الحلقة 8 :
ندى : ورقة ؟؟ واشمن ورقة ؟؟
صقر : الكلمات الي قلتيهم دركا منين سمعتيهم ؟؟؟
ندى : بحر / ماء ، نار / شمس
صقر : لالا راكي غالطة
ندى : ؟؟؟؟
صقر : ماء / نار ، ليل / نهار ، شمس / قمر ، صحرا / بحر .
ندى : واش راك تهدر ؟؟؟؟
صقر : في عيد ميلادي مدولي لورقة مكتوب فيها هاذ الشي .
ندى : نفس الرجال الي جابوني عندك ؟ مستر اكس ؟
صقر : مستر اكس ؟؟؟؟ منيش عارف المهم منين سمعتي الكلمات ؟
ندى : نتا شمس نار . ايمان صحبتي بحر ماء ، تحب لبحر ولبرد .....عكسك ...تخاف من النار و الشمس ....
صقر : قفلت 20 سنة ؟؟؟؟
ندى : يعني كيفنا ؟؟؟؟؟
صقر : لالا ماشي كيفنا ....كيفي .
ندى : لازم نروح لازم نرجع نتأكد قادرة تكون في خطر شكون يحميها .
صقر : لكان نتي هنا تحميني ، أكيد كاين حارس ليها .
ندى : لالا . نروح لازم
صقر : كيفاش تروحي ؟؟ لوكان تبعدي تصرالك حاجة نموت و العكس ...
ندى : ارواح معاي ....تعيش نشوفها نحكي معاها برك تعيش
صقر : اوكي غدوا نشاالله ارواحي لهنا،، درك راهو الليل قريب يطيح .
ندى : انشالله . مرسي . باي .
____خرجت و خلاتو شاعل عينيها وحدهم يشعلوه يحسها الوقود تاعو تروح يطفا تقدم يلهب .
___________
بعد ما فطنت لقات روحها في بيت صحبتها ندى هبطت دمعة باردة علا وجها ....وناضت . فتحت الباب و خرجت .
خ.مفيدة : بنتي صباح الخير راكي مليحة ؟؟؟ ارواحي تفطري
ايمان : لالا خالتي مارسي نروح نوقف علا الجنازة .
خ.رابح : يا بنتي هبلتي خلينا حنا نرتبو كلش روحي ريحي مرانيش نشوف فيك مليحة
_____كانت باردة كالثلج ..حتا نظراتها بردو تهدر بلا احساس ..
ايمان : تعيش خالي اما لازم انا الي نتكفل بكلش متخافش عليا حتا حاجة متڨيسني .
فتحت باب الدار و خرجت ....كل الناس تشوف معاها و في عينيهم حزن علا عكسها هي الي ....استغربو منها ومن القوة الي جاتها ....
________
مفيدة : رابح مراكش تشوف فالجو ليوم غريب بزاف مغيم و لبحر هايج .....
رابح : ايه....تقول القرية كاملة راهي تبكي .
مفيدة : ايمان مراهيش مليحة ....وندى مجاتش توحشتها .
رابح : انا تاني قلت بلاك نروح للمدينة نحوس عليها علا الاقل تعرف أخبار ايمان تكون معاها .
مفيدة : تعمل مزيا مراهيش عاجبتني .
رابح : نشاالله نشاالله .
________
دخلت لدار ....اول مرة تحسها فارغة كانو لاپوليس يصورو و يراقبو في كلش تجاوزتهم و دخلت لبيتها . ...
إيمان : شكون نتا ؟؟؟ واش راك دير في بيتي ؟؟؟
ايمان💕
