الحلقة 15 :
في مدينة خلاف ...هبطت من الطاكسي تاعو و هبط معاها .
صقر : ندى ايمان صحبتك واشمن جامعة تقرا فيها ؟
. بعد كلامو هذا برقو عينيها .
ندى : كيفاش مخممتش من قبل فيها .
. تبسم معاها عرفها واش حايبة دير .
ضحكت و قالت
ندى : راح نروحو لجامعة نحكو معاها ... هكا تكون بخير .
صقر : الي مخوفني انو هي الي تكون بردتني لهاديك درجة .
ندى : المهم تبقى بعيد ب مسافة ... نسحق 5 دقايق برك .
صقر : اوك ادخلي تقراي درك كتخرجي نتفاهمو .
____________
مستر اكس : لازم علينا نلقاو ابن ساحرة و بشري ...هادي هي الطريقة الي نقدرو نبعتو ل ألكس الرسالة ...من المستحيل انا نقتلو واحد فينا .
هدر واحد : نظن اني نعرف واحد .
مستر اكس : روح كلمو مبقاش بزاف وقت ...بعد م عرفت انو كاين ساحرة من ارسيليا و المارون تذبحو ..مبقاش عندي شك انو كلام ادم صحيح ...كاين قوى شريرة تهددنا كلنا .
رد عليه : حاضر . بصح الي نعرفو يكون ابن ساحرة مكدينية و بشري. .. كيفاه راح نحذرو ارض ارسيليا و المارون لازم نلقاو ابناء سحرة من دمهم .
مستر اكس : لالا مكانش وقت نظن انو الكس راح يقتنع من كلامي وراح يحاول يخبر الاراضي الاخرى .
رد عليه : من المستحيل ....متنساش انو قطعنا علاقاتنا بيهم ودخلنا في هدنة .
مستر اكس : اما الامر هذا خطير ....راح يعكس كلش .
ردو عليه كامل .....
حاضر . وخرجو من الاجتماع .
بقا وحدو يخمم ..... لازم عليا نحمي ملكة مكدينيا و ملك ارسيليا ...اما الي محيرني شعب المارون وين راه الملك نتاعهم .؟؟؟ حتا الحارس لدرك مبانش .
____________
كان قاعد ....قص عليه
نحتاجوك في مهمة
رد عليه بكل ثقة : تحتاجوني ؟ من وكتاش شعب مكدينيا يحتاجني .
الرسول : لازم عليك تطلع لارض مكدينيا و تحذر الكس من قوى شر تهددنا كلنا .. حتا ارسيليا و المارون .
رد عليه : نظن انو ابناء الخليط معليهمش خطر ...روح خبر مستر اكس يحوس علا ابن ساحرة و بشري خلاف ...مارانيش قاعد .باش نحمي شعب و ارض مرحبتش بيا و عتبرتني غريب عليهم .
الرسول : لازم تعرف انو حتا عالم البشر في خطر .
رد عليه : عادي ...متأكد انو حتا لوكان عالم البشر عرف بكل هاذ الشي مراحش يستقبلني . روح خبر المستر اكس انو راني رافض .. وميهمنيش شي .
________
خرجت من الدرس لقاتو يستنا فيها ....
صقر : نروحولها درك ؟
ندى : ايه .
صقر : اركبي .
ندى : مارسي صقر .
صقر : العفو مي راني حاسة بلي انا هو الحارس نتاعك ماش نتي ارنوب .
ندى : ههههه لالا غير هنا حبس ..ايه صح مرانيش نحس بخطر عليك فليمات لي عداو ؟؟ واش السبب ؟
صقر : معرف . متلاقيتيش مستر اكس الي خبرتيني بيه ؟
ندى : لالا ....ومن الافضل المرة الجاية كنلقاه تكون معاي .
صقر : نشاالله .....شاف مع عينيها و تبسم .
تبسمتلو هي تاني و رجعت تشوف لطريق ..وتخمم في ردة فعل صحبتها كي تشوفها .
