الحلقة 37 :
نزيم : اما خبريني كيفاش صرا هذا ؟؟؟
اسيل : منيش عارفة ...حتا لقيت روحي نمشي .
نزيم : لازم تروحي لطبيب ...يفحصك و زيد،يعرف سبب لوجاع الي حكمك .
اسيل : ممم نشاالله . .......
...قاطعت هدرتهم نيهان .
نيهان : مممم باش نتفاهمو من درك السرير راهو مقسوم علا 3 .
.
شاف معاها نزيم وسع عينيه وهدر بين شواربو .
نزيم : اسكتي .
اسيل : كيفاش ؟ واشمن سرير ؟؟
نزيم : لالا راهي غير تخرط .
نيهان : صار هكدا انا جاية باش نضمدلك جرح يدك ونتا تقول عليا هكذا ..
.
شافت معاه و مع يدو ...قدمت ليه حكمتلو يدو و قالت
اسيل : شبيك ؟؟؟؟
نزيم : فالخدمة برك .
نيهان : راهو يكذب جا لبارح حالتو حالة كسر كلش و الجرح هذا من مخلفات هبالو ...
.نزيم : نييييهااااان .
.شافت معاه وحطت يدها علا فمها ....اوپس ..سامحني ....وهربت تجري .
اسيل : بسبتي ؟؟؟
نزيم : لالا كنت قلقان برك .
اسيل : مممم اوك ....قدمت ليه ...دواتلو الجرح كي خلصت قالت : انا نخليك .
نزيم :مرسي ....اما استناي نوصلك .
اسيل : لالا متشقاش راني حايبة نمشي .
نزيم : نمشي معاك ؟
اسيل : منقولش لالا ..
خرجو ...وبقاو يمشو.....
__________
رجعت للشركة دخلت ....قعدت فوق كرسي بقات تستنا فيه ...
كان فالبيرو تاعو النار خارجة من عينيها ....يخمم فيه و في كلامو ....
صقر : حبيبها ..هههه خاصني غير حبيبها انا..
كمل خدمتو ...مي تخمامو كامل عندها .
.
دخل للشركة لقاها قاعدة
مستر اكس : ننصحك تبداي تدربي ...مراكيش تتحكمي فقدراتك ...وانتي اكثر حارسة لازم تتدربي خاطر شعلة وحدة في عالم البشر رايحة تسبب كارثة ...مراناش حايبين نبانو .
ندى : ايه عارفة راني نخمم في بلاصة ندرب فيها ...
حايبة نسقسيك ...كيفاش تقدر تتعامل معاي و انت من مكدينيا ...يعني نوغمالمون واحد فينا يأثر في لاخر ؟
مستر اكس : راني ساحر ...الممالك خيرو فئة السحرة خاطر نتعايشو مع كل الاراضي ...اما من الاحسن منطولش معاكم .
ندى : يعني كاين فئات بزاف .
مستر اكس : اكيد .
ندى : واحنا واش من فئة ؟
مستر اكس : بالنسبة للحراس فئة جديدة ...يعني ..خلقتو بعد ما صرا الحادث .
ندى : اما مستحيل نكونو خلقنا من العدم .
مستر اكس : شاف معاها و تبسم .
.....تجاهلت تبسيمتو و كملت تحكي .
ندى : حكاتلي ايمان انو بعد مرحت من القرية .و في عيد ميلادها مدو لبابا ورقة ..؟ وقالو انها ليها ؟ نفس الورقة الي مع صقر و اكيد ملكة المارون معاها .
مستر اكس : ملكة المارون و صقر انا الي مديتلهم الورقة ....لكن ايمان ...ورقتها ضاعت .
ندى : ضاعت ؟؟؟كيفاش ؟؟
مستر اكس : مراناش عارفين ...
ندى : يعني الرجالة الي جاو مدو الامانة الي هي الورقة تاع ايمان ....ماش نتوما ؟ .
مستر اكس : لالا ....ونظن انو قاتل الساحرة حليمة هو الي بعتهم ومدلهم الورقة ..
ندى : كيييفاش يعني راهو عارف ؟
مستر اكس : كامل عارفين ....نقصد انو فاليوم الي يتنقش فيه الوشم في جسمكم نكونو كامل عارفين ....
قاطعهم صقر .
صقر : راني خارج ...تحبي تجي معاي ارواحي عندي اجتماع .
ندى : لالا روح برك ..انا نروح لدار ...
مستر اكس : متأكدة ؟
ندى : ايه مرانيش حاسة بخطر عليه .
.
شاف معاها و راح .
مستر اكس : انا تاني نروح
_________
كانو يمشو مع بعض ساعات يضحكو ....ساعات يغيسو فبعض ....كان باين عليهم انهم يحبو بعض ... حبسو بعد ماصونا پورطابلو .
شاف معاها و تبسم ..اقعدي .
قعدت في كرسي مقابلة لبحر ...
نزيم : الو . .....وي معاك العميل نزيم ....كيفاش ؟؟؟وين ؟؟؟راني جاي .
شافت معاه وقاتلو .
اسيل: كاش ماصرا ؟؟
نزيم : لالا قضية برك يلزم نروح ...
اسيل : ممم روح برك ختي راهي هنا .
نزيم : داكوغ اتولهي علا روحك ...
اسيل : نتا تاني ...
.
راح لقسم الشرطة ...وهو يتبسم ...كان عارف انو قلبو الي تفتح اول مرة مراحش يخونو ...كان عارف انو كاينة حاجة من تبسيمتها .....فجأةً حبس و كلم روحو .
نزيم : كيفاش عرفت انو اختها لتم ؟؟؟ مشفتهاش تكلمها ....ممم يمكن تفاهمو من قبل .
دخل للقسم ...بكل ثقة ...كانت عندو هيبتو ... .
حبس حدا شرطي.
نزيم : واش،صرا؟؟؟
شرطي: جريمة ....اما غريبة .
نزيم : واش الغريب فيها ؟؟؟
شرطي: مكانش جثث ....يعني اختفاو ول نقول ذابو .
نزيم : كيفاش،؟؟؟؟
شرطي،: ايه ...لوكان مكانش شهود منعرفوش بوجودها ...
نزيم : عيط لهيثم يجي ....و هيا ...لمسرح الجريمة .
ندى💕
