الحلقة 26 :
ايمان : واشبيك تخزر فيه هكذا .
ادم : روحي لدار ..لمي حوايجك و هيا معاي .
ايمان : وين ؟؟؟؟ علاه نلم حوايجي .
ادم : واش قلت لبارح ؟؟؟
ايمان : منك بصح ؟؟؟؟؟
ادم : ايه مالا نتمسخر معاك ؟
ايمان : اا
ادم : اسكتيي .... هيا قدامي .
ايمان : سكتت ومشات قدامو .
وصلت لدارهم جمعت شويا من قشها و خرجت . شافها ركب . ركبت و ديمارا .
ادم : وين العيادة نتاعو ؟؟؟
ايمان : اه ؟
ادم : انطقي وين عيادتو .
ايمان : متقدرش تدخل لطرقات القرية بطاكسي .
ادم : راني عارف ...طريق داركم برك الواسع .
ايمان : كيفاش دخلتي بيها ؟؟؟
ادم : تقدري تقولي عرفت طريق سرية و درك ابقاي ف طاكسي حتا نجي .
....راح لعيادتو دخل .....
قابلتو وحدا : مسيو الطبيب راهو خارج ..
مخلاهاش تكمل هدرتها دخل عندو .
.
حكمو من رقبتو .
ادم : شكون نتا ؟؟؟
ايمن : اهلا بحارس ملكة مكدينيا .
ادم : اسكت ...شفتك قداه نمرا معاها .
ايمن : هاذي الحاجة الي خلاتني نستغرب ...علاه زعفتي لدرجة هادي .
ادم : راني حاس بحاجة فيك حاجة مفهمتهاش ...مراكش حارس و مراكش ملك ...و مراكش ساحر خاطر محضرتي حتا اجتماع ... شكون نتا ؟
ايمن : هجين .
بعد مسمع هدرتو جبد روحو عليه ....
ادم : نتا الي بعتك مستر اكس ؟
ايمن : هاه .
ادم : متقربش،ليها .
ايمن : نظن انو مهمتك تحرسها ماش تدخل روحك في حياتها لخاصة
ادم : حياتها لخاصة ؟؟؟ راك تقول انك خاص في حياتها
ايمن : يمكن .
قرب ليييه شاف معاه جا راح يحكي ....دخل يجري ....
وين راهو الطبيب ؟؟؟ شكون فيكم الطبيب
ايمن : انا ؟
الرجل : خويا تعيش ازرب قستها ب طاكسي ...قالولي انو اقرب طبيب هنا هو نتا ...
ايمن : راني جاي ...هز واش لازمو يهز ...شاف معاه و راح .
ادم : معليش روح ...مزال حسابك معاي .
.
وصل للحادث شافها ...شبه واعية .
ايمن : مدموازال راكي مليحة .
.......: ايه ..
ايمن : حاجة متوجع فيك ؟
....... : راسي .
حط يدو علا راسها ....و قال : عيادتي صغيرة ....لازم ديري سكانار .
......: تعرف ، العميل ن نزيم .
ايمن : العميل نزيم ؟؟؟ تقصدي الي يحقق في الجرائم ؟؟؟ اي ...يا أنسة .
.
الرجل : فقدت وعيها ....والله خاطيني هي خرجتلي من ورا هديك الشجرة .
ايمن : المهم ابقا معاها ...شويا و نجي .
.
راح يجري لقسم الشرطة الصغير الي فالقرية ...دخل و هو يعيط :
عميل نزيم....عميل نزيييم.
كان قاعد يقرا فالاوراق مع صاحبو ...سمع واحد يناديلو خرج .
نزيم : واش كاين ؟؟؟ واش صرا ؟؟؟ ....شاف معاه ..نتا ماش الطبيب ؟
ايمن : ايه ...صرات حادثة ...حادثة سيارة .
نزيم : خبر الشرطي ...انا متكفل ب الجرائم ماش الحوادث .
ايمن : لالا ...الي فالحادث ..يعني المصابة ..ذكرت اسمك قبل متفقد الوعي .
نزيم : اسمي ؟
ايمن : ايه لازم تجي معاي .
نزيم : اوكي ....تفضل ...
------- تبعو لمكان الحادث بعد مقرب وشافها ....حبس .
شاف معاه ايمن حس بخوفو في عينيه ...عرف انو يعرفها ...سمع كلمة وحدة خرجت منو .....: نيهان ...
________
بعد مخرج من عيادتو راح ليها حل الباب و ركب .
ادم : رانا رايحين .
ايمان : بصح وين ؟؟؟ انا و انت في دار وحدة ؟؟؟
ادم : لالا نديك عند يما و ختي .
ايمان : ونتا ؟
شاف معاها وتبسم ....بعد تبسيمتو سكتت .
________
خرجو من دار ندى .
مستر اكس : ندى رانا حاسيين انو راهم يتحركو فالخفاء . الحادثة الي صرات تبين الشي هذا .
ندى : ايه عارفة .
مستر اكس : كيما قتلك اتحكمي ف قدراتك .
ندى : راحا نحاول .
صقر : ندى هايا .
ندى : اوكي .
طول الطريق وهي ناعسة ...كانت باينة انها مزالت عيانة .... وصل لدار هبط ....راح جيهتها و عباها .
حل الباب و قفلها برجلو .....و كمل طالع بيها ...
حل باب بيتو و دخلها حطها على سريرو تبسم و غطاها ..... ارنوبتي .
نيهان 💕
