الحلقة 53 :
نزيم : اسييل !!!!!
بقا حال عينيه من الي شافو ...
بعد ما بلعتهم الارض ....دقيقة ورجع كلشي كيما كان .
اسيل : نورسيل ؟ راكي مليحة ؟؟؟؟
نورسيل : ايه ...مرسي اسيل ....اما ماش هوما الي خلوني نحس بالشي هذا ....حاجة خلاف ...حاجة قريبة .
قاطعهم ....وهدر .
نزيم : شكون نتوما !!!!!
.....سمعت صوت تعرفو مليح ....اما حاجة فيها مخلاتهاش دور ..خافت لوكان دور تلقاه هو ....من سؤالو باين شاف كلشي ....شافت فيها نورسيل فهمتها ....قامت من الارض و قالت .
نورسيل : الاشقر ؟ راك هنا ...
نزيم : راني سقسيتكم سؤال ..شكون نتوما .
نورسيل : اخلادار بوك ....حكمك زهايمر ؟؟؟ياو هاذي اسيل ...و انا نورسيل ...كاميرا ..جريا ...شعر قصير ...شعر طويل ...مراك شافي علا والو ؟ .
دورت جيهة ختها ...الي كانت خايفة .
نورسيل : اسيل احكي كاش حاجة .
اسيل : ااا نزيم ! راك هنا .
نزيم : نتوما ...نتوما شكونكم ...واش تكونو ...نتوما الي ذبحتوه ؟؟؟
نورسيل و اسيل فنفس الوقت : ذبحناه ؟؟؟؟
كملت نورسيل : اواه الاشقر راك تخرف ...مدرنا والو غير ديناهم يحوسو للصحرا شويا ...
شافت معاها اسيل و رجعت شافت معاه قالت .
اسيل : واش تقصد ؟؟؟
نزيم : الجريمة ....الي هناك ...نتوما قتلتوه
اسيل : راك تقول انو كاين واحد مذبوح لهين ؟؟؟
نورسيل : يا فرحتاه .
نزيم : ايه قبل متخلي الارض تبلع الزوج الي ماتو دوكا...الي عمري مراح نقدر نجبدهم .
نورسيل : يا خو الاشقر ننصحك متجبدهمش ...هاذوك ماش عباد كيفك .
نزيم : نتوما تاني ماشي عباد كيفي ...
.هدر كلامو وشاف مع عينيها ....
اسيل : تقدر تدينا نشوفو الجريمة هاذي ؟؟؟
نزيم : راكم شفتوها ...نقصد قتلتوه ونتوما مغمضين عينيكم ؟؟ .
....قدمت ليه وشافت مع عينييه وقالت .
اسيل : مقتلتوش ...
بعد ماشاف في عينيها عرف الي هي صح مقتلتوش ....كملت كلامها .
اسيل : ودرك تقدر تدينا ؟؟؟
نزيم : حتا نعرف كلشي ..واش تكونو ...و واش يكونو .
نورسيل : مننصحكش نونو .
اسيل : اوكي ...اما بعد متدينا ..وعد .
شاف معاها ...وشاف مع نورسيل الي طلت عليه ورا ظهر اختها ...وضحكت .
نزيم : تبعوني .
__________
عند نيهان و ايمن .
...بعد مخلاها تروحلو ...رجعت للعيادة و دخلت ...مع دخلت شاف معاها وهدر .
ايمن : اهلا ...من اولها غياب .نشاالله يكون مبرر ...هو و العركة الي صرات .
نيهان : سامحني مراحش يزيد يتعاود .
ايمن : شكون فيهم .
نيهان : اه ؟
ايمن : شكون فيهم الي مراحش يزيد يتعود ..
حكات بصوت خفيف ..اكيد الاول .
ايمن : انعم ؟
نيهان : في زوج .
ايمن : ممم . روحي كملي خدمتك .
نيهان : حاضر .
جات رايحا ...اما حبسها صوتو .
ايمن : ياك مصرا والو ؟
تبسمت ودورت ليه .
نيهان : لالا ..مرسي .
ايمن : واش قاتلك باش هجمتي عليها .
نيهان : منيش عارفة ...نسيت .
ايمن : نسيتي ؟؟ ممم داكوغ .
راحت تكمل خدمتها ....وهو بقا يخمم وين راهو شايفها من قبل ...وين ...
_________
عند ادم و ايمان :
ايمان : راجل ؟ حاجات ؟؟ كيفاش يعني .
ادم : مرانيش شافي ايمان ...كلشي جا ضربة خطرا ....اما عرفت وكتاش يرجعو ...
ايمان : شكون الي يرجعو .
ادم : التخيلات الي راني نشوف فيهم ...عرفت الكود ..
ايمان : واشنو هو ...
نورسيل💕نزيم💕اسيل💕
