الحلقة 10 :
بعد طريق طويلة ..وصلو هبطو من طاكسي بحكم انو القرية طرقاتها متوالمش الطكسيات ....
مع هبط حس بحاجة خنقتو ....نفسو دياق حاب يهدر بصح كشاف عينيها يبرقو عرفها حايبة تتلقا صحبتها . سكت و قدم معاها .
ندى : شحال توحشتها ....
صقر : امممم
ندى: شبيك تأم أم ؟
صقر : ولشي
ندى : واشنو هذا واش صرااا ؟؟؟ واش لاپوليس هاذي في كل بلاصة ؟
سارة : ندى ؟؟؟؟
ندى،: سارة وين راهي ايمان واش الي صاير ....
سارة : شكون الي معاك ؟؟
ندى: اه خويا ، ياك رحت نحوس علا اهلي نعرفك بخويا .
_____خزر معاها خزرة بلعت ريقها منها
سارة : متشرفين ( و عينيها قلوبة )
ندى : ايوووو وينها ايمان ؟؟
سارة معلابالكش واش صرا...
_____جات تحكي قاطعتها هناء .
هنا : هلا و غلا شكون جانا ...المصايب تجي ورا بعض ....من نهار جيتو علا القرية حاجة ما مشات صح .
ندى : واشراكي تهدري نتي ....؟؟؟؟؟
هنا : خالتي حليمة و خالتي سعاد و خالي رابح تقتلو .
_____يديها ولاو يرجفو عينيها تعمرو دموع حست بوحد لوجاع ....حس بيها حط يدو علا كتافها مع انو هو بدات مكانش بيان و محايبش يقدم كتر من هك ...
راحت تجري وراح وراها ....اما حبست وقت طاح فالارض . حست بوجاع فجسمها مش نوغمال ...قاومت لوجاع هزت روحها و راحتلو وقفتو سندتو علا كتافها . كانت رايحة لدار ايمان وقفها بهدرتو .
قصي : م متروحيش ...تروحي نموت .
ندى : واش بيك واش لوجاع هذا .
قصي : برد ....قرية باردة بزااااف ...مقدرتش حاس روحي طافي .
_____مقدرت دير والو غير انها رجعت بيه ل طاكسي تحطت في بلاصتو شافت شوفة ودموعها فعينيها .وديمارات .
__________
قاعدة فوق سريرها تخمم ....بعد تخمام طويل حبت تروح وين كانت خالتي حليمة تقعد .
لبست قشها لمت شعرها و خرجت .
لدرك مازالو الناس يشوفو معها ....اما آخر همها . حايبة تلقا حاجة وحدة حاجة تديها لطريق ...حابة تنتقم من الي قتلو والديها و تفهم شكون هي و علاش هاذ شي راه يصرا.
لقاتو في طريقها محبتش تتجاهلو . كان علابالها بلي يحبها و تاني وقف معاها و مع والديها من قبل .
أيمن : ايمان راكي مليحة ؟؟؟
ايمان : الحمدالله .
أيمن : حمدالله وين راكي رايحة ؟؟؟
شافت معاه .
أيمن : ايلا حبيتي نروح معاك .
ايمان : ايه معليش .
______راحو جيهة لبحر و ماشيين ..هي ساكتة تخمم وهو يشوف معاها ...حاس بيها و بوجاعها . حاس بلي من ورا القوة هادي كاين ضعف كبير وجيعة كبيرة حد ماراح ينحيها .
وصلت لبلاصة خالتي حليمة وبدات تحوس .
أيمن : علا واش راكي تحوسي ؟؟؟؟
ايمان : اي حاجة . اي حاجة عندها قيمة .
ايمن : داكوغ درك نعاونك
_____تبسمت معاه و كملت تحوس بعينييها .....
مكان حتا حاجة دمعو عينييها . تمنات تلقا حاجة . قعدت في بلاصة حليمة حطت سندت راسها وطلعتو لسما ...غمضت عينيها وبدات تتفكر ....هذا كامل وهو يشوف فيها ...
حلت عينيها بزربة و شافت لجيهة وحد السور .
ايمن : شبيكي ؟؟؟؟
ايمان : لالا والو .
( نفس الاحساس نفس العينين نفس الشوفة مزال يعس فيا !!!شكون هذا شكون هذا الي راني حاسة بيه زعما يكون الي قتلهم ؟؟؟نلقاك نلقاك ) .
هبطت وجها شافت مع الارض ......لقاتها كلها مخربشة نفضت لغبار عليها .....
لقات كلمة وحدة معاودة قداه نمرا
" مكدينيا "
ايمن 💕
