الحلقة 35 :
فطنت الصباح ....ناضت هبطت لتحت عرفتو ..مناضش ...راحت حلت لفريجيدار جبدت منو حوايج و بدات دير فالفطور ....
تطيب و تغني ...
دخل للكوزينة لقاها طيب .
صقر : صباح لخير .
ندى : صباح النو..
.
حبست كيماراها من الي تشوف فيه ...لابس كوستيم جاه يفتك ....مطلع شعرو و الضحكة علا وجهو ...
ندى : صباح النور ...خير ؟ راح تعقد ؟
صقر : هههه راني رايح للشركة .
ندى : ممم رايح هكا ؟
صقر : علاه مرانيش شباب ؟
ندى : لالا مهدرت والو ...يعني ...راحين يشوفوك .
صقر : يشوفوني ؟؟؟شكون ؟
ندى : اي وحدة تخدم تم .
صقر : هههه ....قدم ليها ....غرتي ؟ .
ندى : انا ؟؟؟نغييير ؟ منواش ؟ علاه ؟ لالا مغرتش منيش حابة برك تلسق فيك وحدة ..وتولي تبع فيك وتكشف سرنا .
صقر : مممم نوغمال كتكشف سرنا نتزوجها ...ياك انا خوك .
ندى : مبروك عليك ... خرجت وخلاتو بعد ماكانت فرحانة و طيب طلعلها الزبل .
.
بعد مخرجت ضحك ...داق من الي طيبت وهدر ...اممم تغير وتعرف طيب ....نشوفو قداه رايح نبقا خوك ....
.
صقر : ندى.
ندى : انعم ...هدرتها بتشناف .
صقر : متنسايش تفاكري في والديك انا راني رايح .
ندى : راني جاية معاك .
صقر : وييين ؟؟؟؟
ندى : معاك .
صقر : هههه هايا يا لالة .
.
راحت لبست قشها و خرجت معاه ركبو فالطاكسي وديمارا. .
صقر : وعلاش راكي حابة تجي ؟؟؟
ندى : نخاف ...تصرالك حاجة نكون بعيدة .
صقر : مممم تخافي من هادي برك؟؟؟
.
سكتت ومردتلوش ...ضحك عليها وكمل طريقو ...عارف انو الي راه يحسو من جيهتها ...راها تحسو هيا تاني.
.
بعد مدة وصل للشريكة ...هبط و هبطت معاه .
ندى : هادي هي ؟
صقر : ايه .
دخلو ...والكل شاف معاهم ...لبنات يكحلو عليه وهي تشوف معاهم ...النااار خارجة منها ....هو يضحك و عاجبو الحال ... بعد موصل للبيرو حبس ...دخلت فيه .
ندى : اي .
صقر : شوفي قدامك ...وين راكي تشوفي ؟؟
ندى،: راني نعس ....هدرتها ودورت ليهم ...كشخت فيهم و شافت معاه .
كان لازم يعني تلبس هكا .
صقر : عينيا لابغا نلبس نوغمال يكحلو عليا الله غالب بوڨوص خوك .
ندى : فففف مراكش خويا .
صقر : هاذي اهدريها لعمرك ...دخل للبيرو كمل يهدر معاها ....مفطرتيش روحي اشري كاش حاجة تكليها .
ندى : نجيبلك معايا ؟
صقر : لالا مرسي ....
.
خرجت من الشركة تعكي فيه ....خوك ..نقتلو ...شافت ريسطو قريب راحت ليه ...دخلت ...
فجأةً سمعت صوتو .
خ.رابح : بنتي ؟؟؟؟
دورت ليه لقاتو باباها ...عينيها لمعو ...جات تحكي معاه حست بوجاااااع ماش نوغمالل ...عرفت الي صراتلو حاجة ....راحت تجري ..دورت لباباها من بعيد
ندى : بابا خليلي رقم ماما فالريسطو الي حداك ....
مفهمش واشبيها ....كان حاب يحضنها ...يشبع منها اما هي راحت ....حتا امها راهي ليل ونهار تستنا فيها .
.
فكت الباب بزربة ودخلت .....
ندى : صقر ؟؟؟صقر وشبيك ؟
كان طايح علا الارض وحاكم يديه بين رقبتو ....
صقر : م مخنووق ...نفس الشي الي حسيتو ....
ندى ملقات مدير غير انها تحضنو...بعد محضنتو هدا ...حس بجسمو كامل شعل ...شاف معاها ...حط شفافو علا شفايفها و باسها.....خلاتو يشعل ...خلات الروح ترجع ليه ....تشوكات من الي دارو بعدت عليه بزربة ..
ندى : ص صقر واش راك دير .
شاف معاها عينيه شاعلين ....رد عليها .
صقر : والو ....
ناض من قدامها و خرج .
____________
عند ايمان و ادم .
ادم : و وين رايح نلقا نورسيل ؟؟.
فكت الباب ودخلت ...
اسيل : انا نلقا نورسيل . تبعوني ...
كان عارف انو هي بدات تحس بيها ...كيما كان يحس بلبلاصة الي تروح ليها ايمان .
خرجو كامل ركبو فالطاكسي و ديماراو .
____________
ناض ....حس براسو يوجع فييه ...لقا الدنيا الكل مكسرا ....تفكر الي صراا...شاف بحزن للباب ...دخلت نيهان حاكمة في يدها كاس ما و دوا . شافت فالبيت لقات الدنيا مقلبا
نيهان : صباح الخير .
شاف معاها شوفة تكسر القلب . قدمت ليه حطت يديها علا شعرو .
نيهان : شبيك نزيم ؟؟؟واش صرا ...
.
جا يتكلم حبسو صوت پورطابلو هزو لقاه يعيط .
.
تردد اما حاجة فيه قاتلو رد نزيم رد .
رد عليه وبقا ساكت .
ادم : الو نزيم ؟؟؟وين راك .
نزيم : فالدار ...
ادم : ابعتلي لادراس ...راني جاي . .
اسيل💕 نزيم
