الحلقة 2 :
بعد 3 ايام من التحضيرات لحفلة عيد ميلاد ايمان جا الوقت الي توزع فيه الدعوات ....
ايمان : ماما منسينا حتا حد ؟؟؟ راني حسا روحي نسيت حاجة
سعاد : لالا بنتي كلش راهو مليح عرضنا كل القرية ....اي اسناي معرضناش ايمن
ايمان : شكون ايمن ؟؟؟
سعاد : طبيب القرية ابنتي لازم علينا نعرضوه ديما واقف معايا و يساعدنا .
ايمان : ايه روحي اعرضيه انتي ماما دبري راسك انا راني رايحة عند ندى مانيش عارفة واشبيها جبدت روحها عليا هكا .
سعاد : امونة بنتي بركايك من التوسييس . روحي عند صحبتك و اخرجو اشريو واش رايحة تلبسي .
ايمان : ايه ماما اني رايحة ربي يحفظك ليا .
غاني : أحم أحم و أنا مكانش دعوة ليا
ايمان : يا روحي أنا لمغيار ربي يحفظكم ليا نتوما لعندي فدنيا هاذي نحبك ماما نحبك بابا
غاني : ههههه ايه عشت وشفت بنتي تقول عليا مغيار اسناي تزوجي و تشوفي لغيرة تاع الصح
سعاد : ههههه لالا بنتي منمدهاش تبقا معايا .
ايمان : اخلايا حايبة تخليني بايرة اماما اواه لالا مديني لابغة لواحد كرشو خارجة معليش هههههه
غاني : ههههه روحي ا وجه الربح ربي يفتحها في وجهك نشاالله و نشوفوك في اعلى المناصب و عروسة .
سعاد : امين يا رب و تجيبلي دايمنننننن
ولي الدار ياربي . تهلاي في روحك ابنتي فطريق و هاكي هاد الماكلة اديها لخالتك حليمة في طريقك الله يرضا عليك
ايمان : اوكي ماما انا تاني توحشت حلومة . ميكون غير خاطرك هاتيلي بوسة : موااااااااح بابا هاتلي بوسة نتا تاني : مواااااح . نحبكم انا باي
سعاد : ههههه لمجنونة باي
غاني : شفتي يا سعاد ربي مدلنا ايمان والله سعات نقول كون ربي مدلي طفلة من صلبي منقدرش نحبها لهاذ الدرجة ايمان نحسها روحي . الحمدالله يا ربي الحمدالله
سعاد : ايه يا عمري نحمد ربي ليل ونهار عليك و علا ايمان منيش عارفة كون مجيتوش فحياتي واش ندير .
______يا ربي واش هاذ النهار السخانة بزاف اوووف تمنيت يكون البرد سلاااام خالتي حليمة كي راكي تعرفي توحشتك بزافف تسال عليك ماما قاتلك هاك هاد الماكلة كوليها واش راكي اهدري معاي
خالتي حليمة : ابنتي كاش مخليتيلي باش نرد عليك شبيكي كلبارود ريحي شويا وخليني نريح معاك
ايمان : هههه سامحيني خالتي راكي تعرفيني طبيعتي نهدر بزاف
خالتي حليمة : معليش ابنتي واش راهي امك
ايمان : الحمدالله . ليوم عيد ميلادي و راني حابتك تجي عندنا تعيشي خالتي ارواحي
خالتي حليمة : لالا بنتي لوكان نتحرك من بلاصتي يقتلوني ....
ايمان : شكون هاذو ليقتلوك ؟؟؟
خالتي حليمة : ايه يا بنتي متعرفيش خير . نسقسيك قداه رايحة تقفلي متقوليليش برك 20 سنة .
ايمان : ههههه ايواه قريب نشيب و مزوجتش اوه . واااااااع جيبيلي عريس .
خالتي حليمة : يا ربي و متكونش الي في بالي ... بنتي امك اي فدار ؟
ايمان : ايه راهي فدار علاه ؟؟؟ يااااا الساعة طولت علا ندى طولت
خالتي حليمة : ندى ؟ ندى مكانش راحت .
ايمان : راحت ؟؟؟؟ وين راحت
خالتي حليمة : راحت ابنتي راحت . تبقاي علا خير .
____ بزاف ناس يشوفو خالتي مهبولة مي انا لالا نشوفها مرا كيما ماما سعاد حنينة و مغبونة بصح لكلام الي قلتهولي درك خربطني و نظرتها وترتني بزاف خافت نروح لدار ندى نلقا كاش مصرالها .....اه ايمان شبيكي .
دقيت الباب 5 مرات واحد مفتح عليا بقيت نعيط ندى ندى ....فتحت خالتي مفيدة لباب وعينيها معمرين دموع .... مفهمتش كفاه دزيتها و دخلت لبيت ندى ...ملقيتهاش و ملقيتش حوايجها فالبيت دورت لخالتي و عينيا تعباو دموع وين راهي خالتو وين راهي ندى وين راحت علاش راحت كيفاش تروح فيوم ميلادي .
خالتي مفيدة وهي تبكي : اه يا بنتي اه لوكان تشوفي شحال دريتها انا و خالك باش تبقا محبتش قاتلي خلاص راهي رايحة تحوس علا اصلها يا بنتي شفتيني ضريتها بشي،؟ وعلاه ا ربي علاه بنتي راحت
ايمان : كيفاش ترووووووح كيفاااااش لالااااااا ندى مديرهاش متروحش بلا متهدرلي لالا خالتي لالا نحتاجها في حياتي .... اليوم عيد ميلادي تروح فيه ؟؟؟؟ علاه ا ربي علاه اييييه خالتي خالتي حليمة جات عندك من قبل
خالتي مفيدة : لالا بنتي مجا حتا حد . غير وحد الرجالة
ايمان : رجالة ؟؟؟؟ وشمن رجالة ؟ شكون هادو ؟ ول نقلك خالتي اتهلاي فروحك باي .
____ رحت نجري لخالتي حليمة وفي راسي الف نحاجة نسقسيها عليها ؟؟؟ شكون الي يقتلوها ؟؟؟ كيفاه عرفت بلي ندى مراهيش فدار ؟؟ واش الي في بالها ؟
جريت جريت وصلت لبلاصتها عينيا تحلو ريقي نشف تهزيييت روحي رجفت وانا نشوف فيها مقتولة ول نقول مذبوحة و تسبح في دمها ....لغاشي يبكي و الي دايخ اما انا خلاص اقتنعت انو كاينة حاجة مفقتش منين جااني لكوراج رحت نجري للعيادة نتاع أيمن دخلت نجري ......
ايمان : ايمن ....ايمنننننن.
ايمان 👑
