حلقة خاصة 💙👑 :
سلام حبيباتي 💕💘 اول شي راني نشوف في متفاعلات جدد 🙈مرحبا بيكم 😘كنت نتمنا تكونو معانا من الاول باش نهبلكم شويا ههههه راكم قريتو الحلقات ورا بعض 😹 💓💘 بالنسبة لهذا الكومونثار بما اني كشفت الغموض تاع الملوك و الحراس راني رايحة نفهمكم خاطر كاين بنات بزاف مفهموش او تخربطو 🙁 حبيت نعرف وينو المشكل هل في طريقة سردي للاحداث ؟؟ تحبو نبدلها؟ راني نحاول نقرا كل مرا الحلقات الي كتبت باش مننسا حتا تفصيل او نعديه... اي شي كتبتو... ومخرجش عادا هذا يعني اني رايحة نستعملو فالحلقات الجايين مثلا شعور صقر بقوى الشر.... المهم بالنسبة للكلام الي رايحا نقولو ممنوووع منعا باتا انو تقراه وحدة مقراتش كامل الحلقات 👌علا خاطر رايحة تفهم كلش و هكذا حلقاتي كلهم يوليو بلا معنا 🙁 و تروحلكم الاثارة.... و ال راهم يسقسيو في راسهم كي كشفتي الغموض واش. راح يكون موضوع الحلقات الجاية نحب نخبركم انو مزال الغموض الاكبر الي لدرك هدرت عليه في بعض الحلقات والي هوما الجرعات المفقودة💕 وراحين نخرجو من عالم البشر شويا 😂💕 ودرك تبعو معاي و افهمو افكاري باش تفهمو الي جاي :
_ اولا كاين عالمين : عالم خيالي و خفي / وعالم البشر.
رايحين نبداو نعرفو بالعالم الخفي :
____ العالم الخفي متكون من 3 زوايا.... سميتهم الاراضي او الممالك.... كل مملكة عندها قدرات وتتميز على المملكة الاخرى... راحين نبداو نعرفو بالمملكة الاقوى.
مملكة مكدينيا : اقوى مملكة وتعتبر مملكة البحر و الماء. زعيمها يكون آلكس... وملكتها كيما بينتلنا الحلقات تكون ايمان 💕 بزاف فيكم قالو واش الفرق بين الزعيم و الملك... الزعيم هو الي يحرس المملكة... اما الملك هو طاقة المملكة كيغيب تغيب كل قدرات الشعب الخارقة.... بالنسبة لقدراتهم اكيد و بما انها مملكة البحر و الماء راحين يتحكمو بكل شي فيه ماء او بحر او برد.... بالنسبة لحارس الملكة ايمان... هو آدم. والي يتمتع بحاجة اكثر من الحراس لخرين وهي الشعور بكل أحاسيس الملكة... ماعدا احساس الحب خاطر دكرت انو مقدس.
نروحو للأرض او المملكة الثانية : مملكة آرسيليا... وهي مملكة النار و الشمس زعيمتها تكون آتانيا ..ملكها هو صقر و حارستو هي ندى . بالنسبة لهاذ المملكة تتمتع بقدرات خاصة بالنار و الشمس .
المملكة الثالث : مملكة المارون : المملكة الي تجمع كل من قوى مملكة النار و قوى مملكة البحر ...نصف نصف ....وهي المملكة الوحيدة الي يقدر شعبها يتأقلم مع الاراضي لخرين ...خاطر تمتاز بالدفا و البرد . و تعتبر مملكة القمر و اليل و الصحرا . الشي الوحيد المختلف انو مملكة المارون و علا عكس الممالك الاخرى ملكها السابق و بعد موتو خلا حفيدتان ماش حفيدة وحدة يعني توأم ....هذا الي خلا وحدة فيهم تكون الملكة والاخرى الحارسة . لكن بشرط ..تعرف وحدة فيهم هاذ الشي قبل الاخرى ...يعني يتنقش الوشم ويتحدد مصيرها قبل متقفل 20 سنة .
_________الوشوم : الي بزاف فيكم تخربطو فيهم مع انهم ....واضحين : قلت انو كل الحراس عندهم وشم واحد نبضات قلب و عام 1938 ...بالنسبة للنبضات هي نبضات الملوك السابقين قبل ما يموتو يعني النبضات الاخيرة و العام هو عام الاسوء علا العالم الخفي بعد موت ملوكهم و ارسال الملوك الجدد الى عالم البشر ...وهذا السؤال الي حبيتكم تطرحوه 1938 بصح شخصياتنا راهم في اعمار 20 و 25 ...؟؟؟ هذا الشي تاني راح يتبين فالحلقات الجايين .
ملكة مكدينيا ايمان وشمها موجة و قطرة ماء و الحارس ادم نبضات و 1938 . كل واحد فيهم تحصل علا الوشم في مكان القلب .
ملك آرسيليا صقر وشمو نار و شمس و الحارسة ندى نبضات و 1938 . مكان الوشم الظهر .
ملكة المارون نورسيل وشمها ليل قمر وصحرا و الحارسة اسيل نبضات و عام 1938 . مكان الوشم الرجل .
.
درك نروح لحكاية خلاف وهي الجرائم : بالنسبة لقتل خالتي حليمة ..هي كانت ساحرة من ارض مكدينية ...وقتلها وبالتحديد دبحها راح يفتح الباب السري من عالم البشر ل عالم الخفي بالتحديد ارض مكدينيا ...بالنسبة للساحر الفا .هو ساحر ارسيليا ..ذبحوه .للسبب نفسو وهو العبور للعالم الخفي و كذلك بالنسبة لساحر المارون الي ملقيت حتا فايدة من ذكرو المهم الفكرة وضحت ... يعني ملخص القول ..دبح اي شخص من العالم الخفي راح يحل الباب ....اما والدين ايمان ..قتلهم القاتل خاطر امها عرفت انو قتل خالتي حليمة ...وهذا الي يفسر مقولتو ( عرفتيو حاجة ملزمش تعرفوها ) .
اما بالنسبة ل مستر اكس.. هو ساحر من مملكة مكدينيا و في نفس الوقت رئيس سحرة العالم الخيالي و الي يوصل الاخبار و يتابع التحركات لكل من الملوك و الحراس
هنا نحبس ....هكذا باش يكون كلش واضح ..حبيتكم تفهمو كلش وهو طاير ههههه ايا الي فهمت هاذ الشي كامل تقول انا ..فالرد ...تفاعلو 💕💓💘💕
وحبيت نقلكم اليوم حايبة تكتبو على لكرونيك ف لڨروپ، توقعاتكم، اشكروها، انتقذوها أي حاجة، يبنولي انكم متبعين وفي نفس الوقت اعلان ل الكرونيك😬💕 خلاصو حلقات اليوم، ملتقانا غدا انشالله 👋💕
