الحلقة 16 :
في عالم خلاف .....عالم بعيد على عالم البشر .....عالم من 3 زوايا في كل زاوية كاينة ارض او مملكة كل مملكة تتميز بصفات و قدرات خارقة ..... يحرس كل ارض زعيمها .....و يحفز الشعب ملكها ....الشعب بلا ملك تروحلو كل قدراتو ....وهذا الي صار في عام 1938 .....بعد ما كانو يد وحدة .... تقلبت الاراضي علا بعض ....وهذا راجع لإختفاء اهم حاجة يمتاز بيها هذا العالم المخفي ....... " الجرعات الثلاث "
.
الي حتا لدرك حتا حد معرف بلاصتهم ....اختفاء جرعاتهم خلاهم يشكو فبعض ....مملكة مكدينيا ...حمات نفسها و بحكم انها اقوى ارض ... غطات كل بيبانها بسور كبير ....حد ميقدر يعديه ... تميز السور هذا برسمة كبيرة منق/وشة فيه ....كانت الرسمة عبارة عن موجة عالية و تحتها قطرة ماء
ومن فوق و بخط كبير و عريض مكتوب " مكدينيا "
.
بعد م حمات مكدينيا روحها قررت ارسيليا و المارون يمشيو فنفس الطريق .....بناو سور كبير علا كل وحدة فيهم .....مملكة ارسيليا تميزت برسمة منق,وشة فالسور ... نار لاهبة وفوقها شمس .....اما مملكة المارون الي كان اهلها يتميزو بقدرات تجمع بين قدرات كل من مملكة ارسيليا و مكدينيا . ولكن بقوة اضعف ....بناو سور و نق/شو فيه نق/ش كبير ...قمر في وسط الليل و تحتو صحرا واسعة ....
.
ولكن الشي الي مدارولوش حساب هو موت ملوكهم .....موت الملك او الملكة يعني اختفاء قدرات الارض و الشعب ....يوليو كيفهم كيما البشر ....حاجة متفرق بينهم ... الزعماء اجتمعو ولاول مرة بعد بناء الاسوار ....كان سبب الاجتماع انو كل ملك من ملوكهم خلا حفيدة او حفيد .... قررو ان يحميوهم ويبعتوهم لعالم البشر ...علا انهم يتاما ....لكن و لحراستهم اكثر قررو يبعتو معاهم حراس .....في سن ال20 و بعد ما يتشكل وشم كل ارض في جسمهم ...رايحا تبدا مهمة الحراس ....حراستهم من واش ؟؟؟؟ من الشر ....ام من الجرعات الثلاث ؟؟؟
حاجة وحدة تميز الحراس : انهم الوحيدين الي مزال عندهم قدرات خارقة ....نق/ش في كل واحد فيهم نبضات القلب الي تتمثل في نبضات القلب الاخيرة لكل ملك من الملوك الثلاث الي فارقو الحياة ....و عام 1938 الي بنسبة للعالم المخفي هذا ....اسوء عام عدا عليهم .
____________
كانت قاعدة علا كرسي تاعها .....دخلت عليها. وحدة ...باين عليها ساحرة من لباسها .
الساحرة : سيدتي ....نحب نخبرك انهم لقاو الساحر الفا مقتول ....او بالتحديد مذبوح ....
. كلامها خلاها ترجف ....احتمالية موت اي ساحر او ساحرة من هاذ الارض يعني انو القاتل قدر يدخل لارضها و راهو يدور بين شعبها ....
آتانيا : كيفاش يصير الشي هذا ...... الملك مصرالو والو ؟؟؟
الساحرة : لالا الحارسة راهي معاه ولكن ...الخطر نقص بشكل ملحوظ ..
آتانيا : هادا يعني شي واحد ....يا اما الخطر راهو هنا في ارض آرسيليا ....ول راهو يختبر فقدراتنا . الأراضي الاخرى مسمعتيو شي عليها . ؟
الساحرة : لا سيدتي ...بصح بالنسبة لارض مارون نتوقعو انو الحارس والملك مختفيين ....خاطر حتا لدرك مظهر حتا حد فيهم .
لبنات رايكم 💟💕♡💓💘 و واش تتوقعو؟؟؟ ياك راكم تفهمو عليا 🙉 واش راح يصرا؟؟؟ متنساوش تتفاعلو و ديرو جام علا الحلقات باش نكمل ، بالنسبة ل إسم البطل كنت وعدت بنات أني نبدلو على خاطر في كرونيك وتين الوحش درت نفس الاسم تقريبا🙄 ، لكن كي شفت انو الكرونيك كاين بزاف قراوها من قبل، بطلت، نتمنى تتفهمو.
آتانيا 💕
