الحلقة 59 :
آتانيا : the king ?
آلكس : ...ملك ...ملك مكدينيا السابق ...اب ايمان .
آتانيا : تقصد مانتوس ؟؟؟؟
دوركس : مستحيل ....كل ملوكنا ماتو بعد مفقدنا الجرعات .
آلكس : كل الملوك لقينا جثثهم ....اما الملك مانتوس. ...اختفى ...مع تشكل وشم النبضات في صدر
ادم ....عرفنا الي هو مات ..
آتانيا : بما انو ..الوشم تشكل معناها ...صح مات .
آلكس : نظن انو ...نبضات قلبو قبل ...قبل ميتحكم فيه الشر .
دوركس : يعني آخر نبضات قلب للملك الطيب ....وبداية نبضات قلب الملك الشرير ..
آتانيا : هاذا معناه انو ...انو هو الي هرب بالجرعات .
آلكس : ايه ...اما وبما انو رجع يعمل هاذ الشي ...نظن انو فقدهم ...
دوركس : طمعو فالجرعات خلاه ينسا كلشي ...حتا بنتو ...ملكة مكدينيا ...رايحا تموت اذا هو استولى علا المملكة .
آلكس : هاذ الي يفسر أفضلية ادم علا الحراس ...واحساسو بكل احاسيس ايمان ....احاسيس الاب ...شعور الاب .
آتانيا : احساس نبضات الاب ...باحاسيس بنتو ...احساس الملك الطيب .
دوركس : معناها ...الجرعات ..هي الحل الوحيد .
آلكس : كلنا شعرنا بيه ....الا ايمان ...بصفتو باباها ...هاذ الشي خلاها متحسش بخطر من جيهتو ...اما ادم و بصفتو حارسها ...حس بكلشي حسيناه ..
دوركس : معناها كل شعب مكدينيا حس بشعور الشر .بالرغم من انو الملك السابق يعني من شعبكم .
آلكس : حسينا بقوة الشر الي فيه ....مراهش الملك ...الملكة الحالية ايمان ...والرسالة لازم توصل لكل الملوك و الحراس ....لازم علينا نخاطرو ...ونهبطو ساحر خلاف يخبرهم بكلشي ....راني حاس بيه غادر من الارض ....يعني رجع ...رجع لعالم البشر .
__________
جا نهار جديد .....ناضو ابطالنا ...
عند نيهان و نزيم : ناضت ....شربت قهوتها لبست و خارجة .
.....شافها خارجة حاب يقلها ..لالا متروحيش هذاك مراهوش بشر كيفنا ....اما تكلم مع روحو ...نزيم هي علا الاقل حبت نصف بشري ...اما نتا حبيت حارسة ..
...خلاها تروح ...وراح تكا ..يخمم في كلشي صرا ..وشكونو رابح هاذا ....اما في لحظة قرر يتبعها ..خاف عليها ..لبس قشو وراح وراها .
_________
وصل للعيادة بكري ....فتحها وبدا خدمتو ...بعد شوية جات .
نيهان : صباح الخير .
.....ستغرب انها جات ...كان حاسب انو نزيم وبعد معرف كلشي مراحش يخليها تزيد تجي ...مفهمش علاش حس بفرحة كشافها ...ردلها .
أيمن : صباح النور ...واش راكي مبكرة .
نيهان : ممم ايه نعست بكري لبارح علا هادي ..نتا راك مليح ؟؟
ايمن : حمدالله ..
.
قصت هدرتهم لما دخلت .
ايمان : سلام .
....لما سمع صوتها ...برقو عينيه رد عليها .
ايمن : ايمان ؟ راكي هنا ..وعلاش جيتي ..يمكن تصرالك حاجة .
....كان يهدر ونيهان تراقب في عينيه ...خوفو عليها ...كلشي فيه فضحو ..عرفت الي هو يحبها ...شدت علا قبضت يدها من الاحساس الي راهي تحس بيه ...احساس غيرة ...حزن ...ضعف ...كلهم جاوها ...قرت تخرج وتخليهم وحدهم ...هدرت بصوت مبحاح ...
نيهان : راني خارجة .
....شاف معاها ..حس بحزنها ...كان باين عليها .
ايمان : ايمن ..ادم راهو يسأل فيك اذا رحت لمكدينيا .
ايمن : ادم ؟؟ كيفاش بعتك في بلاصتو ..
ايمان : خاطر انا منحس بحتا شي هنا .
ايمن : اه .صح ..المهم قوليلو ايه ..رحت وخبرتهم بكلشي ...
.
عند نيهان خرجت وحاطة يدها علا قلبها وتبكي ...
نيهان : بركاي نيهان ...بركاي ...متنسايش واش قالك نزيم .
في نفس الوقت كان يشوف في ختو كيفاش تبكي ...عرف الي صرات حاجة ...ماش متعلقة بالعالم الآخر اما متعلقة بعالمها ...أيمن ....محبش يقدم ليها ...حب يتأكد من حبها ...حبها الي وعدت انها تبدل طريقتها ...بعد لحظات تبسم .
.
نيهان : امسحي دموعك نيهان وكوني قوية ..في خاطر نزيم ...مسحت دموعها ...وضحكت ورجعت لداخل .
.....بعد ماشاف ضحكتها و تحملها قال في نفسو .
نزيم : نجحتي فالاختبار نيهان ...مبروك عليك حب النصف بشري .
..
.
نيهان💕
