الحلقة 44 :
عند ندى و صقر :
....بعد مخلصت الدوش خرجت .....قابلت لمراية وبقات تشوف في وشمها ....زعما يجي فيه نهار يروح وشمها ؟؟؟واش فايدتها في هاذ الدنيا ؟ لوكان مكانش كاين خطر عليه ...واش تكون هي ....بزاف حوايج جاوها ...تمنات متكونش هي ...اما كتفكرتو ....هدرت معا روحها .
ندى : اه ...لوكان مجيتش حارستو ...اكيد تكون وحدا خلاف في بلاصتي ....نقتلها .
.
بعد ملبست و شيحت شعرها ...خرجت من بيتها ضربتها ريحة بنينة . مممم ...تبعت الريحة وصلت للكوزينة ..شافتو يطيب ..ضحكت عليه .
سمع ضحكتها دور .
صقر : واش راكي عاجبتك واقيل ؟
ندى : هههه طابليا واش خرجت عليك .
صقر : ممم نوغمالمو نطيبو مع بعض ...طولتي واش كنتي دير ؟
ندى : نخمم.
صقر : فيا .باينة هادي .
ندى : حوحو ....لالا نخمم في روحي .
صقر : المهم متخميش في هذاك .
ندى : هذاك ؟؟؟
صقر : حبيبك
ندى : مراهوش حبيبي .
صقر :: اما كان .
ندى : فهمني وعلاش راك مقلق هكا ؟؟
.....قرب ليها ....حط جبهتو علا جبهتها ...خشمو علا خشمها ....و هدر .
صقر : نتي ...نتي تاعي وحدي ...ليا انا برك ...واحد ميديك .
___________
بعد مخرج من الاجتماع ...راح لدار ....دخل بشويا ..بحكم انو طول بزاف برا .
عرف الي هوما كامل ناعسين ...
...من جيهة خلاف كانت في بيتها تستنا فيه يجي ...سمعت صوت الباب ..ناضت بشويا حلت باب البيت و خرجت ...هدرت مع روحها ...ممم مزيا اسيل منعستش معاي ..لوكان راني نوضتها ..
هبطت بلعقل فدروج ...شافتو قاعد فصالة ...راحت عندو .
ايمان : ادم !
دور ليها ...تبسم ..
ادم : منعستيش ؟
ايمان : لالا مقدرتش بقيت نستنا فيك .
ادم : مممم علاه ؟؟
ايمان : اا .خاطر متعشيتش ..قلت تجي نسخنلك .
ادم : ممم يعني ماشي خاطر تقلقتي عليا ولا .
ايمان : لالا . نروح نسخنلك لعشا ونجي .
ادم : داكوغ مرسي .
ايمان : مبيناتناش .
راحت للكوزينة .جبدت لعشا الي خباتهولو ..شعلت النار وحطتو يسخن ....فجأةً تفكرت ...
ايمان : ياه ....نسيت ڨاع ....كيفاش وليت منخافش من النار ؟؟؟
بعد مسخن ..طفات وراحت عندو ..لقاتو مغمض عينيه .
ايمان : احم .
تعدل في قعدتو وهدر .
ادم : علاش حرتي ؟؟
ايمان : كيفاش ؟
ادم : يعني علاش حسيتك حايرة !!
ايمان : اه ..ااا ..كي كنت في قريتي ...كنت نخاف من النار ...لكوزينة مندخلهاش .اما درك شعلت نوغمال ..وسخنتلك لعشا .
ادم : خاطر قوتك اضاعفت ...كي قفلتي 20 سنة ..
ايمان : ايه ..صح ..اما حتا لدرك مشفتش قوتي ...ول قوتك .v
ادم : راكي متأكدة ؟؟
ايمان : ؟؟؟
ادم : قريتك ...كانت كلها جافة ...بعد ما جيتي ليها ولات جنة .
ايمان : راك تقول انو انا السبة ؟
ادم : اكيد ...كتبكي ...السما تبكي معاك ...تتغشي..السما تغيم ..لبحر يهيج ...الجو يظلام ...كل احساس تعيشيه ...لبلاصة الي راكي فيها تعيشو .
ايمان : ونتا .
ادم : انا ؟
ايمان : ايه يعني السما و لبحر يحسو بيا ...ونتا تاني ..
ادم : مممم تخليني نجرب حاجة ؟
ايمان : وشنو ؟؟
....ناض ...قدم ليها رجعت ل لور ...حط يدو ورا رقبتها .....وباسها ...كان حاب يجرب ...اما شواربها خلاوه يطول فيها ....حست بالنفس راحلها ..جبدت روحها منو ..
ايمان : و واش واش راك دير ؟؟؟
ادم : كل متقدمي ليا نشوف حوايج ...حبيت نجرب ...اما علاه مشفت والو ؟؟
ايمان : متزيييدش تقدم ليا ....راحت من قدامو طالعة فالدروج حاسة قلبها راح يخرج ....ايمان بركاي ..قلبي بركا ما تضرب ....متحبوش ...ملازمش تحبيه ...خاطر ميحبكش ....
بعد مطلعت حط يديه علا فمو وهدر مع روحو ....وعلاش مراهي تحس بوالو دركا ؟؟ توله لقلبو الي يضرب ....حط يديه علا صدرو وهدر بصوت خفيف ....ونتا علاش راك تضرب .
ادم💕ايمان💕
