الحلقة 41 :
طريق كاملة و هوما ساكتين ....نطقت .
ايمان : ادم راك مليح ؟
ادم : ايه راني مليح .
كمل الطريق حتا وصل للدار هبطت من الطاكسي و هو جا يروح ...قاتلو .
ايمان : وين راك رايح ؟؟؟
ادم : مرانيش حاس روحي بيان ....متخافيش ادخلي نزيد شويا ونجي .
ايمان : داكوغ اتهلا في روحك .
ادم : نتي تاني .
غلقت الباب و راحت ...
طبطبت فتحتلها خالتي خديجة .
خ.خديجة : اهلا بنتي تفضلي .
ايمان : يزيد فضلك .
م سلوى : ايمان بنتي جيتي ...مزيا كلكم خرجتو بقيت غير انا .
ايمان : خالتي لوكان جيتي معانا .
م سلوى : لمرا الجاية نشاالله ...ارواحي ارواحي نوريلك حاجة .
جبدتها من يدها ....
م.سلوى : شوفي شوفي هههه هاذا ادم كي كان صغير ...
ايمان : ياااا ههههه عمري انا شحال شباب ...شوفي قدماه كان
م.سلوى : شفتي ههههه دركا ولا زي الغول .
ايمان : ههههه تقول ماشي هو ڨاع ...وزيد لابس ليكوش وكلش هههه
م.سلوى : هههه لوكان يفيق بلي وريتهملك يذبحني خليهم سر بيناتنا .
ايمان : هههه حاجة باينة ...اما اعطيني صورة منهم نخليها عندي .
م.سلوى : ممم خيري الي تحبي .
.....خيرت منهم صورة خباتها و كملت تحكي مع م.سلوى .
___________
من جيهة خلاف عند اسيل و نورسيل ...في غابة ...قاعدين يدربو .
نورسيل : مممم حتا لدرك مخرجتي حتا قدرات ...اواه راني بديت نخاف علا روحي ...يا يما مزالني صغيرة مانيش حابة نموت.
اسيل : ههههه اسكتي تموتي نموت ....نظن انو لوكان تكوني في خطر صح ...يخرجو قدراتي .
نورسيل،: مممم يمكن ...انا راهو عندي حلم واحد .
اسيل : الي هو ؟
نورسيل،: ميهمنيش اذا مت او لالا المهم اني نلقا الجرعات .
اسيل : كاين 3 جرعات ياك .
نورسيل : ايه و واحد ميعرف اسمائهم او محتواهم .
___________
بعد ماشاف كلش فالكاميرا ....قرر يرجع للقرية مزال عندو احساس يقول انو كاين علاقة بين جرائمها والجريمة هادي ....ركب فالطاكسي و راح .
وصل حدا القرية وهبط ...كمل يمشي علا رجليه .
فجأةً دخلت فيه وحدة .
نيهان : اييي.
نزيم : نيهان ؟؟؟ رايحا تهبليني نتي واش راكي ديري هنا واش جاتك علا هاذ القرية .
نيهان : لالا والو كنت جاية عندك نقلك وصلني .
نزيم : نيهان ياك مراكي مخبيا عليا والو .
نيهان : ااا لا واش نخبي مثلا .
نزيم : نيهان ختي ...راكي عارفة واش صرا فالپاسي ...مانيش حايب هاذ الشي يتعاود راني حايب نعرف كل خطوة تديريها .
نيهان : كل خطوة مشكيتش ...اما الپاسي متخافش مراحش يتعاود ...
تبسم معاها وقال .
نزيم : اذا هكا هيا نوصلك لدار
نيهان : ممم اوك
نيهان 💕
