الحلقة 47 :
عند ايمن و نيهان :
دخل لقاها قاعدة .
ايمن : صباح الخير .
نيهان : صباح النور .
ايمن : ردة فعلك كانت مليحة ...رايح نقبلك جبتي كل الاوراق .
نيهان : ايه ..تفضل قدمت ليه ومدتهملو .
شاف مع الاوراق و اسمها ...قراه بصوت عالي .نيهان .
شافت معاه ...تبسم ..قال.
ايمن : من درك تقدري تبداي ...
نيهان : شكرا .
ايمن : انا راني رايح ....منبعد نجي ...هاتي پورطابلك .
....ستغربت اما مدتهولو .....كتب فيه رقمو و قال .
ايمن : هذا رقمي ...كون تصرا كاش حاجة عيطيلي فورا .
....لمعوا عينيها من الفرحة ...وقالت .
نيهان : اوكي كون مهني .
خرج و خلاها ....ضحكت بصوت عالي وقالت .
نيهان : واخيرا ...مممم اول خطوة ...
__________
بعد مدة وصلت للقرية ...خبرها انو ميقدرش يزيد يتوغل فيها ...لازمها تمشي .هبطت خلصتو ...وبدات تمشي.... معرفتش وين تروح .
_________
بعد ماخرج ...خرجت قدام الباب ...شافت اسيل ...قالت بين روحها ....هادي ماش اسيل ...
نيهان : اسييييل .
....سمعت حد يناديها دورت لقاتها اخت نزيم نيهان راحت عندها سلمت عليها وقالت .
اسيل : نيهان ؟؟واش راكي ديري هنا ؟
نيهان : مممم نتي واش راكي ديري هنا ؟
اسيل : ممم جيت نشوف خوك .
نيهان : يعني نفس السبب تاعي .
اسيل : اه نتي تاني جيتي تشوفيه .
نيهان : هههه لالا ..انا تاني جيت نشوف الي نحبو ......وغمزتلها .
اسيل : هههه شكون هذا ؟
نيهان : هههه ادخلي ادخلي ...
.....دخلتها للعيادة....قالت اسيل .
اسيل : ممم شكون سعيد الحظ .
نيهان : ممم عملت حادث نهار ب طاكسي هنا .
اسيل : كيييفااااش ...قولي والله ؟؟واش راكي .
نيهان : لالا مصرالي والو ...بسبتو ..يعني جا فالوقت المناسب .
اسيل : شكون ..؟
نيهان : الطبيب تاع هاذ القرية ...ايمن .
اسيل : ممم معناها حب من اول نظرة ..
نيهان : لالا عشق ..ايه من اول نظرة ...اما من 8 سنين .
اسيل : 8 سنييين ؟
نيهان : هههه ايه ..حب من طرف واحد .
اسيل : عينك تبكي ..و فمك يضحك .
....شافت معاها و قالت ....
نيهان : ...قبل 8 سنين ...كنت طفلة صغيرة ...مدللة بزاف ...كان اكثر واحد مدللني بابا ..ربي يرحمو ...في هاداك اليوم ..مكانش باغي يخرج ...اما انا شبعت بكا عليه باش يخرجني ....كان مريض ...وهكاك و قبل ...شحال فرحت ..خرجنا انا وهو ....داني للبحر ....بقيت نجري ونلعب تقول في عمري 4 سنين هههه ....حسيت بيه تعب ....قالي نروحو ..؟؟؟قتلو ايه ...حضنتو ورحنا ...طريق كاملة وهو يضحك معاي و انا مكسرتلو راسو ...كان كل دقيقة يدور ليا ويضحك ......مفقتش معا روحي حتا نلقا ...روحي فالسبيطار ....الف خيط و خيط فيا ....حاولت نتفكر واش صراا؟؟؟ وييين رانيي ؟؟؟وينو بابا ...جات صورة وحدة في بالي ...وقت شاحنة كبيرة دخلت فينااا....صورة بابا ...ضحكتو ...تمنييت يرجع هداك اليوم ...ونبقا معاه فالدار ...نديرلو تيزانة ونحضنو ....مات بسبابي ....
.....طاحت دمعة سخونة منها ......وتبسمت تبسيمة فيها بزاف وجاع ...جات ترد عليها تخفف عليها اما نيهان كملت تحكي ...
بعد متفكرت كلشي،.....لمت روحي ...كرهت روحي ..حبيت نموت ...و اكيد عقلي استجاب لرغبتي ودخل في غيبوبة .... دخلت في غيبوبة لمدة شهر ....حتا جنازتو محضرتهاش ....مسحت دموعها وكملت تحكي ...بعد مفقت من الغيبوبة ..زدت تفكرت كلش ...شحال صعيبة تروحي علا هاد الدنيا مرتين....اما الدنيا هادي تحب ترجعك ...وتبينلك انو انتي ...انتي هي الغالطة ...بكيت بزاااف ...جاوني انهيارات ..دخلت في اكتئاب ...نزيم و ماما مكانوش اقل مني ...كنت كل منشوف دمعتهم نحس روحي السبة الوحيدة .....حتا نهار فقت ...ولقيت حداي تفاحة .
اسيل : تفاحة ؟
نيهان : اممم ..وليت كل منفيق و يوميا نلقا قدامي تفاحة ....قررت مننعسش ونشوف شكون الي راهو يجيبلي فيهم ....شفتو ..عشقتو من اول نظرة ...كلشي فيه جدبني ......بقيت شهر نعس فيه ...عرفت انو طالب طب وراه يسطاجي فالسبيطار الي راني .فيه ....كان هو الوحيد الي قدر يخرجني من حالتي ...بلا ميهدر كلمة وحدة معاي ...وحتا لدرك مراهوش عارف الي انا نحبو ونموت عليه ...هههه مراهوش شافي اصلا علا التفاحة .
اسيل : يمكن يجي النهار والي يولي يعرفك .
نيهان : علاهادي راني هنا ....
نيهان💕
