تكملة حلقة 24:
كانت تدوش .... خرجو شيحت شعرها و طلقتو .... بقات مقابلة لمرايا و تخمم في حياتها والي تبدل فيها .... يعني هي ملكة ....الفكرة هادي خلاتها تضحك .....و هو حارسي ...ممممم يعمري ....راحت لسريرها حكمت پورطابل تخربط فيه .....لقات رقم عيطلها بزاف ..... بعد تردد عاودتلو .
.
صونا ..... هز عليها .
ادم : ايمان
ايمان : آدم ؟؟؟
ادم : ايه ..راكي مليحة ؟
ايمان حمدالله ونتا ؟
ادم : حمدالله ...تصبحي بخير . وكوپا .
.
بقات تشوف ....مشوكيا من عملتو ...واشبيه هذاااااا 20 اپال باش يقلي حمدالله و يكوپي في وجهي .... درك تشوف ا سي ادم . ... بقات تعيطلو ...حتا رد عليها .
ادم : شبيكي زعفانة . بركاي راني نحس .
ايمان : واش اسي شباب ...تعيطلي و زيد تكوپي في وجهي
ادم : ممممم علاه راكي حايبة تحكي معاي ؟؟؟
.
طلع وجها طماطمة ....حس بشعور الحشمة ضحك .
ايمان : وعلاش تضحك .
ادم : حشمتي . طماطمة .
ايمان : متضحكش عليا ......
ادم تقعد ...وردلها : علاه نضحك عليك ؟
ايمان : ياو راك تضحك ...
ادم : نضحك برك ...المهم تولهي علا روحك و جمعي قشك غدوة تجي تعيشي معايا .
ايمان : وشنووو
ادم : سلام . درك وكون تعاودي نقتلك و نتهنا .
.
بقات تخمم واش هدر هدا ؟؟؟؟نعيش معاه ههههه اواه لالا انا سمعت غالط .... حطت راسها على لوسادة و نعست .
