الحلقة 42 :
_____ عند اسيل و نورسيل :
اسيل : نورسيل هيا نروحو درك تتقلق عليا ماما .
نورسيل : ممم داكوغ ..
خرجو من لبلاصة الي كانو فيها حكمو طاكسي كرية ..وراحو كل وحدة لدارها ...
وصلت للدار طبطبت فتحتلها م.سلوى .
م.سلوى : بنتي ...
اسيل : ممم واش ماما راكي حابتني نبقا برا ؟؟؟
م.سلوى : لالا ادخلي ادخلي ..
كانت تحكي معاها والضحكة باينة في عينيها ...كيفاش متفرحش وهي تشوف في بنتها الي كل متصلي تدعيلها انو تمشي ودركا ربي حقق دعواتها وراهي تخرج و تجي وحدها ...حتا حالتها النفسية تحسنت ...اسيل راحت قداه من مرا لطبيب ...اي طبيب نفسي تروحلو تسوء حالتها كتر ...اما درك ...يمكن ممتفكراش حالتها كيف كانت ....وهذا احسن ليها .ايه محبتش تسقسيها كيفاش رجعتي تمشي ...كانت فرحة الي في عينيها تكفيها .
.
اسيل : ايمان و ادم راهم هنا ؟؟
م.سلوى : ايمان راهي هنا اما ادم لالا جاب ايمان وراح .
اسيل : راح ؟؟وين
م.سلوى : والله يبنتي معلابالي ...تعرفي عادتو .
اسيل : مممم داكوغ ...
.
راحت لصالون لقاتها قاعدة .شافت معاها وتبسمت .
ايمان : واش راكي اسيل .
اسيل : حمدالله ...نسيت مشكرتكش .
ايمان : علاواش ؟
اسيل : رحتي حكيتي لأدم ...لوكان انا نبقا نبكي و نحاول ننساه ...منحبش نبين روحي ضعيفة .
ايمان : مراكيش ضعيفة ..لوكان جيتي ضعيفة القدر ميخيركش تكوني انتي الحارسة....وزيد الحب ماهوش ضعف .
_____________
عند صقر و ندى : .
خرج من الدوش ...يغلي ...راح لبيتها ..طبطب عليها ردتلو .
ندى : ادخل .
صقر : واشراكي ديري ؟
ندى : والو ..
صقر : كلمتي عايلتك ؟
ندى : ايه ....راهم حابيني نرجع ..يعني نزورهم ..
صقر : اممم ايه روحي زوريهم .
ندى : كيفاش،؟ اما ؟
صقر : ياك .ايمان كانت تم ...بلاك علاهادي حسيت هكيك ...لالا راني متأكد ..ودوكا راهي مع ادم الحارس ..روحي للقرية خوذي راحتك مع عايلتك وقت متحبي تولي عيطيلي ..
ندى : صح انو شعورك كان بسبة ايمان ...اما الشعور الثاني الي حسيت بيه ؟
صقر : متنسايش الي انا رجعت حسيتو وقت كنت فالشركة ...يعني يمكن يكون احساس يحكمني من فترة لفترة و جا فالوقت الخطأ ف المكان الخطأ.
ندى : ممم. مرانيش مقتنعة اما صح ...علاش رجعتي تحسو و انتا كنت فالشركة ؟؟؟
صقر : مرانيش عارف المهم ..روحي ادوشي ترجعلك طاقتك ..ننصحك بالما المغلي ...هكذا ديما نجدد طاقتي ..مدام فادني ..اكيد يفيدك.
بعد مكمل كلامو ....هدرت بين شواربها .
ندى : مممم عندو منين يجدد طاقتو .
صقر : واش راكي تمتمي .
ندى : اه .لالا والو ..راني رايحة .
صقر : بصحتك الدوش ..كتخلصي اهبطي نطيبو لعشا . مع بعض .
ندى : اممم حاضر .
هزت قشها وراحت لدوش ....
دخلت نحات قشها الكل ....عمرت الما يغلي و دخلت فيه .....حست براحة كبيرة ....سندت راسها وبقات تخمم في كلشي صرالها ...ليها ولصحبتها ايمان .
___________
عند نزيم و نيهان : .
بعد موصلها لدار ...هبطت ..جات تشوفو لقاتو راح ..هدرت مع روحها .
نيهان : وين راح هذا ...؟
.
دخلت لدار ....راحت تجري لبيتها ...كانت امها تم .
نيهان : مساء الخير .
م.حنان : مساالنور . واش راكي فرحانة .
نيهان : اييه بزااف ....
م.حنان : نقدر نعرف السبة ؟؟
نيهان : ممم راني رايحا نبدا نسطاجي ...وراني متحمسة بزاف ...هذا برك .
م.حنان : بنتي ...اتهلاي في روحك ...ومتنسايش دواك .
نيهان : ماما ...واش من دوااا .قلتلكم قداه نمرا منحتاجوووش .متفهموش ؟؟؟
م.حنان : نزيم قال انو لابغة تحسنتي لازم تشربي دواك .
نيهان : ايه نزيم ...ايه ....رديتوني مجنونة .
م.حنان : استغفر الله .بنتي هدني روحك ...روحي ادخلي ريحي روحك .و ارواحي تعاونيني ...لعشا لدرك مدرتوش .
نيهان : اوكي ربع ساعة ونجي .
م.حنان : هاني نستنا فيك لتحت .
قفلت الباب و خرجت ......بعد مخرجت نيهان شافت مع سريرها ...كان جنبو دواها و ورقة .
صقر 💕
