الحلقة 22 :
من جيهة واقف مسند روحو على الطاكسي يستنا فيها تخرج من الكور ...مفهمش علاش،عيطتلو .
. شويا هكا لقاهم خرجو ....خرجت هي . شافها عيطلها .
صقر : ندى .
دورت شافتو تبسمت معاه .......راحت تبسيمتها بعد الي شافتو .....زوج رجالة جايين بزربة حاكمين موس و يجرو ليه ....عيطت بكل صوتهاا
ندى : صقرررررر.
.
فجأة الحالة سكتت ....محست بوالو غير بجسمو السخون الي لاسق فيها طلعت راسها شافت معاه و داخت ...
رفدها مع ذهول الناس ......شاف مع الزوج رجالة الي تحرقو كلهم . ول خلينا نقولو ذابو .... الي داخ ولي يعيط ...منظر يخوف .... شاف معاها و راح لسبيطار .
.
.
فطنت لقات روحها في غرفة بيضة ....كلشي تعاود بين عينيها ناضت بزربة وهي تمتم بين شواربها ...صقر ..صقر .
حس بيها رفع راسو لقاها ناضت شاف معاها و هدر
صقر : وين راكي رايحة ؟؟؟ راني هنا .
بعد مسمعت صوتو ...راحت حضنتو بكل قوتها ....
ندى : مرسي ...
صقر : علاواش ؟؟؟
ندى : نتا الي !!!
صقر : لالا نتي .
______________
بعد مراح ايمن ....قعدت مقابلة لونفي و تشوف ....شويا شافتهم بداو يخرجو ...تبسمت وهي تشوف فيه .
ايمان : ادم ؟
ادم : نعم طالبة ؟
ايمان شافت الناس الكل تشوف معاها خصوصا لبنات كلاوها بعينيهم ...
ايمان : استاذ ادم معليش نحكيو فموضوع ؟
ادم : الحصة القادمة ...عندي خدمة سلام .
مشااا كوصل حدا وذنها هدر بصوت خفيف ...
ادم : روحي لدار ...عندي خدمة .
.
تغشت منو هزت خشمها و راحت ..... بقات تحكي وحدها درك تشوف درك تشوف ....انا تعاملني هكا ياو انا ملكة مكدينيا ....حطت يدها علا فمها ....بعد دقيقة ناضت تضحك ....الي يعدي يحسبها مجنونة .
.
حس بيها ....احساس الزعاف .....معداتش دقيقة حس بيها تضحك ...تبسم و قال : مهبولتي .
.
يشوف فيهم من بعيد ....بعد متفارقو راح وراها ....
يتبع فيها .....وهي تمشي ...حبست طاكسي كريا ركبتها وراحت .
.
راح ركب فطاكسي تاعو و ديمارا خلا لغبار وراه ....
____________
في آرسيليا .
كانت تدوش في قصرها في مسبح معمر بالورد و الما السخون .....تخمم بينها و بين روحها ......
قاطعت تخمامها كدخلت ...
آتانيا : ماما ...
ام آتانيا : فواش كنتي تخمي .
آتانيا : في ارض المارون ....كيفاش قدرو يخيرو بين واحد من التوام .
ام آتانيا : يمكن ماش هوما الي خيروهم ....يمكن القدر هو الي يخير شكون الملك و شكون الحارس .
آتانيا : ايه يمكن ....
.
ام آتانيا : بنتي ...نحيه من بالك .
آتانيا : شكون ؟؟؟
امها : ألكس ....راكي عارفة انو الحب هذا مستحيل ...
آتانيا : عارفة ...اما المستحيل يروح في حالة وحدة
امها : الجرعات المفقودة
____________
كيفاش انا ؟؟؟؟؟
صقر : نتي ندى ... مفهمتش كيفاش و وقتاش وصلتي لعندي الي شفتو انو خرج من ظهرك نار حرقت و ذوبتهم ....بيهم بسلاحهم ...الشي الي خلا الناس كاملة حايرة ...و انا تاني .
ندى : ي يعني ..انا . انا قتلتهم ؟؟؟؟؟
حضنها و قال ...لالا متخافيش ....مشكيتش يكونو بشر كيفنا ...السرعة الي كانو يجرو بيها مستحيل يجري بيها بشر .
ندى : و علاش حنا بشر ؟؟؟
صقر : ندى واش رايك تسكني معاي،؟؟؟؟
. بعدت عليه ....
ندى : منقدرش .
صقر : علاه ...داري كبيرة و زيد لبيوت بزاف و بعد الشي الي صرا من الاحسن نكونو قراب من بعض .
ندى : خليني نخمم ....
صقر : اوكي في يدك ليلة و رايحة تباتيها هنا فسبيطار و انا حداك .
تبسمتلو .
صقر : و درك ارجعي لسريرك .
____________
حس بحد يتبع فيه بعد م هبط من الطاكسي ......
خطوات تتقدم .....خطوات باردة و دافية .
مفمش اول مرة يحس بشعور هك .... احساس برد كبرد الليل و سخانة كسخانة الصحرا .
.
.
دور وجهو ملقا حد ....كمل طريقو سمع صوت دور بزربا ....لقاه نزيم .
نزيم : شبيك ادم خلعتني اصاحبي .
ادم : نتا ؟؟ اه والو والو ...تفضل .
نزيم : مرسي . نتمنا ميكونش كاين مشكل .
ادم : لالا عادي المهم انك تتاكد .
نزيم 💕
