الحلقة 31 :
.
بعد ما باتو ليلة كاملة و هوما يحكو ..اسيل و ندى وايمان ...قررت ايمان غدوة تروح مع اسيل تشري غوب لعيد ميلادها و بحكم انو نزيم جاي لازم تكون شابة بزاف ....
.
_________
جا الصباح .... و بدات احداث جديدة .
في مملكة مكدينيا .
سيدي رانا لقينا الدخيييل .
آلكس : جيبوه هنااا فورااا .
جابوه مربوط بالسناسل .... ماراهو بشر ماراهو مكديني او من العالم الخفي.
آلكس : من وين نتا .
الدخيل : هههه من الارض الي رايحا تمحيكم ...من الاسطورة .من الشر ...من الغضب و الحقد الي فيكم... مبقاش بزاف و نستولو علا الجرعات المفقودة .
آلكس : الجرعات المفقودة ؟؟؟ واش تعرف عليهم اهدر .
الدخيل : ههههه كل الي نعرفو انو فقدانها تسبب في موت ملوكم ....يعني ارضكم بلا بيهم ...والو ...ملكتكم لوكان تحط رجلها هنا تمووووت ....شعبكم بلا قدرات ...اسخايل معاي ...لوكان نستولو عليها ...واش راح يكون مصيركم ..ههههه الزوااااااللل .
قال كلمتو و طاح ميت ....
آلكس : تبا .تباااااااا.
حرااااااااس .
___________
في ارض المارون :
زعيم دوركس راهو قريب اليوم الموعوود .
دوركس : ايه ..من هذ اللحظة لازم نكونو يقظين بزاااف و بالنسبة لدخيلنا ...لقيتوه ؟
رد عليه : ايه ....اما مقتول .
دوركس : تبا ...معناها يقدرو يتواصلو بيناتهم ...معليييش .معليييش.
____________
دخلت الشمس لبيتهم ....ناضت بزربة هاربة من اشعتها ...حركاتها خلاو اسيل تنوض ...
اسيل : ايمان ..صباح الخير .
ايمان : صباح النور ..
اسيل،: نعستي مليح .
ايمان : ايه شكرا ....هيا ازربي لازم نخرجو نصدرو للحفلة و لكلش .
اسيل : مممم اوكي .
.
لبسو قشهم و هبطو .
م.سلوى : صباح الخير يا وجوه الخير .
هدرو في وقت واحد : صبااااح النور .
.
جا وراهم
ادم : صباح الخير........
دورت شافت معاه هبطت راسها .
هدر بين شفافو : حشامة .
خ.خديجة : تفضلو لفطور .
قعدو مجمعين علا طاولة وحدا ....و ياكلو ساعات يضحكو ...ساعات يسكتو ...ساعات يتيهو في بعض ....كل واحد فيهم يحس بحاجة ...ايمان بالعشق و الشوق و الحب ...يعني من اللخر طايحة علا راسها ههه ...و ادم من كمية المشاعر الي يحس بيهم و واش حكاية تخيلات .....
ادم : اسيل ليوم عيد ميلادك .
اسيل : ايه راني خارجة انا و ايمان نشرو حوايج .
ادم : اتهلاو في رواحكم .
اسيل،: حاضر خويا .
.
بعد ما خلصو لفطور ودعوهم و خرجو
ايمان تجر في الكرسي تاع اسيل من بين حانوت و حانوت....وشابعين ڨسرة و حكايات ....لدرجة متولهوش الي هوما ثلاتة ماشي زوج.
اسيل : ليوم يجي زعما .
ايمان : اكيد .
___________
عند نزيم و نيهان .
ناض الصباح لقا ختو مكانش ...دخل يدوش و خرج لاف منشفة عليه ....شيح شعرو لبس قشو و هبط .
نزيم : صباح الخير .
حنان : صباح الخير ولدي،.
نزيم : وين راهي نيهان .
حنان : خرجت يا ولدي .
نزيم : مممم يما لوكان واحد يعرضك لعيد ميلادو في اي ساعة تروح ؟
حنان : حفلة عيد ميلاد،؟ اممم مرانيش عارفة يمكن ال4 تاع لعشية !! من الاحسن تسقسي قبل متروح.
نزيم : مممم حاضر .
.
خرج برا ....راح يشريلها كادو ...واش الكادو الي يشريلها او يناسبها ؟؟؟ ميعرف عليها والو ...
.
وصل لحانوت ...شاف كرة ثلج ....عبارة عن ليل ...دخل شراها و خرج.
____________
في جيهة ايمان و اسيل بعد ما قاسو كلش واخيرا خيرت غوب حمرا ...جاتها تقتل . شافت معاها وهدرت .
ايمان : الروج يا الروج . راح يهبل ليوم.
اسيل،: لخوف لا ميجييش خلاص.
ايمان : نجيبو بسيف عليه .
اسيل،: هههه كيفاش ؟
ايمان : نقلو انا القاتلة ارواح برك نعترفلك .
اسيل : هههه مجنونة .
.
.
بعد مروحو لدار و رتبو لكلش بداااو المعازيم يجو ....
ادم قاعد في كوانة ويشوف فيهم ...ختو جات تهبل بالغوب الحمرا و ايمان بلا ما نهدرو جات تقتل ....صونا پورطابلو شاف ...رد عليه .
ادم : الو نزيم ؟
نزيم : ادم ساڤا .
ادم : حمدالله ونتا .
نزيم : حبيت نسقسيك بداو يجو المعازيم ؟؟؟
ادم : هههه ايه ارواح برك .
نزيم : اوكي راني داخل .
ادم 💕
