الوشم

الحلقة 54

الحلقة 54 :

ادم : وشنوووو!! مذبوح ؟

....شافت معاه وقالت :
ايمان : واش صرا ادم .؟؟؟؟؟
عمللها بيدو ...دقيقة و كمل يحكي .
ادم : وين راكم نورسيل .؟؟؟اسيل راهي معاك ؟؟؟
نورسيل : ايه ...شافت معاه وكملت ...اما مراناش وحدنا ...عندنا ضيف ..ضيف اشقر .
ادم : نزيم ؟؟؟نزيم راهو معاكم ...عڨبيهولي .
....مدت الثيليفون لنزيم وقالت .
نورسيل : يحتاجك
حكم عليها وحطو علا وذنو وقال .
نزيم : الو
ادم : نزيم ؟؟راك معاهم ...اتهلا فيهم ..حتا نجي مدلي لادراس ..
نزيم : اوكي ....كوپا وبعتهالو پار ميساج .
اسيل : وااش قالك ؟؟؟
نزيم : راهو جاي
_________

بعد مبعتلو لادراس شاف معاها وقال .
ادم : ايمان هزي حوايجك وهيا معاي .
ايمان : ادم شكون ؟؟واش صرا ؟؟؟
ادم : مكانش وقت ايمان هزي حوايجك و هيا ....
حب يسقسيها ..على رقمو ....اما تردد ...خاف ليكون عندها ....قلبو يوجعو .

.....بعد مدة وصل للبلاصة ....هبط و هبطت معاه ....قال .
ادم : مراكي تحسي بوالو ؟؟
ايمان : كيما واش ؟؟؟
ادم : منيش عارف ...حاجة ...حاجة عدات علا هاد لبلاصة .
ايمان : نرجعو ؟؟
ادم : لالا كملي ....
......مشاو حتا سمعو حد يعيطلهم .
اسيل : ادم .....راحت تجري عندو وحضنتو ....لقاها ترجف سقساها ...
ادم : واش صرا اسيلل ؟
اسيل : صحرا ...الارض بلعتهم ...انا و نورسيل ...نزيم شافنا ...مذبوح ..مذبوح .
ايمان : وشنووووو نزيم ؟؟نزيم مذبوح .
نزيم : واش راكم تهدرو .
شافت معاه و حطت يدها علا قلبها .
ايمان : يا يما ....خلعتيني اسيل .
ادم : نزيم واش صرا ؟؟؟
قدم ليه و قال .
نزيم : الي صرا انو اختك حسب ما شفتها ...حولت الارض لصحرا و بلعت رجالة ...اما ماش هاذ المهم بحكم اني شفت من قبل وحدة ذوبتهم ...مستغربتش قد مستغربت انو اسيل هي ...المهم انو الشخص الي راهم يقولو عليه مستر منعرف شنو ....لقيناه مذبوح ..
ايمان : ندى .
دور ليها وقال ..
نزيم : ايه نعرف اسمها ...اما شكونها وشكونكم كلكم هذا الي راني حاب نعرفو .
....قدم ليه وقال .
ادم : الشي الي لازم تعرفو درك هو انو ماش حنا الي لازم تبعنا. ....
نزيم : مالا ...شكون ؟
ادم : هاذا الي مراناش عارفينو. ..اديني وين مات ...
..داه للبلاصة لقا نورسيل تم .
نورسيل : ادم راك هنا . ..مات مذبوح ...
ادم : يعني ...اووف لازم نلقا رقمو .
نزيم : رقم .شكون ..شاف معاه و قال .
ادم : ايمن ...طبيب القرية .
هدرو في نفس الوقت .
اسيل و ايمان و نزيم : ايمن؟؟؟؟
نزيم : واش علاقتو ؟؟؟
شافت نورسيل مع ادم و قالت : ....مختلط ؟؟؟
ادم : ايه .
مفهمو والو ...و لاول مرة ميحسش روحو غير هو الي مراهوش فاهم اما ...اسمو ...و مختلط ؟؟هاذ الشي خلاه يخاف ....يخاف علا ختو الي بعتها عندو .
نزيم : عندي
ادم : وشنو ؟
نزيم : رقمو ...راه عندي .
مدلو رقمو ....بعد ثواني سمعو يصوني

__________
كان قاعد في عيادتو ويشوف معاها كيفاش تخدم .....فجأةً ثيليفونو صونا ....شاف لقاه رقم رد عليه .
ايمن : الو ...شكون معاي .
ادم : ادم .
ايمن : شكون ادم ؟؟؟
ادم : ادم ..حارس ملكة مكدينيا .
بعد مسمع جملتو ...هز روحو وخرج .....
ايمن : واش تحتاج ؟؟؟؟

______

ايمان💕ادم❤