الحلقة 32 :
دخل للحفلة يحوس عليها بعينيه ....
مع دخل شافتو تبسمت حركت الكرسي تاعها ....جيهتو .
اسيل: تفضل .
نزيم دور لقاها قدامو لابسة لحمر ...عينيييه ولاو قلوبة .
نزيم : عيد ميلاد سعيد ...
اسيل : شكرا خاطر قبلتي الدعوة ....
نزيم : العفو ....هاكي هديتي ليكي .
تبسمت هزتها عليه ....شكرا تعبت روحك ....
نزيم : قفلتي 20 سنة ؟
اسيل،: ايه .
نزيم : مزلتي صغرونة .
اسيل : ممممم .
ادم : احم .اهلا نزيم .
نزيم : اهلين . .. حفلة مليحة . شكرا على الدعوة .
ادم : في اي وقت . . .
جات ايمان .
ايمان : العميل نزيم راك هنا .
نزيم : هههه متشوفيش معايا هكذا الله غالب خدمتي .
ايمان : لالا معليش شكك في كل الناس خلاني نتأكد انك مناسب .
نزيم : شكرا ....لكن لدرك مقدرنا نستنتجو والو ...غريبة .
ادم : واش الغريب،؟؟
نزيم : كلش .
.
م. سلوى : مرحبا بيكم في حفلة بنتي اسيل الصغرونة ....حتا لدرك مانيش عارفة كيفاه كبرت ....لبارح كنت نشوفها بيبي ...ودرك راهي مرا ...قدمت ليها و حضنتها ...عيد ميلاد سعيد بنتي . .
جابو لڨاطو ...ولغاشي بدا يصفر وهي تضحك ...قدمت ايمان لادم و قاتلو .
ايمان : في رايك تقدر تحمل لوجاع ؟
ادم : منيش،عارف نتمنا .
غناولها كامل ...بعدا ما خلصو ....طفات الشموع .... ..كملة الشمعة اللخرة وحست بوجاااااع كبييير في رجلهاا ....مقدرتش تقاومو عيطت بصوت عالي خلا الي فالقاعة الكل يبهت فيها .
بعد معيطت هكيك راح يجري ليها .
نزيم : اسيل،؟؟؟؟وشبيك راكي مليحة ؟؟؟
ادم : ختي توجعتي ؟؟؟
ايمان الدموع تعمرو في عينيها خصوصا انو لوجاع جا في رجلها .... سلوى صفارت بعد معيطت ....
.
ادم : يما ابقاي مع المعازيم ...ايمان ارواحي معاي .
هز ختو وطلع بيها للبيت . بعد مخلا الكل مخلوع و حاير خصوصا نزيم الي خاف عليها .
ادم : اسيل ؟؟؟ راكي مليحة ؟
اسيل : اممم خف لوجاع .
ايمان : الحمدالله.
اسيل : راني حاسة برجليا علا غير العادة .
ادم شاف مع ايمان ...تبسمتلو .
ادم : اسيل تقدري توريلنا الوشم ؟
اسيل : اكيد مام انا راني حايبة نشوفو .
.....رفعت لاغوب ديالها ....بقا لحضة يشوف مع رجليها....
خرجت من فمو كلمة وحدة .
ادم : مستحيييييييييل .
ايمان : نبضات قلب و 1938 .
ادم : معناها ....الملكة !!!!!!!!
______
واخيرا 😹... واش رايكم؟؟؟ ماذا كانت ردة فعلكم🙄😳😂😘 قولولي؟ عجبوكم .. نبقا فالغموض ول نكمل نص نص... آرائكم تهمني 💓💘💕 ♥💓😍 التعليق فالحلقات اي تعليق خارج الحلقات الادمين رايحا تبلوكي راهي هدرت ...♡
ادم💕ايمان💕
