تعريف بالشخصيات :
سعاد : مرا حنينة بزاف وتحب بطلتنا أكثر من نفسها في عمرها 53 سنة وهي رئيسة جمعية نساء القرية يعني الي تحافظ على حقوق و تمحي عادات و تقاليد القرية و دافع علا كل مرا بأساليب خلاتهم يختاروها باش تمثلهم ...تحب زوجها بزاف كيفاه لا وهي صبرت وحرمت نفسها من الذرية علا جالو ..زواج عن حب تزوجت كي كان في عمرها 25 سنة .
غاني : راجل عندو هيبتو و وقارو الكل يحترمو و يحترم كلمتو بالرغم من أنو مجابش طفل و لا طفلة تحمل اسمو الا أنو مكانش واحد هدرلو او شرلو علا عيبو ...ايه كان العيب فيه هو ميجيبش دراري مي جامي في حياتو حس أنو ناقص و هذا راجع لحب حياتو سعاد الي بعد مدخلت لحياتو ولات كلها سعادة و أمان . اما بعد عشر سنين قرر يحققلها حلمها و يتبنا طفلة تعاونها و تحظنها و تعوضها علا حنان الطفل الي مشتهياتو في عمرو 58 سنة .
ندى : طفلة كيما لبنات لكل أما بنسبة ل إيمان هي روحها و حياتها كفاه لا و هما ترباو كيف كيف و تعرف كل أسرارها كانت بعمرها 20 سنة مواصفاتها راحا تكون في صورة بعد ما تبدا لحكاية .
أيمن : أو معشوق لبنات ، طبيب القرية الي أصلو من لمدينة ناس كامل علابالها أنو يعشق و يفنا علا إيمان كفاه لا و هو ديما تابعها و مراقبها أما جامي ل قللها شي في عمرو 25 سنة .
خالتي حليمة : مرا فقيرة و قد حالها ديما تقعد جنب البحر و في بلاصة وحدا .. الناس تقول عليها مجنونة ..وناس تقول مسكونة ... وكلو من فعالها تحكي و تتصرف و كانو جن ساكنها أما عمرها ما قاست حد ول تسبت بمشكلة لحد هادا الشي لخلا أهل القرية يخلوها
مفيدة : لمرا لربات ندى ( امها ) تبنات ندى لكن بعد متبناتها حست ب بزاف حوايج و منها تصرفات ندى الي كانت عدوانية و قوية من صغرها وهذا خلا لولاد كامل يخافو منها و تاني حستها انو هي شؤم علا القرية خاطر من يوم الي جات ندى للقرية تبدلت و ولات صحرا اما الحمدالله تبدل الشي هذا .
رابح : اب ندى بالتبني ...يحب ندى بزاف و مدللها و ميحب حتا حد يقيسها .
____هاذو الشخصيات الي لازم تعرفوهم لدرك ....
القرية : قرية راقية بزاااف مليحة فيه برك و خضرا عمرك لتشوفها كانت جنة علا الأرض مما خلا السياح يجوها بصح وشنو هو السر الي خلاها هكا بعد ماكانت قرية جافة حداها بحر ...كانت بالنسبة لشعبها قرية ملعونة كفاه لا و بحر كلو مقدرش ينحيلها جفافها أما كلش تبدل قبل 15 سنة .
......بقية الشخصيات راحين تعرفوهم فالحلقات و من بينهم بطلتنا ...أما البطل راحين تكتشفوه نتوما يمكن ميظهرش حتا آخر لحظة و يمكن يكون في نص الحكاية أو في الحلقة الأولى ......،
من فضلكم ممنوع التعليق خارج الحلقات 👑🌊
