الحلقة 19 :
.... مشا جيهة السور ...قدر يعدي منو بكل سهولة ... مشا ف ممر طويل ...خلصو قابلتو مملكة مكدينيا و شعبها ...عايشين حياة كيما حياة البشر ...كان يتمنا يكون واحد منهم ....بعد ما مات بوه ...ملقا وين يروح بعد مخبرتو مو بكلشي قبل موتها جا للارض الي هي بالنسبة لأمو كلشي ....اما خرجوه منها ....و سمعوه كلام بزاف ...
حبسو واحد : شكون نتا منين جيت ؟؟؟؟
أيمن : اديني عند الكس .
ردلو : شكون نقلو ؟؟؟
ايمن : المختلط او الهجين كيما سميتوهم .
فتح عينيه علا طولهم .....كفاش ميتفاجأش و قانون مكدينيا واضح وضوح الشمس ...ممنوع على اي هجين يتواجد هنا ....مكان حتا حد عصا أوامر الزعيم .... .
ردلو : ح حاضر .
راح يجري للقصر ....حبسوه حراس القصر ...وصل رسالتو و مشا .
كان قاعد ف الجلسة ....معاه كبار المملكة يتناقشو في اصغر التفاصيل ....دخل عليهم بعد ما استأذن .
حارس القصر : سامحوني قصيت عليكم و لكن الأمر عاجل زعيم ألكس .
الكس : اتكلم !
حارس القصر : جا واحد بكري من عامة الشعب راهو يقول انو كاين هجين حدا سور الأرض .
الكس : راك تقول هجين ؟؟؟؟؟
كبير مكدينيا : نظن انو لازم تروح تشوف واش يحتاج بعد الاوامر الي حطيناها بالتأكيد عندو أمر طارئ .
ألكس : مكان حتا هجين عندو جرأة يكسر كلمتي ...
كبير مكدينيا : راك متأكد !!!! .....شاف معاه شوفة .
ألكس : راك تقصد ولد زارا ؟؟؟؟
كبير مكدينيا : روح شوف و ارجع خبرنا واش صرا .
.
.
راح يمشي ويزرب ....كل خطوة يمشيها الناس تحييه ...كان عندو هيبتو فهاذ الارض ...علا خاطر هو زعيم مكدينيا ...بمثابة ملكها في غياب الملكة .
.وصل حداه تبسم ....كان شكو في محلو ..
ألكس : ولد زارا .
أيمن : أيمن اسمي أيمن ...ماش ولد زارا .
ألكس : واش راك دير هنااا.....احكي واش عندك ازرب !
ايمن : حتا انا مرانيش حاب نطول هنا .....هواكم يخنقني .
ألكس : اتكلم .
ايمن : بعتني ليك الساحر اكس . قالك انو كاين ساحرة مكدينية تذبحت ....
الكس : وشنو ....تدبحت ؟؟؟؟ معناها ..
ايمن : خليني نكمل هدرتي متقاطعنيش .
الكس : اعرف واش راك تهدر راك واقف حدا زعيم مكدينيا .
ايمن : نحترمك كنكون من شعبكم .اما انا مش منكم و درك خليني نكمل كلامي ....بعد تحريات قام بيهم مستر اكس اكتشف انو ساحر آرسيلي و ماروني تدبحو و في فترة متتالية .
الكس : معناها ...
ايمن : ايه ...راكم في خطر ...كلكم . حتا الملكة . طلب منكم تعملو اجتماع للزعماء ...وتتناقشو فكلشي .
______________
بعد ما شبع من ختو غطاها ..وخرج لبيتو ...راح ينعس ..مقدرش ..بقا يخمم فالي هدرلو نزيم ...
.
من جيهة خلاف قرر يعيطلو ... بعد م جاب نيميرو تاعو ....
. صونا پورطابلو ....شاف مع الرقم معرفوش. ...بصح رد .
ادم : الو !
نزيم : ادم ؟؟؟ معاك العميل نزيم
. بعد م سمع صوتو تقعد و هدر
ادم : نزيم ؟ خير ؟
نزيم : مقدرتش ننعس راني برا حدا دارك سامحني مي اخرجلي .
ادم : نقتلك . نقتلك ...
. كوپا عليه ...لبس تريكو وخرج . لقاه حدا الباب .
ادم : تتمسخر بربي نتا ؟؟؟؟ واش راك دير هنا .
نزيم : هاك ... .....
ادم : واش ؟
نزيم : شوف الفيديو .
. مشالو الفيديو و بدا يتغرج كوصل ل دقيقة شاف ختو ...حل عينييه من الصدمة شاف مع نزيم قالو
ادم : واش هدا ؟؟؟؟
نزيم : هي ياك مكنتش نكدب ... المشكل اني تحريت علا ختك تحريت في كلامك ..مخرجتش من الدار ...
ادم : ماهيش ختي .
نزيم : انعم ؟؟؟؟
ادم : الي فالفيديو ماهيش ختي ...شعرها طويل . ختي شعرها قصير .
نحالو الپورطابل من يدو و شاف ... راك متأكد انو ختك شعرها قصير ؟؟؟؟
_____________
عند ايمان .... كانت مترددة تعيطلها ...خايفة يكون سببها ضعيف ... كتبت الرقم و سنات الرد .
ندى : الوو ...ايمان ؟
ايمان : ايه .
ندى : ايمان سامحيني ....سامحيني ختي مكنتش معاك ...عظم الله اجرك .
ايمان : قوليلي علاش ما جيتيش عندي ؟؟؟
ندى : قبل منهدر كلمة ....جاوبيني واش نوع الوشم تاعك ؟؟؟؟
.
بعد كلامها هذا حلت عينيها ....جاوبتها
ايمان : و ويين علابالكي . ؟؟؟
ندى : علابالي ...علابالي . جاوبيني واش نوع وشمك ؟؟؟؟ بحر و ماء ؟
ايمان : ندى بركاي راكي تخوفي فيا اصلا انا راني خايفة .
ندى : حبيبتي علا هاد الحاجة انا رحت ....
آلكس💕
