الحلقة 29 :
اسيل : ههههه راكي طايحة كتر مني .
ايمان : وشكون سعيد الحظ الي حبتو الملكة .
اسيل : هههه ملكة ؟؟ امممم صاحب ادم جا ...اشقر و عينيه خضر اسمو نزيم .
ايمان : هههه متقوليهاش .
اسيل : تعرفيه .
ايمان : ايه .وراهو شاك فيا انا الي قتلت والديا .
اسيل : شاك فيك ؟؟؟علاه ؟؟
ايمان : هو عميل و المسؤول علا تحقيق فالجرائم .
اسيل : اه قلبي حب عميل ...يا يما هههه . استناي ...
.....راحت جيهة الثاقة حلتها ....لمحت خيال طفلة و شعرها طويل . .
اسيل : هادي المرة الالف الي نشوفها .
ايمان : شكون ؟؟
اسيل : متقوليش عليا مهبولة ...اما ديما نحس بشكون يراقبني .
ايمان،: اكيد لازم يراقبو الملكة
اسيل : هادي ثاني مرة تقوليها .
ايمان : نحكيلك حكاية وتسمعيني للخر ؟؟
اسيل : اكيييد ....قربت كرسي نتاعها ليها حطت يديها علا خدودها وبقات تسمعلها .
____________
وصلو لدارهم ...دور ليها .
نزيم : نيهان راكي مليحة ؟
نيهان : مممم.وي نسقسيك .
نزيم : سقسي !
نيهان : هذاك الطبيب تعرفو ؟
نزيم : ايمن .طبيب القرية .نتعامل معاه علا خاطر هو الي شاف الجثث .
نيهان : ايمن ! مممم اسم شباب . ( هدرتها بلعقل ...).
نزيم : انعم ؟؟؟
نيهان : لالا والو .....دخلو لقاو حنان تستنا فيهم ...وينكم ا ولادي عندي ساعة وانا نستنا فيكم .
نيهان : ماما واش طيبتيي جعت .
نزيم : انا تاني . .
حنان : اغسلو يديكم و تبعوني .
نيهان : الى الكوزييييينة .
نزيم : ارواااااحي هنااا......حكمها و دخلها ل دوش .
نزيم : ادوشي و ارواحي تتعشاي .
نيهان : مااااماااااا. جععععتتتت .
نزيم : ههههه موتي ...غسل يديه وهبط يجري ياكل .
.
بعد مافضت الدوش هبطت تجري و كرشها تقرقر .....
نيهان : ماما ....كليتو بلا بيااا،؟؟؟ نقتلكم .
حنان : نوغمال بنتي رانا معاك .
.
كملو كلاو ...فرزت مع مها الطابلة ...وهو طلع لبيتو ....جا يغلق الباب ...حطت رجلها ..
نيهان : وين تقفل فالباب ...
نزيم : وين داخلة .
نيهان : ننعس .
نزيم : محايباش تنحي العادة هادي ؟
نيهان : عندك مشكل ....انا نحب ننعس معاك .
نزيم : ولوكان نتزوج تنعسي معانا .
نيهان : تزوج ؟؟؟؟ اهوه اشم رائحة العشق.
.
ضربها بوسادة ناضت تضحك .
نيهان : لوكان تزوج ....شوف كيفاه .
ناضت تقسملو في فراشو بلمخايد ....قسمتو علا 3 اقسام .... انا هنا ....تعيسة الحظ هنا ...ونتا فالنص .
نزيم : شوف ا سيدي و انا كدبدوب في نصكم .
نيهان : هههههه ارواح دبدوبي عييت .
....قدم ليها حضنها .....قاتلو ....
نيهان : علابالك بلي كنت ننعس هكذا مع بابا ....من الي مات ...وليت نتا هو بابا ..
نزيم محبش يهدر ....باسها من راسها وسكت ....حس بدمعتها هابطة .
نيهان : ربي يرحمو .
__________
بعد م حكاتلها كلش من الاول للاخير ....توقعت بزاف ردات فعل ...اما اسيل بقات ساكتة .
ايمان : اسيل،؟؟؟؟
اسيل : نسقسيك
ايمان : مانيش مهبولة والله .
اسيل : لالا سؤال خلاف
ايمان : سقسي .
اسيل : نوغمال نتزوج ب بشري ؟؟؟؟؟
ايمان : اه ....!!! ههههههههههه ا يما كرشي ...خليتي كلش المشاكل هاذو الكل و ركزتيلي في هاذي ؟؟؟؟
اسيل: يبنتي نتي راكي تحبي واحد كيفك بعد ...انا ماها ..
ايمان : هههههه والله ماجات فراسي .
اسيل : مشكيتش شعب المارون عندهم شعرهم اشقر و عينيهم خضر .
ايمان : ههههه حتا لوكان ..ياو حب من اول نظرة واحد ميطيرو.
اسيل : زيديلها ...الحب الاول .
ايمان : والاخير .ههههه.
اسيل : ههههه والله راكي طوب رتاحتلك ...متشوقة نشوف صحبتك .
ايمان : تعرفي انو انا وهي ملازمش تقدملي هذا كامل علا جال حبيب قلبها ملك آرسيليا .
اسيل : هههه يعني انا برك الي نقدر نتعايش معاكم كامل .
ايمان : ايه و الدليل ملكة المارون و ملكة مكدينيا .
.
سلوى : لبنااااات اهبطو تتعشاو راه جا ادم .
.
ايمان : هيا اسيل ...خليني نعاونك .
.
بعد ما هبطو دخلو للكوزينة .
اسيل : بعدو بعدو الملكة جات ...
ايمان : ههههه
م.سلوى : سملهرحمنرحيم.
ادم : هههه .
-------
... راح تتشوكاو من حاجة... وماشي غير نتوما مام شخصيات لكرونيك 😍🙈💕التعليق فالحلقات... بينولي بلي راكم هنا💓
ايمان💕اسيل💕نيهان