.
بعد مدة وصلو لجامعتها لقديمة .....
حوست عليها و هو من بعيد يعس فيها ....مجرد ماشاف روحو يحرس فيها ناض يضحك ...
صقر : ايه يا دنيا من الي كانت هي الحارسة وليت انا .
سمع صوت من وراه يهدر : ملك ارسيليا كاملة هنا ؟؟ و بلا حراسة ؟
دور صقر قابلو راجل . تكلم
صقر : ملك ارسيليا ؟؟؟؟ شكون نتا ؟
ادم : حارس ...حارس ملكة مكدينيا مملكة البحر والماء .
صقر : الي فهمتو انك حارس يعني كيما ندى .
ادم : اممم حارسة تاعك اسمها ندى ... نشالله متكونش صحبت ايمان .
صقر : من وين تعرف ايمان ؟
ادم : يعني هي ....افففف متقليش ندى جات تشوف ايمان ... يا مهبول كيتلاقاو رايح تبرد....وقادر تتجمد .
صقر : علاه ؟؟
ادم : خاطر نتا ملك ارسيليا ...مملكة النار و الشمس .
صقر : انا ؟؟؟ ملك ؟ هههههه
ادم : ماش وقتو صقر ماش وقتو ازرب روح حوس علا ندى ...اه
صقر : شبيك ؟؟؟ اه ...و واش لوجاع هذا ...
ادم : ازرب ازرب روح ل طاكسي و شعل شوفاج ازرب .. تلاقاو ....راني حاس بيها بدات تبكي ... ازرب .من الي كنت حارس مكدينيا ...تبانلي راح نولي حارس ارسيليا .
صقر : ر راني راي رايح .
راح بزربة لطاكسي و شعل ....حس بدفا رجع لنفسو ...بقا يخمم فشي الي هدرو ...يعني انا ملك ؟؟؟ و ندى حارسة الملك ؟ ...و واش اسم المملكة ...ا ارسيليا مملكة النار و الشمس .
______ من جيهة خلاف كانت قاعدة فوق الكرسي و تخمم في صحبتها .... قاطعها تفكيرها صوتها .
ندى : ايمان ....( هدرتها و الدموع في عينييها ، كان باين من وجها انها تاعبة ...عارفة انو صراتلو حاجة بصح اصبر ....اصبر صقر 5 دقايق برك ) .
دورت وهي ممصدقاش الي شافتو .... حست بدوخة و غش و حزن و فرح هادو كامل حستهم في دقيقة ....
ايمان : ن ندى ؟
ندى،: يا روح ندى ....
.. كانت راحا تقدم ليها اما ندى حبستها بعد متاكدة انو صقر يتوجع من قربها ليها .
ندى : حبسي ايمان حبسي ... جيت نمدلك حاجة و نروح .... لوحتلها ورقة ... شوفيها فيها نيميرو نتاعي جديد ... اتصلي بيا ...راحا نفهمك كلشي ...سامحيني ايمان سامحيني .
ايمان هزت الورقة ماجات طلع راسها لقات صحبتها مكانش .... هدرت في قلبها ...معليش ...درك نفهم كلش و ادا كان السبب نتاعك ا ندى ضعيف ...نقتلك .
.
سمعها تهدر وحدها تبسم قدم ليها و تكلم .
آدم : متهدريش على القتل ....من اليوم حاولي تخبي مشاعرك ياو راني نحس بكلشي تحسيه . هنا ..( اشار لقلبو )
ايمان : يعني نتا تاني عندك وشم كيفي هنا ( حطت يدها علا صدرو ....حست بحاجة جامي حستها ...قوة كبيرة سرات ف جسمها ...نحات يدها بزربة .خافت لوكان تزيد طول طير .../ مكانش هو قل منها حاس بوشمو تحرك روحو تحركت جاتو تخيلات فراسو ...بصح كنحات يدها عليه راحلو كلش....)
ايمان💕ادم💕ندى💕صقر💕
