممم راك برا ؟؟؟مي راهو البرد ؟؟لابس مليح ؟
نزيم : مرانيش بردان ..راني دافي .
اسيل : وشبيك ..حاستك مراكش مليح .
نزيم : منيش عارف ...
اسيل : مراكش عارف واش تحس ؟
نزيم : لا ...مرانيش عارف اذا نحكيلك و تقولي عليا مهبول .
اسيل : مهبول ؟ هههه نبشرك تعالجت قداه من مرا عند طبيب نفسي ...تسما راني مهبولة كتر منك. عادي .
___________
عند نيهان .
... قدمت للورقة فتحتها و قراتها ..
نيهان .. : ختي متيبسيش راسك اشربي دواك ...راني عارف انو تحسنتي ...تعيشي اشربيه ..لوكان متشربيهش ماراكيش ناعسة معايا اليوم .
تبسمت ...كان قادر يعيطلها ...يمكن تاخد رايو تشربو ...اما هي هزتو ...راحت لناحية الثاقة فتحتها و رماتو ......وهي تكلم روحها ...راني قلتلكم مرانييش مجنونة مرانيش مجنونة .
___________
سيدي ....خلينا نهجمو علا ملكة مكدينيا ...هكذا نشوفو قدرات حارسها ونقيموه ...
......: لالا ....الا ملكة مكدينيا ...واحد ميدور بيها ...اما قدرات حارسها ...راني عارفهم مليح .
رجع ردلو : اما هاذ الشي راح يخلينا نتعطلو .
........: اصلا انا مكنتش ناوي نقتلهم ...راني نستكشف فيهم بالواحد ....ولوكان نذخلو في صراع معاهم ..نضمنلكم انا مراحينش نربحو ...يعني اهم شي درك تلقاولي الجرعات ....تلقاو اي شي ..يدل عليهم .
ردلو : سيدي ...كاين الي راهم يقولو انو الجرعات غير اسطورة .
........: لالا ...خاطر كانو عندي ....كانو بين يديا ...انا الي ضيعتهم ...انا الي ضيعتهم في عام 1938.
اسيل 💕
