الحلقة 7:
فطن لقا روحو فسبيطار .
فرملية : علا سلامتك . هبط نسبة السكر في دمك و فقدتي الوعي .
........ : لازم نوض ...لازم نخرج .
فرملية : درك نعيط لطبيب يرتبلك وراقك و تخرج .
بعد ما راحت خرج طول متوجه لدارهم ....فكرة انو مزال حي خلاتو يعرف الي هي حية مي علاه راهو حاس انها طافية ....احساسو بعيد ...مراهوش يحس بيها . واش صرا ؟
_______
دخلت في صدمة من الشي الي شافتو الجيران يبكو و يعيطو ...خسرو مرا و راجل طول حياتهم يقادروهم .. كاين الي يبكي علا خسارة القرية و كاين الي يبكي علا حالة ايمان ...وكاين الي مستغرب واش الجرائم هذو الي قاعدين يصراو .
قدمت ليها حضنتها وتبكي
خ. مفيدة : ايمان بنتي ادعيلهم بالرحمة ، ابكي بنتي ابكي متبقايش هكا .
خ. رابح : مفيدة خليها .
خ.مفيدة : كيفاش حايبني نخليها شوف الطفلة مراهيش هنا . عقلها راح راح .
خ.رابح : ايه يا دنيا ...مكفاش شافت الي صرا في حليمة زادت شافت امها و بوها مقتولين قدامها . ربي يصبرها ربي يصبرها و ينتقم من الي عمل العملة هادي ....يا قاتل الرووووح وينن تروح .
_______
أيمن : دخلت نجري عندها رحت نجري شفتها عرفت الي هي في صدمة ....بالنسبة ليا كانت قوية بعد الي صار قاصني نلقاها ميتة . قدمت ليها حطيت يديا علا كتفها .
أيمن : عظم الله أجرك ...( هدرتي خلاتها تفطن من غيبوبتها و تدخل في حالة بكاء هستيري ) إيمان اسكتي متبكيش كوني قوية حضنتها . وبقيت معاها حتا حسيتها هدات عرفت الي هي رقدت هدرت مع خالتي مفيدة الي داتها لدارها و دخلتها لبيت ندى . غطاتها و خلاتها تنعس .
________
سارة : مسكينة ايمان شفتي الي صرالها يا ربي لوكان جيت انا نهبل .
هناء : شفتيه كيفاه حضنها و خايف عليها ؟؟؟؟؟
سارة : هنا !!!!منك بصح شبيكي هبلتي مشفتيش حالتها ؟؟؟ رايحة تهبلي نتي .
هناء : ميهمني حتا حد فالدنيا هادي غيرو هو . يموتو كامل غير هو . نفضل نموت انا ول يموت هو المهم ميقربش ليها . قلبي يوجع . روحي توجع . نحبو علاه متفهموش نحبووو .
سيف : سلام لبنات . سارة ساڤا ؟
سارة : حمدالله ونتا سيف ؟ وين راهي ندى نشاالله متكونش راحت بسبتك .
سيف : منعرف اصلا منحبهاش ظل لاسقة فيا ...راكي تعرفي كنت نشفق عليها هي تحبني
سارة : حاجة غريبة ...تحبك علاش راحت ؟
سيف : احسن هناتني ... المهم نتي راكي مليحة تهلاي في روحك من الجرائم هادو .
سارة : ايه نشاالله تعيش
راح سيف ....
هناء : واش نكرهو ...قاعد من طفلة لطفلة
سارة : ههههه ايه يحكي معاي و عينيه عليك . مي عشت و شفت نتي و ايمان متفاهمين في حاجة .
هناء : واش هيا ؟؟؟
سارة : هههه في زوج متحملوهش .
هناء : لالا لغاشي كامل حتا واحد ميحملو .
سارة : مممم بلاك .
__________
جات الفكرة فبالو ناض يضحك راح للكوزينة هز المقلة و ضرب روحو .
كانت قاعدة فدارها حست بضربة علا راسها ناضت تجري خرجت من دار وماشية ....وين ؟ ماراهيش عارفة المهم لازم تزرب .
ندى : شكون ضربو ...يا ربي ميكونش صراتلو حاجة منيش حايبة نموت علا صغري ...أي راسي .
بقا يضرب في راسو و يضحك ....
شويا هك سمع الباب تع دارو تحلت بالقوة .
دخلت تجري تحوس عليه لقاتو قاعد و يضحك و فيدو مقلة .
ندى : متقليش ...الي في بالي .
صقر : ههههه نتي الي خليتيني نديرها .
ندى : وجعتيني .
صقر : ممم سامحيني لوكان تمديلي نيميرو تاعك ول منزيدش نديرها .
ندى: راني رايحة ...أي .
دورت ليه شافت معاه بغش خرجت لطريق و قعدت فنص الطريق . خرج لحڨها لقاها قاعدة و طاكسي جاية بزربة .
صقر : نوضي نووضي .....ازربي نوضي .
ندى : حتا توعدني متزيدش تديرها .
صقر : نوضي يا هم نوضي مزلت صغير في عمري 25 سنة نوضييي .
ندى : امممم متشرفين.
صقر : ااااااه .
دورت تشوف فيه ناضت بزربة قدمت ليه
ندى : شبيك خلاص راني نضت .
صقر : شاف معاها تبسم . متنسايش حياتك حياتي . حياتي حياتك .
ندى : عمري متتفاعلش بزاف واش حبيت مني ؟ علاش جبتني ؟
صقر : حايب نعرف واش نوع الوشم تاعك . ادخلي معاي و نحكيو بلاك نلقاو حوايج مشتاركين و نقدرو نفهمو .
ندى : يعني نتا معلابالك بحتا حاجة.
صقر : لالا .....حل باب الدار و قاللها ...تفضلي.
دخلت هيا تبعتها .... قعدت و بدات تهدر . .
ندى : واش مرسوم في ظهرك ؟ .
.
قدم ليها ..نحا تريكو شاف في عينيها عرفها حشمت دور بظهرو و قاللها هذا هو الشي الي مرسوم .
ندى : حلت فمها ...توقعت يكون نفس الوشم نتاعها بصح لا . وشمو كان عبارة علا نار لاهبة و شمس مفقتش بروحا حتا لقات يديها عليه .، حس بيديها دافيين في ظهرو . ستحلا لمساتها ليه مقدرش يبعد ، خرجت من فمها جملة وحدة .
ندى : تحب النار ؟ .
صقر : ايه و نكره البرد و الما و لبحر .
ندى : من وقتاش وهو هنا .
صقر : من عيد ميلادي 20 .
ندى : انا تاني .
صقر : عندك نفس وشمي و تحبي النار و تخافي من البرد كيفي كنت عارف .
ندى : لالا .
صقر ستغرب بعد عليها شاف معاها و قال .
صقر : واش نوع وشمك ؟؟ دورت بظهرها رفعت تريكو تاعها و وراتلو .
صقر ركز في لحمها الي كيما الثلج كانت بيضة وال زاد علا نارو وشمها واش هذا ؟؟؟ دقات قلب و في آخرها عام ؟
صقر : 1938 ؟؟؟ واش لعام هذا واش صرا فيه ، علاش قلتي انا تاني .
ندى : انا تاني في عيد ميلادي 20 تحصلت عليه ...منخافش من البحر و الماء و البرد لكن نفضل نكون بعيدة عليه ...ضحكت و قالت : علا عكس صحبتي ايمان .
ايمان
حلت عينيها ....لبحر ...الماء . النار . الشمس .
صقر : اه نتي تاني مدولك الورقة ؟
صقر💕
