الحلقة 45 :
عند اسيل و نزيم :
نزيم : كي يجي وقتها راني نحكيلك ...ومتزيديش تقولي علا روحك مجنونة ...
اسيل : ممم اوك .
نزيم : ودركا روحي تنعسي و انا راني مروح لدار .
اسيل : اوكي ...تهلا في روحك
نزيم : نتي تاني ..
.....بعد ما قفل الخط ...ناض من بلاصتو ركب وروح لدار ....من جيهتها هي ..حضنت وسادتها ونعست وهي تضحك .
__________
وصل لدار دخل ....طلع فدروج وراح لبيتو ...توقع انو يلقاها ناعسة في فراشو ...اما ملقاهاش ...راح لبيتها لقاها ناعسة ...قدم ليها باسها من راسها وقال .
نزيم : تصبحي بخير صغرونتي ....
قفل الباب عليها و خرج .
سمعت الباب تقفل ...حلت عينيها ...وقالت .
نيهان : سامحني نزيم .سامحني .
_________
جا نهار جديد علا ابطالنا ....
عند نيهان ....ناضت وهي فرحانة ...دخلت تدوش ...وخرجت ...فتحت خزانتها وبدات تخير واش تلبس....نلبس هذا،؟؟؟لالا بزاف ...وهذا،؟؟؟ممم تقول رايحة جنازة ...اوووه ملقيت واش نلبس ...ماماااا ...مامااا .
كانت لتحت تفطر مع نزيم سمعتها تعيط .
حنان : راااني جاية يا بنتي .
طلعت لبيتها ...لقاتها فرغت خزانتها كاملة ...شافت معاها وقالت .
نيهان : ماما ملقيت واش نلبس .
حنان : تتمسخري بيا ؟؟؟هادا كامل وملقيتي واش تلبس حصري ...حصري ...جبدتلها سروال بويفراند ..تريكو دوميمونش بيض ..اديداس بيضة ..هاكي .
نيهان : واش هذا ماما منك بصح ..هااا طفل هكذا .
حنان : امالا دبري راسك ....بعد ماراحت ماماها ...جبدت غوب ميني نواغ ...صاندال غوز كلاغ ..طلقت شعرها ...دارت شويا مايكاپ وهبطت تفطر .
نيهان : صباح الخير عليكم
نزيم : صباح النور ..نعستي مليح .
نيهان : ايه ...نزيم راك رايح للقرية اليوم ؟ .
نزيم : ايه ..علاش ؟
نيهان : اديني معاك .
نزيم : وعلاش ا لالة .
نيهان : راحا نبدا نسطاجي لتم ...بحكم انو نتا لتم قدمت طلب للعيادة الي لتم .
نزيم : ممم فكرة مليحة ...اما ايمن ..مانيش مرتاحلو .
م.حنان : اسمو ايمن ؟؟؟
نزيم : ايه ...علاش .....
سكتت وشافت مع بنتها .
نيهان : هيا نزيم هيا رايحين نتوخرو .
نزيم : ممم اوكي .
حنان : تهلاو في رواحكم ...
ركبو ف طاكسي و ديماراو .
__________
عند صقر وندى :
كلامو خلاها تدخل بعضها ...بعدت عليه و هدرت .
ندى : واش نبانلك ؟؟؟وحدة ساهلة بزوج كلمات تخدعها ....بعد عليا .
صقر : واش راكي تهدري. كاش مدرتلك انا .
ندى : متقدمش ...المهم متقدمش ...ودركا انا رايحة ....لدارنا ..باي .
هزت ساكها و خرجت ...خلاتو يغلي ...
حبست طاكسي ...وقالت : اديني لقرية ***
.
بعد مدة ..وصلت ...حست بشي ...اما عادي كملت ...كل متقرب لدارهم ...النفس،يروحلها .
كان قاعد .....كل دقيقة تعدي لوجاع يزيد .
...... كملت مشيتها ....وصلت للباب وهي تتوجع ...طبطبت ..فكتلها ماماها .
.
خ.مفيدة : ندى !!!!
تلاحت عليها تحضن وتبوس ....اما ندى كانت تعاني ...حضن امها كان ثقيل بزاف علا غير العادة .
خ.مفيدة : رابح ....راااابح ارواح ندى جات .
هبط فالدروج لقاها حدا لباب غير قدم ليها ....حكمت في رقبتها ...خرجت منها عيطة وحدة ....وطاحت فالارض ....
في نفس الوقت ...كان جايز ...شاف الي صرا ...راح يجري ..
بعد ماطاحت فالارض ...امها ولات تعيط وتبكي ...
ايمن : واش صرا ؟؟؟؟ هزها و مشا بيها يجري .
جاو رايحين معاه ...دور عندهم هدر كلمة وحدة
ايمن : متجيوش .
.
_________
اسيل بعد ما ناضت ...راحت لبيت ايمان .
اسيل : صباح الخير
ايمان : صباح النور
اسيل : ممم ايمان نسقسيك ...وين تجي القرية ديالكم ..راني حايبة نروحلها .
ايمان : وعلاش ؟؟؟اه علا جال نزيم مممم احكمي طاكسي قوليلو قرية ***** يديك راهي معروفة
قدمت ليها باستها وقالت .
اسيل : مرسي حبيبتي .
ايمان : تولهي علا روحك .
اسيل،: ممم اه ..لوكان يسقسيك عليا ادم قوليلو مع نورسيل .
ايمان : حاضر ا لالة هههه .
اسيل : هههه باي .
هبطت لقات خ.خديجة : صباح الخير يا زينة الدار .
اسيل : صباح الخير خالتي ...ماما وين راهي .
خ.خديجة : نظن خرجت ...
اسيل،: ممم اوكي راني رايحة اتهلاي فدار وفي ايمان .
خ.خديجة : طريق السلامة بنتي ...خرجت من الدار ....بقات تستنا في طاكسي .
حبست وحدة و ركبت .....
بعد مدة وصلت للقرية .
ايمن💕ندى 💕
